අළු යට ගිනි යළි මතුවෙයි

 

වසර දෙකකට ඉහතදී (2013) පැවැති ශූරයන්ගේ කුසලාන තරගාවලියට සහභාගි වීම සම්බන්ධයෙන් ඇතිවූ තත්ත්වයේදී තමන්ගේ කීර්තිනාමය පළුදු කිරීමට ශී‍්‍ර ලංකා කි‍්‍රකට් ආයතනයේ ඇතැම් නිලධාරීන් හිතාමතාම, සැලසුම් සහගතව කටයුතු කර ඇතැයි ශී‍්‍ර ලංකා පිලේ හිටපු නායක කුමාර් සංගක්කාර කියයි.

 

මෙම තත්ත්වය ඇතිකිරීම සඳහා ඒ වන විට හිටපු කී‍්‍රඩා අමාත්‍ය මහින්දානන්ද අළුත්ගමගේ මහතාත් වගකිව යුතු යයිද නවසීලන්තයේ සිට ශී‍්‍ර ලංකා කි‍්‍රකට් ආයතනයට ලිපියක් (විද්යුත් තැපැල් මගින්) ලියමින් සංගක්කාර කියා සිටී.

 

වසර එක හමාරකට පමණ පසුව මෙම අර්බුදය නැවතත් ඉස්මතු වී ඇත්තේ ශූරයන්ගේ කුසලාන තරගාවලියට සහභාගි වීම සම්බන්ධයෙන් තේරීම් කමිටු සභාපති සනත් ජයසූරිය මහතා විසින් ශී‍්‍ර ලංකා කි‍්‍රකට් ආයතනයට එවන ලද ලිපියක් තමන් වෙත යොමු නොකිරීම පිළිබඳව ඇතිවූ කතාබහකදීය.

 

එංගලන්ත පිල ශී‍්‍ර ලංකාවේදී එක්දින තරගාවලියකට සහභාගි වූ පසුගිය ඔක්තෝබරයේදී මෙම කතාබහ නැවතත් ඉස්මතු වූ බවත් දැනගන්නට තිබේ.

 

ශී‍්‍ර ලංකා කණ්ඩායම පුහුණුවීම් කරමින් සිටියදී ශී‍්‍ර ලංකා කි‍්‍රකට් නිලධාරියකුගෙන් සංගක්කාර කළ විමසීමකදී එම නිලධාරියාට උත්තර නොමැතිව යාම නිසා තරමක වචන හුවමාරුවක් සිදුවූ බවත් දැනන්නට තිබේ. කෙසේ වෙතත් අදාළ නිලධාරියා එම අවස්ථාවේදී සංගක්කාරගේ පැනයට පිළිතුරු දී නැත්තේ පරිපාලනමය හේතූන් සම්බන්ධයෙන් තමන්ට ලැබුණු උපදෙස් පිළිපැදීම නිසා බවද දැනගන්නට ඇත.

වසර 2014 දී පැවැති දේශීය වි:20 තරගාවලිය වූ ‘සුපර් ෆෝස්’ ශූරතාව දිනාගත් ‘සදර්න් එක්ස්ප‍්‍රස්’කණ්ඩායමේ නායකත්වය දැරුවේ ලසිත් මාලිංගය. ශූරයන්ගේ ලීග් තරගාවලියට ගියේත් ලසිත් මාලිංගගේ ‘සදර්න් එක්ස්ප‍්‍රස්’ පිලයි. එහෙත් 2014 ශූරයන්ගේ ලීග් තරගාවලියේදී ලසිත් මාලිංග නියෝජනය කළේ ‘සදර්න් එක්ස්ප‍්‍රස්’ පිල නොව අයි. පී. එල්. තරගාවලියේදී ඔහුගේ කණ්ඩායම වූ මුම්බායි ඉන්දියන්ස් පිලයි.

 

සංගක්කාර නවසීලන්තයේ සිට ශී‍්‍ර ලංකා කි‍්‍රකට් ආයතනයට එවන ලද ලිපියෙන් කියැවෙන්නේ ශූරයන්ගේ කුසලාන තරගාවලියේදී සන්රයිසස් හයිද්‍රාබාද් පිල වෙනුවෙන් කී‍්‍රඩා කිරීම පිළිබඳව තේරීම් කමිටු සභාපතිවරයා තමන්ට එවන ලද ලිපිය ශී‍්‍ර ලංකා කි‍්‍රකට් නිලධාරීන් විසින් වසන් කර තබාගත්තා පමණක් නොව, ජනතාව අතර තිබූ තමන්ගේ ප‍්‍රතිරූපය විනාශ කිරීම සඳහාත් සැලසුම් සහගතව කටයුතු කළ බවයි.

 

එබැවින් කල් පමාවී හෝ, අදාළ ලිපිය තමන්ට ඉතාමත් ඉක්මනින්ම යොමු කරන ලෙස ශී‍්‍ර ලංකා කි‍්‍රකට්  නිලධාරියකුගෙන් සංගක්කාර විද්‍යුත් තැපැල් පණිවුඩයක් මගින් ඉල්ලා තිබේ.

 

”මට මේ ගැන එන්න පුළුවන් නිගමනය මේකයි. මේකට සම්බන්ධ සියලූම පාර්ශ්වයන්, නිශාන්ත රණතුංග මහතා සහ කී‍්‍රඩා ඇමතිවරයාව සිටි මහින්දානන්ද අලූත්ගමගේ මහතාත් ඇතුළුව, මාව අන්තර්ජාතික වශයෙන් අපහසුතාවට පත්කරන්න උත්සාහ කළා. මගේ ප‍්‍රතිරූපය විනාශ කරන්න උත්සාහ කළා”

 

”නිශාන්ත රණතුංග මහතා පුවත් පත් සාකච්ඡවක් පවත්වමින් මේ සම්බන්ධයෙන් කතාකරන්නේ කොහොමද? ශූරයන්ගේ කුසලාන තරගාවලිය සම්බන්ධයෙන් එවන් ප‍්‍රශ්නයක් පැන නොනගින අවස්ථාවකදීත්  මුදල් හෝ රට වෙනුවෙන් කී‍්‍රඩා කිරීම මා තෝරාගත යුතු යයි කියමින් මා පීඩනයට ලක්කරන්නේ ඇයි?” යයිද සංගක්කාර සිය විද්යුත් ලිපියෙන් විමසා තිබිණ.

 

දෙසැම්බර් 15 දා ආරම්භ වන මෙම විද්‍යුත් තැපැල් සංවාදය ජනවාරි 21 දා තෙක්ම දිවයන අතර, එම සංවාදයට කුමාර් සංගක්කාර සමග ශ‍්‍රී ලංකා ක‍්‍රිකට් ආයතනයේ ඉහළ පෙළේ නිළධාරීන් කිහිපදෙනකුද එක්ව තිබෙන බව දැනගන්නට තිබේ.

 

කෙසේ වෙතත් ජනවාරි මස 21 දා තෙක්ම සංගක්කාර වෙත අදාළ ලිපිය යොමු කිරීමට අදාළ නිලධාරියා පියවර ගෙන නැත්තේ ඔහුට ඉහළින් ලැබුණු උපදෙස් අනුවය. අවසන් වරට ඔහු සංගක්කාරට පවසා ඇත්තේ ශ‍්‍රී ලංකා ක‍්‍රිකට් තේරීම් කමිටු සභාපතිවරයාගෙන් අවසර ලැබෙන්නේ නම් පමණක් අදාළ ලිපිය සංගක්කාරට යැවිය හැකි බවයි.

 

මේ අතර අදාළ ලිපිය සම්බන්ධයෙන් කුමාර් සංගක්කාරට තොරතුරු ලැබුණ ආකාරය හෙළිදරව් කරගත යුතු බවද කි‍්‍රකට් නිලධාරීහු කියා සිටිති. එහෙත් සංගක්කාර පවසන්නේ ශූරයන්ගේ කුසලාන තරගාවලියට සහභාගි වීම සම්බන්ධයෙන් ලිපියක් ශී‍්‍ර ලංකා කි‍්‍රකට් ආයතනයට යවා ඇති බව ජාතික තේරීම් කමිටුවෙන් සහතික කළ බවයි.

 

”එහෙනම් ඒ ගැන තේරීම් කමිටුවෙන් අහගන්න” යයි සංගක්කාරට ලැබෙන එක පිළිතුරකි. එහෙත් වමත් පිතිකරුවා ඒ පිළිතුරෙන් මෙල්ල නොවේ
 

”ඔබ මේ කාරණාව තව කෙනෙකුට යොමු කරන්නේ ඇයි? මම අහන්නෙ ඉතාමත් සරළ ප‍්‍රශ්නයක්”

 

”මාව අයි. පී. එල්. කණ්ඩායමට නිදහස් කිරීමට අදාළ ලිපිය ඔබට ලැබුණාද නැද්ද?” යයි සංගක්කාර විමසයි. ඉන් අනතුරුව විවාදයට ගැනෙන්නේ පසුගිය වසරේදී වූ  සිදුවීමකි.

 

වසර 2014 දී පැවැති දේශීය වි:20 තරගාවලිය වූ ‘සුපර් ෆෝස්’ ශූරතාව දිනාගත් ‘සදර්න් එක්ස්ප‍්‍රස්’කණ්ඩායමේ නායකත්වය දැරුවේ ලසිත් මාලිංගය. ශූරයන්ගේ ලීග් තරගාවලියට ගියේත් ලසිත් මාලිංගගේ ‘සදර්න් එක්ස්ප‍්‍රස්’ පිලයි. එහෙත් 2014 ශූරයන්ගේ ලීග් තරගාවලියේදී ලසිත් මාලිංග නියෝජනය කළේ ‘සදර්න් එක්ස්ප‍්‍රස්’ පිල නොව අයි. පී. එල්. තරගාවලියේදී ඔහුගේ කණ්ඩායම වූ මුම්බායි ඉන්දියන්ස් පිලයි.

 

2014 ශූරයන්ගේ ලීග් තරගාවලියේදී මුම්බායි ඉන්දියන්ස් පිල වෙනුවෙන් කී‍්‍රඩා කිරීමට ලසිත් මාලිංගට නිදහස ලැබුණ බවත්, ඒ සඳහා අවසරය ඔහුගේ අතටම ලැබුණ බවත් සංගක්කාර පෙන්වාදී තිබේ. එසේ නම් යථෝක්ත තරගාවලියට සහභගිවීම සම්බන්ධයෙන් තමන් ගැන සඳහන් ලිපියක් නොලැබීමට හේතුව තමන් දැන ගත යුතු බවත් මේ ප‍්‍රශ්නයේදී කි‍්‍රකට් නිලධාරීන් යමක් සැඟවීමට උත්සාහ කරන බවත් සංගක්කාර පවසයි.

 

ශී‍්‍ර ලංකා කි‍්‍රකට් ලේකම් නිශාන්ත රණතුංග සහ සනත් ජයසූරිය යන මහත්වරුන් මාධ්‍ය සාකච්ඡවක් පවත්වා මුදල් හෝ රට යන දෙකින් එකක් තෝරාගන්නා ලෙස තමන් පීඩනයට ලක්කළ බවත් සංගක්කාර පවසයි.

 

”මෙවැනි පීඩනයක් අනෙකුත් ක‍්‍රීඩකයන්ට යොමු නොකළේ ඇයි?” යයි සංගක්කාර විමසයි.

 

මේ සියලූ තොරතුරු සම්පිණ්ඩනය කරමින්, ශ‍්‍රී ලංකා ක‍්‍රිකට් ආයතනයේ ලේකම්වරයා සහ හිටපු ක‍්‍රීඩා අමාත්‍ය මහින්දානන්ද අලූත්ගමගේ මහතාද ඇතුළුව සියල්ලන්ම හිතාමතාම තමන්ව පීඩනයට ලක්කිරීමටත්, ජනතාව අතර තමන්ට ඇති ප‍්‍රසාදය නැති කිරීමට කටයුතු කළ පවසන සංගක්කාර එය ලැජ්ජා සහගත ක‍්‍රියාවක්  බවත් පවසා තිබේ.

 

මෙම චෝදනා සම්බන්ධයෙන් ශී‍්‍ර ලංකා කි‍්‍රකට් ආයතනයේ ලේකම් නිශාන්ත රණතුංග මහතාගෙන් කළ විසීමකදී රණතුංග මහතා පවසා සිටියේ ශී‍්‍ර ලංකා කණ්ඩායම ලෝක කුසලාන තරගාවලියට සූදානම් වන මේ අවස්ථාවේදී කී‍්‍රඩකයන්ගේ සූදානමට බලපෑමක් විය හැකි කිසිවක් ප‍්‍රකාශ කළ නොහැකි බවත් ලෝක කුසලාන තරගාවලියෙන් පසුව මෙම චෝදනාවන්ට නිසි පිළිතුරු දෙන බවත්ය.

 

”ඒත් එකක් කියන්න  ඕනා”

 

”අයි. පී. එල්. තරග සංවිධායකයන්, ශී‍්‍ර ලංකා කි‍්‍රකට් ආයතනය සහ කී‍්‍රඩකයන් අතර ඇතිකරගන්නා තුන් ඈඳුණු ගිවිසුමේ තියෙන විදිහට ශූරයන්ගේ ලීග් තරගාවලියේදී තමන් කී‍්‍රඩා කරන්නේ කුමන කණ්ඩායමටද කියන එක ගැන අවසන් තීරණය ගන්නේ කී‍්‍රඩකයාමයි. ඒත් පාලක මණ්ඩලයක් හැටියට අපේ කැමැත්ත තියෙන්නේ අපේ කී‍්‍රඩකයෙක් අපේ කණ්ඩායම නියෝජනය කරනවානම් හොඳයි කියන එකයි”

 

”ඒ කෝක වුණත් පුවත් පත් සාකච්ඡ තියලා ‘සල්ලිද රටද කියන දෙකින් එකක් තෝරගන්න’ කියල නම් කි‍්‍රකට් ආයතනයේ අපි කවුරුවත් කිව්වේ නෑ. ඒක මම වගකීමෙන් කියනවා” යයිද නිශාන්ත රණතුංග මහතා පැවසීය.

ඕස්ටේ‍්‍රලියාව තුන්කොන් ශූරතාව දිනාගනී

ලෝක කුසලාන තරගමාලාව පෙනෙන තෙක් මානයේදී සිය ප‍්‍රතිවාදීන්ට අනතුරු ඇඟවීමක්  කළ  ඕස්ටේ‍්‍රලියානුවෝ, පර්ත් නුවර බටහිර  ඕස්ටේ‍්‍රලියානු කි‍්‍රකට් සංගම් කී‍්‍රඩාංගණයේදී පැවැති ‘කාල්ටන් මිඞ්’ තුන්කොන් එක්දින තරගාවලියේ අවසන් මහා තරගයේදී එංගලන්තය ලකුණු 112 කින් පරදවා ශූරතාව දිනාගත්හ.

අද දිනය තමාගේම දිනයක් බවට පත්කරගත් ග්ලෙන් මැක්ස්වෙල් පිත්තෙන් මෙන්ම පන්දුවෙන්ද පෑ විස්මිත දස්කම්  ඕස්ටේ‍්‍රලියානු ජයග‍්‍රහණයේ ප‍්‍රබලතම සාධකය විය.

ලකුණු 279 ක ඉලක්කයක් හඹාගිය එංගලන්තය  ඕවර 39.1 කදි ලකුණු 166 කට දැවී ගියේ මැක්ස්වෙල්ට කඩුලූ 4 ක්ම පූජා කිරීමෙන් පසුවය. එය ඔහුගේ එක්දින තරග දිවියේ හොඳම පන්දු යැවීම බවටද පත්විය.

මීට පෙර ඔහුගේ හොඳම පන්දු යැවීම බවට පත්වී තිබුණේ 2013 දී බටහිර ඉන්දීය කොදෙව් පිලට එරෙහිව ලකුණු 63 කට කඩුලූ 4 ක් දවාලීමයි. එය වාර්තාවූයේද මේ ක‍්‍රීඩාංගණයේදීම වීම විශේෂත්වයකි. අද දිනයේ මැක්ස්වෙල් කඩුලූ 4 ක් බිඳ දැමුවේ ලකුණු 46 ක් පමණක් ලබා ගැනීමට අවසර දෙමිනි.

මිචෙල් ස්ටාක් යැවූ පළමු  ඕවරයේදීම පිට පිට පන්දු දෙකක් හතරේ සීමාවට යැවූ ඉයන් බෙල් (8) සාර්ථක ආරම්භයක් ලබාගත් නමුත් සිවුවැනි  ඕවරයේදී දැවී ගියේ ජොශ් හේස්ල්වුඞ්ගේ පන්දුවකිනි. අනතුරුව 9 වැනි  ඕවරයේදී ජේම්ස් ටේලර් දවාගත් මිචෙල් ජොන්සන් සිය ඊළඟ  ඕවරයේදී මුයීන් අලී (26) සහ නායක ඔයින් මෝගන් (0) දවා ගත්තේ පිට පිට පන්දු දෙකකිනි.

ලකුණු 71 ක් තුළ කඩුලූ 5ක් බිඳ වැටුණු මොහොතේ රවී බොපාරා (33) සමග එක්ව ලකුණු 98 දක්වා එංගලන්ත ඉනිම ගොඩනගමින් සිටි ජොස් බට්ලර් (17) දැවී ගියේ මැක්ස්වෙල් යැවූ 25 වැනි  ඕවරයේ පළමු පන්දුවට රිවර්ස් ස්වීප් පහරක් එල්ල කිරිමට යාමේදීය.

ක‍්‍රිස් වෝක්ස් (0) ලකුණු නොලබා දැවී ගිය හෙයින් එංගලන්ත ක‍්‍රීඩකයන්ගේ විවේකාගාරයේ නිහඬතාව රජයන්නට විය. එතැන් සිට පන්දුවේ වාසිය දිගටම මැක්ස්වෙල්ට හිමිවිය. වේගවත් ඉනිමක නිරතවූ ස්ටුවර්ට් බ්‍රෝඞ් (24) සහ බොපාරා දවාලමින් මැක්ස්වෙල් සිය එක්දින තරග දිවියේ හොඳම පන්දු යැවීම සටහන් කළේය.

වඩාත් ප‍්‍රවේසමෙන් පිතිහරඹයේ නිරතවිය යුතු පර්ත් නුවරදී පස්වැනි කඩුල්ලට ලකුණු 141 ක තීරණාත්මක සම්බන්ධතාවක් ගොඩනැගූ ග්ලෙන් මැක්ස්වෙල් සහ මිචෙල් මාෂ් දෙදෙනාත්, පසුපෙළින් පිටියට පැමිණ වේගවත් ඉනිමක් ක‍්‍රීඩා කළ ජේම්ස් ෆෝක්නර් එක්ව පළමුව පන්දුවට පහරදුන්  ඕස්ටේ‍්‍රලියානු පිල නියමිත  ඕවර 50 නිමාවේදී කඩුලූ 8 ක් දැවී ලකුණු 278 ක් දක්වා ඉහළට ඔසවා තැබීමට සමත්වූහ.

පන්දු යවන්නන්ට වැඩි වාසියක් බලාපොරොත්තු විය හැකි මේ තණතීරුවේ කාසියේ වාසිය ලැබූ එංගලන්ත නායක ඔයින් මෝගන් පළමුව පන්දු යැවීම තෝරාගත්තේය. එය හැම අතින්ම නිවැරැදි තීරණයක් බවට පත්වූ බව ආරම්භයේ දී පෙනෙන්නට තිබිණි.

ජේම්ස් ඇන්ඩර්සන් යැවූ පළමු  ඕවරයේ තුන්වැනි පන්දුවෙන්ම ඒරන් ෆින්ච් ලකුණු ලැබීමට පෙර දැවී ගිය අතර 7 වැනි  ඕවරයේදී ඬේවිඞ් වෝනර්ද දවාගනිමින් ඇන්ඩර්සන් සිය ප‍්‍රතිවාදීන්ට එල්ල කළේ සුළුපටු අභියෝගයක් නොවේ.  ඕස්ටේ‍්‍රලියානු එක්දින නායක ජෝර්ජ් බේලි (2) ස්ටුවර්ට් බ්‍රෝඞ්ගේ පන්දුවකින් දැවී යද්දී ලකුණු පුවරුව දිස්වූයේ කඩුලූ 3 ට 46 ක් ලෙසිනි. 18 වැනි  ඕවරය යැවීමට මුයීන් අලී කැඳවීමත් සමග එතෙක් හොඳින් පන්දුවට මුහුණදෙමින් සිටි ස්ටීවන් ස්මිත්ගේ ඉනිම ලකුණු 40 කට සීමාවිය.

මැක්ස්වෙල් සහ මාෂ්ගේ අනගි සම්බන්ධතාව ගොඩ නැගුණේ ඉන් අනතුරුවය.

ඉතා පරිස්සම් සහගතව පිත්ත හැසිරවූ මැක්ස්වෙල් සහ මාෂ්  ඕස්ටේ‍්‍රලියානු ඉනිම ගොඩ නැගීමට සමත්වූහ. ස්ටුවර්ට් බ්‍රෝඞ් යැවූ ඉනිමේ 41 වැනි  ඕවරයේ අවසන් පන්දුවට දැවී ගිය මැක්ස්වෙල්ට සිය ශතකය අහිමිවූයේ ලකුණු 5 කිනි. පන්දු 98 ක් වැයවූ ඔහුගේ ඉනිම හතරේ පහර 15 කින් අලංකාර විය.

මැක්ස්වෙල්ගේ දැවීයාමෙන් පසුව මිචෙල් මාෂ් තරමක් පසුබා ගිය අතර ස්ටීවන් ෆින් යැවූ 44 වැනි  ඕවරයේ දුවද්දී දැවීයාමට හසුවීමෙන් මාෂ්ගේ ඉනිමද ලකුණු 60 දී නිමාවට පත්විය.

බ‍්‍රැඞ් හැඩින්ට (9) වැඩිවේලා පිටියේ රැඳී සිටීමට එංගලන්ත පන්දු යවන්නන් ඉඩ තැබුවේ නැතත් මිචෙල් ජොන්සන් සමග එක්වූ ජේම්ස් ෆෝක්නර්, සිය එක්දින තරග දිවියේ අමතක නොවන ඉනිමක් ක‍්‍රීඩා කරමින්  ඕස්ටේ‍්‍රලියානු ලකුණු සංඛ්‍යාව ඉහළ දැමීමට විශිෂ්ට දායකත්වයක් දුන්නේය. දෙදෙනා අතර 8 වැනි කඩුල්ලට ගොඩනැගුණු සම්බන්ධතාව ලකුණු 45 කි. එම ලකුණු 45 න් ජොන්සන්ට එකතුවූයේ ලකුණු 3 ක් පමණි. ඉතිරිය ෆෝක්නර්ගේය.

වේගවත් ලකුණු රැස්කිරීමක නිරත වූ ෆෝක්නර්  ඕස්ටේ‍්‍රලියානු ඉනිම නිමාවෙද්දී නොදැවී රැස් කර තිබූ ලකුණු සංඛ්‍යාව 50 කි. ඊට වැයවූයේ පන්දු 24ක් පමණි.

හතරේ පහර 4කින් සහ හයේ පහර 4කින් එංගලන්ත පන්දු යවන්නන්ට සංග‍්‍රහ කළ ෆෝක්නර්, ඉන් හයේ පහර 3 ක්ම ගැසුවේ ඔහුගේ ඉවසීම පරික්ෂා කිරීමට උත්සාහ කළ ක‍්‍රිස් වෝක්ස් යැවූ ඉනිමේ 49 වැනි  ඕවරයේදීය.

ස්ටීවන් ෆින් යැවූ ඉනිමේ අවසන්  ඕවරයේ අවසන් පන්දුවත් ෆෝක්නර් විසින් හතරේ සීමාවට ඉහළින් යවන ලදි.  ඒ සමගම ඔහුගේ එක්දින තරග දිවියේ සිවුවැනි අර්ධ ශතකය වාර්තා වූ අතර ඒ අවස්ථා හතරේදීම ෆෝක්නර් නොදැවී සිටීම විශේෂත්වයකි.

ඕස්ටේ‍්‍රලියාව – ඕවර 50 කදී කඩුලූ 8 ක් දැවී 278
(ඬේවිඞ් වෝනර් 12, ස්ටීවන් ස්මිත් 40, ග්ලෙන් මැක්ස්වෙල් 95, මිචෙල් මාෂ් 60, ජේම්ස් ෆුල්ක්නර් නොදැවී 50, ස්ටුවර්ට් බ්‍රෝඞ් 55/3, ජේම්ස් ඇන්ඩර්සන් 38/2යි)

එංගලන්තය – ඕවර 39.1 කදී සියලූදෙනා දැවී ලකුණු 166
(මුයින් අලී 26, ජෝ රූට් 25, රවී බොපාරා 33, ජොස් බට්ලර් 17, ස්ටුවර්ට් බ්‍රෝඞ් 24, ග්ලෙන් මැක්ස්වෙල් 46/4, මිචෙල් ජොන්සන් 27/3, ජොස් හැස්ල්වුඞ් 13/2යි)

ඉසුරු – කසුන් තර්ස්ටන් පිල බේරා ගනිති

කොළඹ නාලන්දා විදුහල සහ කොළඹ තර්ස්ටන් විදුහල අතර පැවැති වයස 19 න් පහළ ‘සිංගර් කුසලාන’ අන්තර් පාසල් කි‍්‍රකට් තරගයෙන් පළමු ඉනිමේ ජයක් අත්කර ගැනීමට නාලන්දා විදුහල සමත් විය.

ඉනිමක පරාජයෙන් ගැළවීමේ සටනක නිරත වූ තර්ස්ටන් විදුහල තරගය නිමා වන විට සිය දෙවැනි ඉනිම වෙනුවෙන් කඩුලූ 8 ක් දැවී ලකුණු 294 ක් ලබා සිටියේය.

ඉසුරු ප‍්‍රනාන්දු (89) සහ කසුන් අබේරත්න (70) තර්ස්ටන් විදුහල් දෙවැනි ඉනිමේදී අර්ධ ශතක රැුස්කිරීමට සමත් වූහ. තර්ස්ටන් විදුහල් පළමු ඉනිමේදී මාලිංග අමරසිංහ සහ කවිඳු බණ්ඩාර කඩුලූ 4 බැගින් දවාගත්හ.

පළමුවෙන් පන්දුවට පහරදුන් නාලන්දා විදුහල කඩුලූ 9 ක් දැවී ලකුණු 300 ක් ලබා සිටියදී ඉනිම අත්හිටුවා තර්ස්ටන් විදුහලට පන්දුවට පහරදීම සඳහා ආරාධනා කර සිටි අතර අරෝෂ කුමාර (89), මාලිංග අමරසිංහ (57) සහ කවිඳු බණ්ඩාර (57) අර්ධ ශතක රැස්කරමින් නාලන්දා පිලේ ලකුණු සංඛ්‍යාව ඉහළ දැමූහ.

නාලන්දා විදුහල පළමු ඉනිම – කඩුලූ 9 ක් දැවී 300
(අරෝෂ කුමාර 89, මාලිංග අමරසිංහ 57, කවිඳු බණ්ඩාර 57, ඩිලාන් මධුසංක 45/3, නිපුන ලක්ෂාන් 14/2)

තර්ස්ටන් විදුහල පළමු ඉනිම – සියලූ දෙනා දැවී 116
(තිමිර ජයසිංහ 53, මාලිංග අමරසිංහ 30/4, කවිඳු බණ්ඩාර 15/4)

තර්ස්ටන් විදුහල දෙවැනි ඉනිම – කඩුලූ 8 ක් දැවී 294
(ඉසුරු ප‍්‍රනාන්දු 89, කසුන් අබේරත්න 70, මලික් පීරිස් 44/3, ලක්ෂිත රසාංගන 94/3)