මුන්රෝගේ ශතකය නවසීලන්තයට ජය ගෙනෙයි

සංචාරක බංග්ලාදේශ කණ්ඩායමට එරෙහිව නවසීලන්තයේ බේ  ඕවල් කී‍්‍රඩාංගණයේදී ඊයේ (6 වැනිදා) පැවැති දෙවැනි විස්සයි20 ජාත්‍යන්තර කි‍්‍රකට් තරගයෙන් ලකුණු 47 ක ජයක් අත්කර ගැනීමට සත්කාරක නවසීලන්ත කණ්ඩායම සමත් විය.

ජයග‍්‍රහණය සඳහා ලකුණු 196 ක ඉලක්කයක් හඹාගිය බංග්ලාදේශ කණ්ඩායමට  ඕවර 18.1 ක් අවසානයේ සියලූ දෙනා දැවී ලබාගත හැකි වූයේ ලකුණු 148 ක් පමණි.

බංග්ලාදේශ ඉනිමේ වැඩිම ලකුණු ලාභියා බවට පත් වූ සබීර් රෙහෙමාන් පන්දු 32 කදී හයේ පහර 3 ක් සහ හතරේ පහර 3 ක් සමගින් ලකුණු 48 ක් රැස්කළ අතර සෞම්‍ය සර්කාර් හයේ පහර 2 ක් සහ හතරේ පහර 3 ක් සමගින් ලකුණු 39 ක් රැස්කළේ පන්දු 26 කිනි.

දක්ෂ පන්දුයැවීමක නිරත වූ ඉෂ් සෝදි ලකුණු 36 කට කඩුලූ 3 ක් දවාගත් අතර බෙන් වීලර් සහ නායක කේන් විලියම්සන් කඩුලූ 2 බැගින් බිඳහෙළීමට සමත් වූහ.

පළමුවෙන් පන්දුවට පහරදුන් නවසීලන්ත කණ්ඩායම වෙනුවෙන් ශතකයක් ලබාගැනීමට කොලින් මුන්රෝ (101) සමත් වූ අතර එය ඔහුගේ ඉහළම විස්සයි20 ඉනිමද විය. පන්දු 54 කදී වාර්තා වූ මුන්රෝගේ ශතකය හයේ පහර 7 කින් සහ හතරේ පහර 7 කින් අලංකාර විය.

ටොම් බෘස් (59) සමග එක්ව නවසීලන්ත ඉනිමේ සිව්වැනි කඩුල්ල වෙනුවෙන් පන්දු 67 කදී ලකුණු 123 ක වේගවත් සම්බන්ධතාවක් ගොඩනැගීමටද මුන්රෝ සමත් වූ අතර පන්දු 39 කදී වාර්තා වූ බෘස්ගේ අර්ධ ශතකය හයේ පහරකින් සහ හතරේ පහර 5 කින් සමන්විත විය.

ලකුණු 37 කට කඩුලූ 3 ක් දවාගත් රුබෙල් හුසේන් බංග්ලාදේශය කණ්ඩායම වෙනුවෙන් පන්දුවෙන් දස්කම් දැක්වීය.

නවසීලන්තය –  ඕවර 20 කදී කඩුලූ 7 කට 195
(කොලින් මුන්රෝ 101, ටොම් බෘස් 59, රුබෙල් හුසේන් 37/3)

බංග්ලාදේශය –  ඕවර 18.1 කදී සියලූ දෙනා දැවී 148  
(සබීර් රෙහෙමාන් 48, සෞම්‍ය සර්කාර් 39, මහමදුල්ලා 19, ඉෂ් සෝධි 36/3, බෙන් වීලර් 16/2, කේන් විලියම්සන් 16/2)

 

-036

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>