ශී‍්‍ර ලංකාව තරගාවලිය සමකරයි

කාලගුණයත් සමග තරග කරමින් කාලයට වඩා වේගයෙන් ඉලක්කය හඹා ගිය ශී‍්‍ර ලංකා කී‍්‍රඩකයෝ විනාඩි 117 කදී ලකුණු 153 ක් ලබාගනිමින් පාකිස්තානු පිලට එරෙහිව කොළඹ පී. සරවනමුත්තු කී‍්‍රඩාංගණයේදී පැවැති දෙවැනි ටෙස්ට් තරගයේදී කඩුලූ 7 ක ජයක් අත්කරගත්හ. මෙම ජයග‍්‍රහණයත් සමගින් තරග 3 කින් සමන්විත තරගාවලිය 1-1 ක් ලෙසින් සමකරගැනීමටද ශී‍්‍ර ලංකා පිලට හැකිවිය.


ඊයේ රාති‍්‍රයේ පටන් ඇදහැළෙන වර්ෂාවත් කොයි මොහොතේ වර්ෂාව ඇද හැළේවිද යන්න අවිනිශ්චිත අඳුරු අහසත් නිසා දිනයක කාලය ඉතිරි වී තිබුණත් හැකි ඉක්මනින් ජයග‍්‍රහණය අත්පත් කරගැනීම ශී‍්‍ර ලංකා කණ්ඩායමේ අභිප‍්‍රාය විය. එබැවින් නිර්භය තීරණයක් ගත් ශී‍්‍ර ලංකා නායකයා කෞෂාල් සිල්වා කී‍්‍රඩාගාරයේ සිටියදී කිතුරුවන් විතානගේ ඉනිම ආරම්භ කිරීමට එවීය.


දිමුත් කරුණාරත්න සිය සුපුරුදු තරගයට අවතීර්ණ වන අතරේ පාකිස්තානු පන්දු යවන්නන් ගල ග‍්‍රහයෙන් ගත් කිතුරුවන් විතානගේ හයේ පහර දෙකක් සහ හතරේ පහර 4 ක් සමගින් පන්දු 23 කදී ලකුණු 34 ක් ලබාගත්තේ  ඕවර 7 කදී ශී‍්‍ර ලංකා ලකුණු සංඛ්‍යාව 49 දක්වා ඉහළ දමමිනි.


ආරම්භය අඩහෝරාවකි ප‍්‍රමාද වූවත් කිතුරුවන්ගේ ප‍්‍රවේගකාරී ඉනිම නිසා විනාඩි 30 ක් ගතවීමටත් මත්තෙන් ශී‍්‍ර ලංකා පිලේ ඉලක්කය ලකුණු 100 ට අඩුවී තිබිණ.


පාකිස්තානුවන් හමුවේ ටෙස්ට් ලකුණු 2911 ලබාගත්තත් පාකිස්තානයට එරෙහිව මුහුණ දුන් අවසන් ටෙස්ට් ඉනිමේදී කුමාර් සංගක්කාර පළමු පන්දුවෙන්ම දැවී ගියේය.


එහෙත් පසුපස නොබැලූ ඇන්ජලෝ මැතිව්ස් සහ දිමුත් කරුණාරත්න එක්ව තුන්වැනි කඩුල්ල වෙනුවෙන් ලකුණු 72 ක සම්බන්ධතාවක් ගොඩනංවමින් ජයග‍්‍රහණය ආසන්න වූ අතර ජයග‍්‍රාහී හතරේ පහරින් ළහිරු තිරිමාන්නගේ ලකුණු සංඛ්‍යාව 20 ක් වී තිබිණ.

 

ඡායාරූපය ශාන්ත රත්නායක

 

අන්තර්ජාතික කි‍්‍රකට් සභාවෙන් අනතුරු ඇඟවීමක්

ශී‍්‍ර ලංකා කි‍්‍රකට් ආයතනය වෙනුවෙන්, අතුරු කමිටුවක් පත්කරීම අන්තර්ජාතික කි‍්‍රකට් සභාවේ ව්‍යවස්ථාවට පටහැණි බව අන්තර්ජාතික කි‍්‍රකට් සභාවේ වාර්ෂික මහ සභා රැස්වීමේදීත් කතාබහට ලක්වී තිබේ.

 

මෙම වාර්ෂික සහ සභා රැස්වීම පසුගිය සතියේදී බටහිර ඉන්දීය කොදෙව් දුපත් සමූහයට අයත් බාර්බඩෝස්හිදී අන්තර්ජාතික කි‍්‍රකට් සභාවේ ප‍්‍රධානී එන්. ශී‍්‍රනිවාසන් මහතාගේ ප‍්‍රධානත්වයේ පැවැත්විණ.

 

මෙම අතුරු කමිටුව පත්කිරීම සම්බන්ධයෙන් වගකිවයුත්තා වන ශී‍්‍ර ලංකාවේ කී‍්‍රඩා ඇමතිවරයාගෙන් අන්තර්ජාතික කි‍්‍රකට් සභාව කරන ඉල්ලීම වන්නේ එහි මීළඟ අධ්‍යක්‍ෂ මණ්ඩල රැස්වීම ඔක්තෝබර් මාසයේදී පැවැත්වෙන හෙයින් ඊට පෙර ශී‍්‍ර ලංකා කි‍්‍රකට් ආයතනය වෙනුවෙන් නිදහස් හා සාධාරණ නිලවරණයක් පවත්වන ලෙයසි.

එසේ නොවුණහොත් ශී‍්‍ර ලංකා කි‍්‍රකට් ආයතනය සම්බන්ධයෙන් වැඩිදුර පියවර ගැනීමේ අවස්ථාව අන්තර්ජාතික කි‍්‍රකට් සභාව සතු බවද අන්තර්ජාතික කි‍්‍රකට් සභාව විසින් නිකුත් කරන ලද මාධ්‍ය නිවේදනයකින් කියැවේ.

අන්තර්ජාතික කි‍්‍රකට් සභාවේ වාර්ෂික රැස්වීම සඳහා බංග්ලාදේශ නියෝජිතයා හැර එහි පූර්ණ සාමාජිකයෝ සියලූ දෙනාම සහභාගි වූහ. ශී‍්‍ර ලංකා කි‍්‍රකට් අතුරු කමිටුවේ සභාපති සිදත් වෙත්තමුණි මහතාද මෙම රැස්වීමට සහභාගි වූ නමුත් ඔහු එම රැස්වීමට සහභාගි වූයේ නිරීක්‍ෂකයකු වශයෙනි.

මීට පෙර ඩුබායිහිදී පැවැති අන්තර්ජාතික කි‍්‍රකට් සභාවේ රැස්වීමකදී ශී‍්‍ර ලංකා නියෝජිතයා සාමාජිකයකු වශයෙන් පිළිගැනීමට අන්තර්ජාතික කි‍්‍රකට් සභාව අකමැති වූ හෙයින් ඔහුට නිරීක්‍ෂකයකුගේ තත්ත්වය පිරිනමා තිබිණ. එහෙත් එම අවස්ථාවේදී ඊට සහභාගි වූ නුස්කි මොහොමඞ් මහතා එම රැස්වීමට සහභාගි වීමෙන් වැළකී සිටියේය.

යම් හෙයකින් ශී‍්‍ර ලංකා කි‍්‍රකට් ආයතනයේ නිලවරණය ලබන ඔක්තෝබර් මාසයට පෙර පැවැත්වීමට නොහැකි වුවහොත් ඒ සඳහා ලබන වසරේ ජනවාරි මාසය දක්වා කල් ඉල්ලා ගැනීමට ශී‍්‍ර ලංකා කි‍්‍රකට් ආයතනය බලාපොරොත්තු වන බවද ශී‍්‍ර ලංකා කි‍්‍රකට් අතුරු කමිටු නිලධාරියෙක් පැවසීය.

 

සමුගැනීමත් සරේ ගිවිසුමත් සම්බන්ධ නෑ – සංගා

 

ශී‍්‍ර ලංකාව වෙනුවෙන් කී‍්‍රඩා කළ ටෙස්ට් තරග 132 කදී ද්විත්ව ශතක 11 ක් සමගින් ශතක 36 ක්ද ඇතුළුව ලකුණු 12,305 ක් ලබාගත් කුමාර් සංගක්කාර තවත් ටෙස්ට් තරග දෙකකට පමණක් කී‍්‍රඩා කිරීමෙන් පසුව ටෙස්ට් පිටිය හැරයාමට තීරණය කර තිබේ. මාස කිහිපයක් තිස්සේ ඒ සම්බන්ධයෙන් පැවැති නානා අනුමාන නිමා කරමින් සෙනසුරාදා සවස කොළඹ පී. සරවනමුත්තු කී‍්‍රඩාංගණයේදී මාධ්‍ය සාකච්ඡුාවකට සහභාගි විය.


සංගක්කාර කටහඬ අවදි කළේ මේ ආකාරයෙනි.
”ඔබ සියලූ දෙනා ඇමතීමට මා අදහස් කළේ ඉන්දීය කණ්ඩායමට එරෙහිව පැවැත්වෙන ටෙස්ට් තරගාවලියේ තරග දෙකකින් පසුව අන්තර්ජාතික කි‍්‍රකට් පිටියෙන් විශ‍්‍රාම ගැනීමට මා තීරණය කර තිබෙන නිසායි. මේක හිටපු තේරීම්  කමිටු නිලධාරීන් සමග කතා කරලා මා ඇතිකරගත්ත එක`ගතාවක්”


”මා මුලින්ම අදහස් කළේ ලෝක කුසලාන තරගාවලියෙන් පසුව අන්තර්ජාතික තරග බිමෙන් ඉවත්ව යන්නයි. ඒත් හිටපු තේරීම් කමිටටු නිලධාරීන් සමග (සනත් ජයසූරිය මහතාගේ සභාපතිත්වයෙන් යුතු තේරීම් කමිටුව* මා කළ සාකච්ඡා වලදී මෙම තරගාවලි දෙක වෙනුවෙනුත් කී‍්‍රඩා කරන්නට මා එකඟ වුණා”


”ඒත් ඒ වෙලාවෙම මා කියපු දෙයක් තමයි මම ටෙස්ට් තරග 6 ම කී‍්‍රඩා කරන්නේ නෑ. තරග 4 කට කී‍්‍රඩා කරන්නම් කියන එක. ඒකට කැමති නම් මම මගේ කණ්ඩායම වෙනුවෙන් 100 % ක්ම කැපවීමෙන් කී‍්‍රඩා කරන්න මට පුළුවන් කියාත් මා ඔවුන්ට කීවා. ඔවුන් ඒ අදහසට එකඟ වුණාම මගේ ටෙස්ට් තරග දිවිය තවත් මාස කිහිපයකට දීර්ඝ කරන්න මා එක`ග වුණා” යයිද සංගක්කාර පැවසීය.
”ඒ නිසා මා මගේ වචනය ස්ථිර කරමින් ටෙස්ට් තරග 4 ක් කී‍්‍රඩා කරනවා. ඒත් ඉන්දියානු පිලට එරෙහිව පැවැත්වෙන දෙවැනි ටෙස්ට් තරගයෙන් පස්සේ මා ඉවත්ව යනවා” යයිද සංගක්කාර වැඩිදුරටත් පැවසීය.


ශී‍්‍ර ලංකාව සහ පාකිස්තානය අතර කොළඹ පී. සරවනමුත්තු කී‍්‍රඩාංගණයේදී පැවැත්වෙන දෙවැනි ටෙස්ට් කි‍්‍රකට්  තරගයේ තුන්වැනි දිනය වූ සෙනසුරාදා කී‍්‍රඩාව නතර කිරීමෙන් පසුව මාධ්‍ය නියෝජිතයන් විසින් විමසන ප‍්‍රශ්න වලට සංගක්කාර දුන් පිළිතුරු මෙසේ සටහන් වේ.

ප‍්‍රශ්නය :


මහ මැතිවරණය නිසා ඉන්දීය පිලට එරෙහිව පැවැත්වෙන ටෙස්ට් තරගාවලියේ දින වකවානු වෙනස් වන්නට ඉඩ තිබෙනවා. එහෙම වුණොත් ඔබ සමුගන්නේ කොතැතනදීද ?


පිළිතුර :


මා කිව්වේ ටෙස්ට් තරග දෙකක් කියායි. තරගාවලියේ දින වකවානු දැනටමත් එක වතාවක් වෙනස් වෙලා තියෙනවා. ඒත් මා හිතන්නේ නෑ ඒක නැවත වරක් කල්යයි කියලා. කොහොම වුණත් මේ සාකච්ඡුා ඇතිවුණේ අපි නවසීලන්තයට යන්න ටික දවසකට කලින්. මා ඒ එක`ගතාව ඉෂ්ඨ කළ යුතුයි.
ඒක ඉතාම විවෘතව වගේම අවංකව පැවැති සාකච්ඡුාවක්. ඒ ගැන මගේ වචනය දුන්නා. ඉතින් මා එය ඉටුකළ යුතුයි.


ප‍්‍රශ්නය :


ඔබේ අවසන් ටෙස්ට් තරගය පැවැත්වෙන්නේ සරවමුත්තු කී‍්‍රඩාංගණයේදීද ?


පිළිතුර :


ඒ ගැන මට හරියටම කියන්න බෑ. ඒත් මගේ අවසන් ටෙස්ට් තරගය කොතැනකදී පැවැත්විය යුතුද කියා තෝරා ගැනීමක් කරන්න මට පුළුවන් නම් මා ඒ ගැන දහස් වාරයක් සතුටු වෙනවා. ඒත් ඒක කරන්න පුළුවන් දෙයක් නෙමේ. තරගය තියෙන තැනදී මට කී‍්‍රඩා කරන්න වෙනවා. අපි හොඳ තරගාවලියක් ගැන බලාපොරොත්තු තියා ගනිමු. ඒක ජයගන්න පුුළුවන් කියලත් හිතමු.


ප‍්‍රශ්නය :


මහනුවරදී අවසන් ටෙස්ට් තරගය කී‍්‍රඩා කිරීමට නොලැබීම ගැන කණගාටුවක් නැද්ද ?


පිළිතුර :


මහනුවර කියන්නේ මගේ ගම. මා හැදී වැඩුණේ මහනුවරදී. ඒත් මුත්තයියා මුරලිදරන් එයාගේ අවසන් ටෙස්ට් තරගය ගාල්ලේදී කී‍්‍රඩා කරනවාත් මා බලාගෙන හිටියා. මුරලිත් මහනුවරම කෙනෙක් තමා. අපි දෙන්නාම හැදී වැඩුණේ එහිදී. ඒත් මුරලිට වුණත් මහනුවරදී සමුගන්න ලැබුණා නම් හොඳයි කියා හිතෙන්න ඇති. මා ගොඩාක් දේවල් ලබන්න වාසනාවන්ත වී සිටිනවා. ඒත් අපට හැමදේම ලබාගන්න වාසනාව නොතිබෙන්න පුළුවන්. බොහෝ වෙලාවට අපට සිදුවෙන්නේ ලැබෙන දේ අරගෙන අපට කළ හැකි හොඳම දේ කරන්නයි.
මට මගේ අවසන් ටෙස්ට් තරගය මහනුවරදී කී‍්‍රඩා කරන්න නොලැබෙනවා නම් ඒකට කරන්න දෙයක් නෑ. මට කණගාටුවක් තියේවි තමා. ඒත් මට හැම දෙයක්ම ඉල්ලන්න බෑ. මේ වගේ දේවල් කී‍්‍රඩකයන්ට වෙනවා.


ප‍්‍රශ්නය :


අස්ගිරිය කී‍්‍රඩාංගණයේදී (සංගක්කාරගේ පාසල වන මහනුවර ති‍්‍රත්ව විද්‍යාලයිය කි‍්‍රකට් කී‍්‍රඩාංගණය* ටෙස්ට් තරගය පැවැත්වුණා නම් ?
පිළිතුර
එහෙනම් නියමයි. මා කි‍්‍රකට් කී‍්‍රඩකයකු වශයෙන් හැදී වැඩුණේ එතැන තමා. ඒත් අස්ගිරිය කී‍්‍රඩාංගණයෙන් ටෙස්ට් තරග ඉවතට ගිය හැටි මට මතකයි. ඒ වෙලාවේ කී‍්‍රඩකයකු හැටියටත්, පාසලේ කෙනෙක් හැටියටත් මට කණගාටුවක් දැනුණා. ඒත් ටෙස්ට් තරගයක් වෙනුවෙන් තිබිය යුතු පහසුකම් මොනවාද, තණතීරුවේ තත්ත්වය කෙබඳු විය යුතුද කියන එක ගැන මට වැටහීමක් තියෙනවා


ප‍්‍රශ්නය :


ඔබේ සම්පූර්ණ ටෙස්ට් දිවිය ගැන කෙටියෙන් විස්තර කරන්න පුළුවන්ද ?


පිළිතුර :


මා ශී‍්‍ර ලංකා කණ්ඩායම වෙනුවෙන් කී‍්‍රඩා කළ සමයේදී එයින් උපරිම වින්දනයක් ලැබුවා. මගේ පවුලේ අය සහ මගේ මිතුරන් සමග එක්වීම හැරෙන්නට මට තියෙන විශාලතම අභිමානය එයයි. මා හැදී වැඩුණේ ශී‍්‍ර ලංකාවෙන් බිහිවූ විශිෂ්ටතම ටෙස්ට් කී‍්‍රඩකයන් කී‍්‍රඩා කළ ආකාරය දිහා බලාගෙන. පස්සේ මා ඒ අය අතරේම,  කෙනෙක් වුණා.


මා සෑම ආකාරයකම කි‍්‍රකට් කී‍්‍රඩාව කර තිබෙනවා. ඒත් ශී‍්‍ර ලංකාව වෙනුවෙන් සුදු ඇඳුම් ඇඳ (ටෙස්ට් තරග සඳහා* කී‍්‍රඩා කිරීමට ලැබීම සුවිශේෂී ගෞරවයක්. ඒ කාලයේදී මා ඉතාමත් සතුටු වූ අවස්ථා වගේම මගේ බලාපොරොත්තු කඩවූ අවස්ථාත් තිබෙනවා. ඒත් අවසානයේදී මා කී‍්‍රඩාවෙන් ඉවත් යන්නේ බලාපොරොත්තු කඩවූ අවස්ථාවන්ට වඩා සතුටු වූ අවස්ථා ගණන වැඩියයි කියලා හිතාගෙනයි.
මට දිගින් දිගටම කී‍්‍රඩා කරන්න ලැබුණා නම් හොඳයි. ඒත් කාලය ආවාම අපි කවුරුත් යා යුතුයි.


ප‍්‍රශ්නය :


කි‍්‍රකට් කී‍්‍රඩාවේදී ඔබේ සුන්දරම මොහොත කුමක්ද ?
පිළිතුර :
ශී‍්‍ර ලංකාවේ කි‍්‍රකට් කී‍්‍රඩාව සම්බන්ධයෙන් තියෙන්නේ වෙනස් ආකාරයේ ආකල්පයි. ඒක අපේ කණ්ඩායම, අපේ ආධාරකරුවන් වගේම මාධ්‍ය සම්බන්ධයෙනුත් වෙනස් වෙනවා. ඔවුන් වඩාත් සතුටු වන්නේ ශී‍්‍ර ලංකාවෙන් පිටතදී, වඩාත් අසීරු තත්ත්වයන් යටතේ ජයග‍්‍රහණය කිරීමත් ලකුණු රැුස්කිරීමත් වගේ දේවල්. මා ලබාගත් සෑම ශතකයක් සම්බන්ධයෙන්ම මා සතුටු වන නමුත් ශී‍්‍ර ලංකාවෙන් පිටතදී ලබාගත් ශතක සම්බන්ධයෙන් වැඩියෙන් වැඩි සතුටක් තියෙනවාද කියන්න නම් මා දන්නේ නෑ. ඒත් කී‍්‍රඩකයන් වශයෙන් බැලූවත් මවුබිමෙන් පිටතදී වඩාත් හොඳ දස්කම් දැක්වීම අපටත් සතුටක්. ඒක අපේ හිත්වල හැමදාමත් තියෙන දෙයක්.


ප‍්‍රශ්නය :


ඔබේ නික්මයාමෙන් පසුව ශී‍්‍ර ලංකාවේ කි‍්‍රකට් කී‍්‍රඩාව ඔබ දකින්නේ කෙසේද?


පිළිතුර :


බලන්න අපේ කී‍්‍රඩකයන්ගේ කාමරය දිහා. මා හැරුණාම රංගන හේරත් එහි ඉන්නවා. වයස 30 ඉක්මවූ තවත් කී‍්‍රඩකයෙක් එහි ඉන්නවා. අනෙක් අය තරුණ කී‍්‍රඩකයෝ. ඔවුන් බොහෝ දස්කම් කරපින්නාගත් අය.
ඒ වගේම ඇන්ජලෝ මැතිව්ස් එතැන ඉන්නවා. ඔහු ඉතාමත් විශිෂ්ට නායකයෙක්. මේ කණ්ඩායම අනාගතයට අරගෙන යන්න ඉන්න හොඳම කෙනා ඔහු තමා. ඔවුන් අතරේ බිය නැතිව, සුබවාදී ලෙසින් ඉදිරියට යාමේ තත්ත්වයක් නිර්මාණය වේවි කියා මා විශ්වාස කරනවා. කොහොම වුණත් ඔවුන්ට කිසියම් කාලයක් දිය යුතුයි. ඔවුන් පරිණත වන තුරු අපි ඉවසාගෙන සිටිය යුතුයි.කණ්ඩායමක් ගොඩනැඟීමේදී ඒකට කාලය අවශ්‍ය වෙනවා. ඒ්ත් ඒ වෙනුවෙන් කරනු ලබන ආයෝජනය ප‍්‍රතිඵලදායක විය යුතුයි. ඔවුන්ට මාස 10 ක් නැත්නම් අවුරුද්දක් විතර කාලය දෙන්න. ඔවුන් හොඳ ගමනක් යාවි.


ප‍්‍රශ්නය :


ඔබ එංගලන්තයේ සරේ ප‍්‍රාන්ත පිල සමග තවත් වසර කිහිපයක් කී‍්‍රඩා කරනවාද ?


පිළිතුර :


මට ඒ තරම් කාලයක් කී‍්‍රඩා කරන්න පුළුවන් නම් මා ඒ කාලය ශී‍්‍ර ලංකා පිල වෙනුවෙන් කී‍්‍රඩා කරනවා. මා ඔවුන් සමග අත්සන් කර ඇත්තේ වසර දෙකක ගිවිසුමක් පමණයි. ඒත් මේ තරගාවලි දෙකේදී ටෙස්ට් තරග දෙකක් බැගින් කී‍්‍රඩා කිරීමට මා එක`ගවීමත්, සරේ ප‍්‍රාන්ත පිල සමග ඇතිකරගත් ගිවිසුමත් අතර කිසිම සම්බන්ධයක් නෑ.


ඇරත්  ඕනෑම ප‍්‍රාන්තයක කි‍්‍රකට් නිලධාරීන් දන්නවා ජාතික වගකීම අංක 1 බව. ‘මට තවදුරටත් ශී‍්‍ර ලංකාව වෙනුවෙන් කී‍්‍රඩා කරන්න  ඕනේ..ඒ නිසා මා ඉතිරි තරග වලට එන්නේ නෑ’ කියා මම දැන් ගිහින් කිව්වුත් කිසිම ප‍්‍රශ්නයක් ඇතිවෙන්නේ නෑ.  ඕනෑම කී‍්‍රඩකයකුට ජාතික වගකීම ප‍්‍රධානයි. මා වසර දෙකක ගිවිසුමක් අත්සන් කළේ ශී‍්‍ර ලංකාව වෙනුවෙන් කී‍්‍රඩා කරන්න අවශ්‍ය අවස්ථාවලදී එන්න යන්න අවකාශ තියාගෙනයි. ඒත් ඊළ`ග අවුරුද්දේ කරන්නේ මොනවද කියා බලන්න මා එයින් එක අවුරුද්දක් ඉවර කරන්න  ඕනෑ.


ප‍්‍රශ්නය :


ඔබේ අනාගත බලාපොරොත්තු මොනවාද ?


පිළිතුර :


මා හිතන්නේ නෑ මට සම්පූර්ණයෙන්ම කි‍්‍රකට් කී‍්‍රඩාව හැර යන්න පුළුවන් කියා. මා තවත් වසරක් දෙකක් කි‍්‍රකට් කී‍්‍රඩා කරන්න පුළුවන්. ඒත් ශී‍්‍ර ලංකා කණ්ඩායම වෙනුවෙන් කී‍්‍රඩා නොකිරීමේ අඩුව මට දැනේවි. ඒ කොහොම වුණත් ජාතික කණ්ඩායමට කී‍්‍රඩා කරනකොට තියෙන අධික පීඩනය නම් තියෙන එකක් නෑ. ඒ නිසා තරමක සහනයක් දැනේවි.

 

ඡායාරූපය : ශාන්ත රත්නායක

 

ශී‍්‍ර ලංකාවට ලකුණු 153 ක අභියෝගයක්

 

ශතකයක් ලබාගත් අසාර් අලි (117) සහ අහමඞ් ශෙෂාඞ් (69) දෙදෙනාගේ අප‍්‍රතිහත ධෛර්යය නිසා ඉදිරියට පැමිණි පාකිස්තානුවෝ කොළඹ පී. සරවනමුත්තු කී‍්‍රඩාංගණයේදී පැවැත්වෙන දෙවැනි ටෙස්ට් තරගය ජයගැනීම සඳහා ලකුණු 153 ක් රැස්කරන ලෙස ශී‍්‍ර ලංකා පිලට අභියෝග කළහ. සිය දෙවැනි ඉනිමේදී තරමක් දුරට සාර්ථක වූ පාකිස්තානුවෝ තරගයේ සිවුවැනි දිනය වන අද (28 වැනිදා) තේ පානය සඳහා කී‍්‍රඩාව නතර කිරීමට පෙර සියලූ දෙනා දැවී ලකුණු 329 ක් ලබාගත්හ.

 

පාකිස්තානු පිල දැවී යාමත් සමගම ඇදහැළුණු වර්ෂාව නිසා තරගය නතර කිරීමෙන් පසුව නැවතත් තරගය ආරම්භ කළ නොහැකි විය. අද දිනයේ කී‍්‍රඩාව එතැනින් අවසන් වන බව තරග තීරක කි‍්‍රස් බ්‍රෝඞ් මහතා පස්වරු 4.00 ට නිවේදනය කළේය.


දිවා ආහාරය සඳහා තරගය නතර කරන විට පාකිස්තානු කණ්ඩායම කඩුලූ 4 ක් දැවී ලකුණු 244 ක් ලබා සිටි අතර ඒ වන විට කඩුලූ 6 ක් ඔවුන් අතැතිව තිබිණ. දිවා ආහාරයෙන් පසුව මිස්බා උල් හක් සහ අසාඞ් ෂෆීක් දෙදෙනාම දැවී ගියත් අසාර් අලි සහ සර්ෆ‍්‍රාස් අහමඞ් එක්ව හයවැනි කඩුල්ලේ සම්බන්ධතාව දීර්ඝ කරමින් උන්හ.

 


මුුලූ ලකුණු සංඛ්‍යාව 301 දක්වා ඉහළ දමා තිබියදී දිනේෂ් චන්දිමාල්ගේ උඩපන්දුවත් සමගින් සර්ෆ‍්‍රාස් අහමඞ් පිටියෙන් ඉවත් වූයේ කඩාවැටීමක ආරම්භය සනිටුහන් කරමිනි. එතැන් සිට පාකිස්තානු ඉනිම නිමා වීමට ගතවූයේ  ඕවර 10 ක් පමණි. පාකිස්තානු පිලේ අවසන් කඩුලූ පහම ලකුණු 28 කට ඇද වැටිණ.

 


ශී‍්‍ර ලංකාවේ මුල් ඉනිමේ වාසිය වූ ලකුණු 177 ට වඩා ලකුණු 6 ක් පසුපසින් සිටිමින් අද පෙරවරුවේදී කී‍්‍රඩාව ආරම්භ කළ පාකිස්තානු පිලේ තුන්වැනි කඩුල්ල වෙනුවෙන් ලකුණු 73 ක් එක් කිරීමට අසාර් අලි සහ යුනිස් ඛාන් සමත් වූහ. තමාගේ 100 වැනි ටෙස්ට් තරගයට කී‍්‍රඩා කරන යුනිස් ඛාන් ලකුණු 24 ක් ලබා සිටියදී ධම්මික ප‍්‍රසාද්ගේ පන්දුවකින් කඩුලූ රකින්නාට උඩපන්දුවක් දුන්නේ යයි ප‍්‍රබල ඉල්ලීමක් කළ ශී‍්‍ර ලංකා කී‍්‍රඩකයෝ එය තුන්වැනි විනිසුරුවරයාටත් යොමු කළ නමුත් තව දුරටත් පිටියේ රැුඳී සිටීමට පාකිස්තානු පිලේ හිටපු නායකයාට හැකි විය.

 

ඉනිමේ 80 වැනි  ඕවරය නිමා වීමත් සමගම දෙවැනි නව පන්දුව ඉල්ලා ගත් නායක ඇන්ජලෝ මැතිව්ස් එයින් සාර්ථක ප‍්‍රතිඵල ලබාගත්තේ පන්දුව යුනිස් ඛාන්ගේ පිත්තේ වැදී දිනේෂ් චන්දිමාල් වෙත ඇදී යාමට සලස්වමිනි.

 

වසර 33 ක් පුරා දිවෙන ශී‍්‍ර ලංකා ටෙස්ට් ඉතිහාසයේදී කඩුලූ රකින්නකු විසින් ඉනිමකදී ලබාගත් වැඩිම දවාගැනීම් සංඛ්‍යාව වන දවාගැනීම් 6 වාර්තාව දිනේෂ් චන්දිමාල් විසින් සමකරන ලදි. එහි සම හිමිකරුවා වන අමල් සිල්වා 1985 දී ඉන්දියාවට එරෙහිව කොළඹ එස්. එස්. සී. පිටියේදී පැවැති දෙවැනි ටෙස්ට් තරගයේ ඉනිමකදී පිතිකරුවන් හය දෙනකු ආපසු කී‍්‍රඩාගාරයට යැවීමට සම්මාදම් වී තිබිණ.
දිනය පුරාම මන්දාරම් අහසක් පැවැති නමුත් පන්දුව දෝලනය කිරීම සඳහා ශී‍්‍ර ලංකා පන්දු යවන්නන්ට එයින් එතරම් සහයෝගයක් නොලැබිණ. ධම්මික ප‍්‍රසාද් බලවත් උත්සාහයක නිරත වූවද දුෂ්මන්ත චමීර අද පෙරවරුවේ යැවූයේ  ඕවර 3 ක් පමණි.


වම් ඇලපතේ මස්පිඬුවක් ඇදීම නිසා උදෑසන සිටම ප‍්‍රතිකාර ලබමින් සිටි චමීර දිවා ආහාරයෙන් පසුව  ඕවර 7.2 ක් යවමින් ලකුණු 17 කට කඩුලූ 3 ක් දවාගනිමින් තරගයේ ගමන් මග වෙනස් කළේය. මෙය චමීරගේ මංගල ටෙස්ට් තරගය වන අතර නිසි ශාරීරික යෝග්‍යතාව රඳවා ගන්නේ නම් තමන්ට දිගු අනාගතයක් ඇති බව දුෂ්මන්ත චමීර මොනවට පෙන්නුම් කළේය.


තරගය පුරාම ඉතාමත් සාර්ථක පන්දු යැවීමක නිරත වූ ධම්මික ප‍්‍රසාද් ලකුණු 92 කට කඩුලූ 4 ක් දවාගත් නමුත් පස්වැනි කඩුල්ලක් ඔහුට හිමිවූයේ නම් ධම්මිකගේ පන්දු යැවීමට සාධාරණය ඉටුවීමට තිිබිණ.
හෙට තරගයේ අවසන් දිනයයි.

 

තවත් තරග දෙකකින් සංගා සමුගනී


ශී‍්‍ර ලංකාව වෙනුවෙන් වැඩිම ටෙස්ට් ලකුණු සංඛ්‍යාවක් (12,305) ලබාගත් පිතිකරුවා වන කුමාර් සංගක්කාර ලබන අගෝස්තු මාසයේදී ඉන්දියානු කණ්ඩායමට එරෙහිව සිය අවසන් ටෙස්ට් තරගයට සහභාගි වීමට නියමිතය.

 

සමුගැනීමේ තරගය සංගක්කාරගේ 134 වැනි ටෙස්ට් තරගය වනු ඇත. මෙම තරගය අගෝස්තු මස අවසන් සතියේ කොළඹ පී. සරවනමුත්තු කී‍්‍රඩාංගණයේදී පැවැත්වීමට නියමිතය. කෙසේ වෙතත් මහ මැතිවරණය පැවැත්වීම අගෝස්තු මස 17 වැනිදාට යෙදී තිබීමෙන් ඉන්දීය සංචාරයේ ටෙස්ට් තරග කාල සටහන වෙනස් වීමට නියමිත බැව් ශී‍්‍ර ලංකා කි‍්‍රකට් ආයතනයේ උසස් නිලධාරියෙක් අද සවස පැවසීය.

 

මේ වන විට පාකිස්තානු පිලට එරෙහිව කොළඹ පී. සරවනමුත්තු කී‍්‍රඩාංගණයේදී පැවැත්වෙන දෙවැනි ටෙස්ට් තරගයට සහභාගි වෙමින් සිටින කුමාර් සංගක්කාර එම තරගයේ තුන්වැනි දිනය වූ අද (27 වැනිදා) සවස විශේෂ මාධ්‍ය සාකච්ඡාවකට සහභාගි වෙමින් තමන් ටෙස්ට් පිටියෙන් සමුගන්නා බව නිවේදනය කළේය.

 

”කළින් පැවැති තේරීම් කමිටුව සමග (සනත් ජයසූරිය මහතා විසින් සභාපතිත්වය දරන ලද තේරීම් කමිටුව) මගේ පැවැති එකඟතාව වුණේ පාකිස්තානු පිලට එරෙහිව ටෙස්ට් තරග දෙකක් සහ ඉන්දීය පිලට එරෙහිව ටෙස්ට් තරග දෙකක් කී‍්‍රඩා කිරීමටයි”

 

”ඉතින් මා මගේ වචනය ස්ථිර කරමින් ඉන්දීය කණ්ඩායමට එරෙහිවත් ටෙස්ට් තරග දෙකක් කී‍්‍රඩා කරනවා. ඒ ඉන්දීය පිලට එරෙහිව පැවැත්වෙන පළමු සහ දෙවැනි ටෙස්ට් තරග දෙකයි” යනුවෙන් කුමාර් සංගක්කාර මාධ්‍ය හමුවේදී පැවසීය.

 

මීට පෙර ශී‍්‍ර ලංකා කි‍්‍රකට් ආයතනයේ නිලධාරීන් කියා සිටියේ ඉන්දීය පිලට එරෙහිව ගාල්ලේදී පැවැත්වෙන ටෙස්ට් තරගයේදී සංගක්කාර ටෙස්ට් පිටියෙන් සමුගන්නා බවයි.  

 

ලෝකයේ වැඩිම ටෙස්ට් ලකුණු ලබාගත් පිතිකරුවන් අතර මේ වන විට පස්වැනි ස්ථානය හිමිකරගෙන සිටින සංගක්කාර වැඩිම ටෙස්ට් ද්විත්ව ශතක ලබාගත් පිතිකරුවන් අතුරින් දෙවැනි වන්නේ ශී‍්‍රමත් ඩොනල්ඞ් බ‍්‍රැඞ්මන්ට පමණි.

 

 

ඡායාරූපය – ශාන්ත රත්නායක

සංගක්කාර පුවත් පත් සාකච්ඡාවක

ශී‍්‍ර ලංකාව වෙනුවෙන් වැඩිම ටෙස්ට් ලකුණු සංඛ්‍යාවක් (12,271) ලබාගත් පිතිකරුවා වන කුමාර් සංගක්කාර තමන් ටෙස්ට් කි‍්‍රකට් කී‍්‍රඩාවෙන් සමුගන්නා බව අද පස්වරුවේදී නිවේදනය කිරීමට නියමිත බව වාර්තා වේ.

 

ශී‍්‍ර ලංකාව සහ පාකිස්තානය අතර පැවැත්වෙන දෙවැනි ටෙස්ට් තරගයේ තුන්වැනි දිනය වන අද (27 වැනිදා) දිනයේ කී‍්‍රඩාව අවසන් වීමෙන් පසුව මාධ්‍ය සාකච්ඡාවක් පැවැත්වීමට කුමාර් සංගක්කාර අවසර ඉල්ලා ඇති අතර ශී‍්‍ර ලංකා කි‍්‍රකට් ආයතනයෙන් එම අවසරය ලැබී තිබේ.

 

සංගක්කාරගේ පුවත් පත් සාකච්ඡාව පැවැත්වීමෙන් පසුව හැකි ඉක්මනින් එම තොරතුරු ‘විස්ඩන් ශී‍්‍ර ලංකා’ වෙබ් අඩවියෙන් දැනගත හැකිය.

 

ඡායාරූපය – ශාන්ත රත්නායක

පාකිස්තානය අවදානමෙන් මිදෙයි

 

ආක‍්‍රමණශීලී කී‍්‍රඩකයන් රැඳවීම දිගටම පවත්වාගත් ශී‍්‍ර ලංකා කණ්ඩායම හමුවේ ඉනිමක පරාජයෙන් ගැලවීම සඳහා ලකුණු 178 ඉලක්කයක් කරා ගිය පාකිස්තානු පිල කොළඹ පී. සරවනමුත්තු කී‍්‍රඩාංගණයේදී පැවැත්වෙන දෙවැනි ටෙස්ට් තරගයේ තුන්වැනි දිනය වූ අද (27 වැනිදා) සවස 4.30 ට පමණ පැවැති මන්දාලෝකය නිසා තරගය නතර කරන විට අවදානම් කලාපයෙන් මිදී සිටියේය.

 

ඒ වන විට පාකිස්තානු පිල සිය දෙවැනි ඉනිම වෙනුවෙන් කඩුලූ 2 ක් දැවී ලකුණු 171 ක් ලබා සිටි අතර ශී‍්‍ර ලංකා පිතිකරුවන් නැවතත් පිටියට කැඳවීම සඳහා පාකිස්තානුවන්ට තවත් අවශ්‍ය වන්නේ ලකුණු 6 ක් පමණි. ඒ සඳහා කඩුලූ 8 ක් අතැතිව සිටින පාකිස්තානු පිල වෙනුවෙන් තමාගේ 100 වැනි ටෙස්ට් තරගය කී‍්‍රඩා කරන යුනිස් ඛාන් නොදැවී කී‍්‍රඩා කරමින් සිටී.

 

පාකිස්තානු පිලේ පළමු කඩුල්ල ලකුණු 9 දී බිඳ වැටුණ නමුත් දෙවැනි කඩුල්ල වෙනුවෙන් ලකුණු 120 ක සම්බන්ධතාවක් ගොඩනැංවූ අහමඞ් ෂෙශාඞ් (69) සහ අසාර් අලි (නොදැවී 64) පාකිස්තානු පිල අවදානම් කලාපයෙන් ඉවතට ඇදගෙන ගියහ. මන්දාලෝකය නිසා තරගය නතර කරන විට යුනිස් ඛාන් නොදැවී ලකුණු 23 ක් ලබා සිටියේය.

 

පාකිස්තානු දෙවැනි ඉනිම සඳහා භාවිතා කළ පන්දුව තුන් වතාවක්ම මාරු කිරීමට සිදුවූ නමුත් එයින් වාසියක් ලබාගැනීමට ශී‍්‍ර ලංකා කී‍්‍රඩකයෝ අසමත් වූහ.

 

පාකිස්තානු පිල සිය මුල් ඉනිමේදී ලකුණු 138 කට දැවී ගිය අතර ලකුණු 177 ක මුල් ඉනිමේ වාසියක් අත්කරගනිමින් ශී‍්‍ර ලංකා පිල ලකුණු 315 ක් ලබාගත්තේය.

 

ඡායාරූපය – ශාන්ත රත්නායක

 

 

ශී‍්‍ර ලංකාව ලකුණු 166 ක් ඉදිරියෙන්

 

කොළඹ පී. සරවනමුත්තු කී‍්‍රඩාංගණයේදී පැවැත්වෙන දෙවැනි ටෙස්ට් තරගයේ දෙවැනි දිනයේදී කෞෂාල් සිල්වා සහ ඇන්ජලෝ මැතිව්ස් දෙදෙනාගේ ධෛර්යවත් පිතිහරඹය නිසා පාකිස්තානු පිලට එරෙහිව ලකුණු 166 ක මුල් ඉනිමේ වාසියක් අත්කර ගැනීමට ශී‍්‍ර ලංකා කණ්ඩායම සමත් විය.

 

පාකිස්තානු පිල සිය පළමු ඉනිමේදී ලකුණු 138 කට දැවී ගිය අතර තරගයේ දෙවැනි දිනය වූ අද (26 වැනිදා* සවස කී‍්‍රඩාව නතර කරන විට ශී‍්‍ර ලංකා කණ්ඩායම සිය මුල් ඉනිම වෙනුවෙන් කඩුලූ 9 ක් දැවී ලකුණු 304 ක් ලබා සිටියේය. තරගයේ තවත් දින 3 ක් ඉතිරිව තිබුණද ශී‍්‍ර ලංකා පිල සතුව ඇත්තේ කඩුල්ලක් පමණි.

 

ශී‍්‍ර ලංකා ඉනිම කර තබාගෙන ගිය කෞෂාල් සිල්වා (80) සහ ඇන්ජලෝ මැතිව්ස් (77) දෙදෙනාට අනගි සහයෝගයක් දුන් ධම්මික ප‍්‍රසාද් සටන්කාමී ඉනිමකට පසුව ලකුණු 35 කට දැවී ගියේය. අනතුරුව එක්වූ රංගන හේරත් සහ තරිඳු කෞෂාල් දෙදෙනා 9 වැනි කඩුල්ල වෙනුවෙන් ලකුණු 28 ක සම්බන්ධතාවක් ගොඩනැංවූ නමුත් නැවත වරක් ඒ අතරට කඩා වැදුණු යසීර් ෂා විසින් තරිඳු කෞෂාල් පිටියෙන් ඉවත් කරමින් දෙදෙනා අතර පැවැති සම්බන්ධතාව බිඳ හෙළන ලදි.

 

පිට පිටම දෙවැනි ටෙස්ට් තරගයේදීත් කඩුලූ 5 ක් දවාගැනීමට යසීර් ෂා සමත් වූ හෙයින් පාකිස්තානුවන් මත එල්ල වන පීඩනය තරමක් අඩු වූවත් පන්දුව මේ තරම් දග කැවෙන තණතීරුවකදී ලකුණු 166 ක් යනු සුළුපටු ප‍්‍රමාණයක් නොවේ.

 

පාකිස්තානුවන්ට සැනසීමට ඇති එකම කාරණය නම් මෙම තරගය යුනිස් ඛාන්ගේ 100 වැනි ටෙස්ට් තරගය වන බැවින් ඔහු කිසියම් සුවිශේෂී යමක් දෙවැනි ඉනිමේදී කරනු ඇතැයි යන බලාපොරොත්තුව පමණි.

 

පිට පිටම දෙවැනි ටෙස්ට් තරගයේදීත් කඩුලූ 5 ක් දවාගත් යසීර් ෂා සිය 9 වැනි ටෙස්ට් තරගයේදී කඩුලූ 50 සීමාව පසුකර ගියේ පාකිස්තානු පන්දු යවන්නන් අතර වේගයෙන්ම කඩුලූ 50 සීමාවට අවතීර්ණ වූ පන්දු යවන්නා ලෙසින් වාර්තා පොතට එක්වෙමිනි. එහි පැරණි වාර්තාව හිමිකරගෙන සිටි, පාකිස්තානු පිලේ වත්මන් පුහුණුකරුවා වන, වකාර් යුනිස්ට ටෙස්ට් කඩුලූ 50 වාර්තා කිරීම සඳහා තරග 10 කට කී‍්‍රඩා කළේය.

 

පාකිස්තානු පිල පීඩනයට ලක්කිරීමට ශී‍්‍ර ලංකා කණ්ඩායමට තිබූ හොඳම අවස්ථාව ගිළිහී ගියේ දිනේෂ් චන්දිමාල් සහ කිතුරුවන් විතානගේ දෙදෙනාගේම අපරික්‍ෂාකාරී පිතිහරඹය හේතුවෙනි.

 

පිටියට පැමිණි විනාඩි 10 ක් ගතවීමටත් මත්තෙන් සීමාවෙන් ඉවතට පැමිණෙමින් ඒ වන විට ඉතාමත් සාර්ථකව පන්දුව දග කවමින් සිටි යසීර් ෂාට පහර දීමට උත්සුක වූ චන්දිමාල්ගේ ඉනිම ලකුණු 1 කින් නිමා වූයේ පිත්තට යටින් රිංගා ගිය පන්දුව කඩුල්ල සොයා ඇදී ගිය බැවිනි.

 

ඉතාමත් දක්‍ෂ පිතිකරුවකු වන නමුත් හික්මීමක් නැති පිතිකරුවකු වන කිතුරුවන් විතානගේ ලකුණු රැස්කිරීමට වඩා තමන්ට ලැබෙන අවස්ථා වීසි කර දැමීමට ප‍්‍රසිද්ධියක් උසුලන්නෙකි. පළමු ටෙස්ට් තරගයේදීත් ඉනිම දෙකේදීම අසාර්ථක වූ විතානගේට මෙම තරගයේදීත් දුන් අවස්ථාවට ඔහු ප‍්‍රතිචාර දැක්වූයේ කිසිවකුට අදහාගත නොහැකි ‘රිවර්ස් ස්වීප්’ පහරකිනි.

 

මිඞ්  ඕන් කී‍්‍රඩකයා වෙත පන්දුව තල්ලූ කර යවමින් ලකුණක් කරා දිවගිය කෞෂාල් සිල්වා දැවී යාමත් විතානගේ ගැසූ ‘රිවර්ස් ස්වීප්’ පහරත් අතර යැවුණේ පන්දු 31 ක් පමණක් වන නමුත් ඒ අතරවාරයේදී කඩුලූ 3 ක් බිඳ වැටී තිිබිණ.

 

ඇන්ජලෝ මැතිව්ස් සමග එක්ව සිවුවැනි කඩුල්ල වෙනුවෙන් ලකුණු 72 ක අගනා සම්බන්ධතාවක් ගොඩනැංවූ කෞෂාල් සිල්වා සිය ශතකය පෙනන තෙක් මානයේදී දුවද්දී දැවී ගියේය. විනාඩි 335 ක් පිටියේ රැඳුනු ආරම්භක පිතිකරුවා පන්දු 218 කට මුහුණ දෙමින් ඒවායින් 10 ක් හතරේ සීමාවට යැවීය.

 

පළමු දිනයේ තරගය නතර කරන විට කඩුල්ලක් දැවී ලකුණු 70 ක් ලබා සිටි ශී‍්‍ර ලංකාව වෙනුවෙන් ලකුණු සොයා යාමේ බර කුමාර් සංගක්කාර කරට ගත්තේය.

 

එබැවින් සිල්වාට සුපුරුදු නැංගුරම දමාගත හැකිවිය. සංගක්කාර සහ සිල්වා දෙදෙනා එක්ව දෙවැනි කඩුල්ල වෙනුවෙන් ලකුණු 51 ක් එක් කළද ඒවායින් ලකුණු 34 ක හිමිකරුවා වූ සංගක්කාර පන්දුවට පහර දුන්නේ වෙනදා නොදුටු කැළඹීමකිනි.

 

සුපුරුදු තැන්පත් ස්වභාවය මෙම පරිණත කී‍්‍රඩකයාගෙන් බැහැරගොස් තිබීම ශී‍්‍ර ලංකා පිලට අතිශය අවාසිදායක විය. පන්දු රකින්නන්ගේ හිසට ඉහළින් හතරේ සීමාව සොයාගැනීමට උත්සුක වූ කුමාර් සංගකක්කාර ගැසූ ඩ‍්‍රයිව් පහරකින් පන්දුව වයිඞ් මිඞ්  ඕන් කලාපයට ඉහළින් ඇදී යද්දී අසාඞ් ෂෆීක් මීටර 30 ක් පමණ දිවවිත් ඉතා අනර්ඝ උඩපන්දුවක් රැකගත්තේය.

 

අපේක්‍ෂා කළාටත් කළියෙන් ළහිරු තිරිමාන්නත් දැවී යාම නිසා ලකුණු පුවරුව කඩුලූ 3 කට 119 ක් සේ වෙනස් වූ නමුත් නායක ඇන්ජලෝ මැතිව්ස් සහ කෞෂාල් සිල්වා එක්ව පාකිස්තානු පිල පසුකරමින් ශී‍්‍ර ලංකා පිල ඇදගෙන ගියහ.

 

 

ඡායාරූපය – ශාන්ත රත්නායක