Category Archives: SA in NZ 2017

පළමු ටෙස්ට් තරගය ජය පැරදුමකින් තොරයි

සංචාරක දකුණු අප්‍රිකානු කණ්ඩායම සහ නවසීලන්ත කණ්ඩායම අතර නවසීලන්තයේ හැමිල්ටන්හි සෙඩොන් උද්‍යාන ක්‍රීඩාංගණයේදී පැවැති සිවුවැනි ටෙස්ට් තරගය අද (29 වැනිදා) ජය පරාජයෙන් තොරව අවසන් විය. අවසන් දිනය වූ අද නොකඩවා ඇද හැළුණු වර්ෂාව නිසා තරගයේ එකදු ඕවරයක් හෝ යැවිය නොහැකි විය.

සිව්වැනි දිනය වූ ඊයේ (28 වැනිදා) තරගය නතර කරන විට දෙවැනි ඉනිම වෙනුවෙන් පන්දුවට පහර දෙමින් සිටි දකුණු අප්‍රිකානු කණ්ඩායම කඩුලු 5 ක් දැවී ලකුණු 80 ක් ලබා සිටි අතර නායක ෆෆ් ඩුප්ලෙසි නොදැවී ලකුණු 15 ක්ද, ක්වින්ටින් ඩි’කොක් නොදැවී ලකුණු 15 ක්ද ලබා කඩුල්ලේ රැදී සිටියහ.

පළමු ඉනිමේදී දක්ෂ පිතිහරඹයක නිරත වෙමින් ලකුණු 176 ක් රැස්කළ නවසීලන්ත කණ්ඩායමේ නායක කේන් විලියම්සන් තරගයේ වීරයා ලෙස සම්මාන ලැබීය.


දකුණු අප්‍රිකාව පළමු ඉනිම – සියලු දෙනා දැවී 314
(හසීම් අම්ලා 50, ජේ. පී. ඩුමිනි 20, ෆෆ් ඩුප්ලෙසි 53, ටෙම්බා බවුමා 29, ක්වින්ටින් ඩි’කොක් 90, කගිසෝ රබාඩා 34, මැට් හෙන්රි 93/4, නිල් වෝග්නර් 104/3, කොලින් ඩි’ග්‍රෑන්ඞ්හෝම් 62/2)

නවසීලන්තය පළමු ඉනිම – සියලු දෙනා දැවී 489
(ටොම් ලේතම් 50, ජීත් රාවල් 88, කේන් විලියම්සන් 176, මිචෙල් සෑන්ට්නර් 41, බී. ජේ. වොට්ලිං 24, කොලින් ඩි’ග්‍රෑන්ඞ්හෝම් 57, මෝනි මෝකල් 100/4, කගිසෝ රබාඩා 122/4, කේෂව් මහරාජ් 118/2)

දකුණු අප්‍රිකාව පළමු ඉනිම – කඩුලු 5 ක් දැවී 80
(හසීම් අම්ලා 19, ෆෆ් ඩුප්ලෙසි නොදැවී 15, ක්වින්ටින් ඩි’කොක් නොදැවී 15, ජීතන් පටේල් 22/2)


- 036

 

දකුණු අප්‍රිකාව ලකුණු 247 ක් ඉදිරියෙන්

සංචාරක දකුණු අප්‍රිකානු කණ්ඩායම සහ නවසීලන්ත කණ්ඩායම අතර නවසීලන්තයේ හැමිල්ටන්හි සෙඩොන් උද්‍යාන ක්‍රීඩාංගණයේදී පැවැත්වෙන සිවුවැනි ටෙස්ට් තරගයේ දෙවැනි දින වූ අද (26 වැනිදා) තරගය නතර කරන විට පළමු ඉනිම වෙනුවෙන් පන්දුවට පහර දෙමින් සිටි නවසීලන්ත කණ්ඩායම කිසිවකු නොදැවී ලකුණු 67 ක් ලබා සිටියේය.

ඒ අනුව නවසීලන්ත කණ්ඩායම කඩුලු 10 ම අතැතිව දකුණු අප්‍රිකාවට වඩා ලකුණු 247 ක් පසුපසින් සිටින අතර නවසීලන්ත ආරම්භක පිතිකරුවන් වන ටොම් ලේතම් ලකුණු 42 ක්ද, ජීත් රාවල් ලකුණු 25 ක්ද ලබා තරගය නතර කරන විට නොදැවී කඩුල්ලේ රැදී සිටියහ.

පළමු දිනය වූ ඊයේ (25 වැනිදා) තරගය නතර කරන විට කඩුලු 4 ක් දැවී ලකුණු 123 ක් ලබා සිටි දකුණු අප්‍රිකානු ක්‍රීඩකයෝ අද දිනයේදී සිය පළමු ඉනිමට තවත් ලකුණු 191 ක් එක්කර ගත්හ.

දිනයේ පළමු කඩුල්ල ලෙස හතරේ පහර 4 ක් සමගින් ලකුණු 29 ක් ලබා සිටි ටෙම්බා බවුමා පිටියෙන් ඉවත් කිරීමට මැට් හෙන්රි සමත් වූ අතර ජීත් රාවල් අතට උඩ පන්දුවක් දෙමින් ඔහු දැවී ගියේය.

බවුමාගේ දැවීයාමෙන් අනතුරුව පිටියට පිවිසි ක්වින්ටින් ඩි’කොක් හයේ පහර 2 ක් සහ හතුරේ පහර 11 ක් සමගින් ලකුණු 90 ක් රැස්කළ අතර නිල් වෝග්නර්ගේ පන්දුවක් හමුවේ කඩුල්ල මුවාකිරීමේ වරදට හසුවෙමින් සිවුවැනි ටෙස්ට් ශතකය පෙනි පෙනී ඉතා අවාසනාවන්ත ලෙස දැවී ගියේය.

නායක ෆෆ් ඩුප්ලෙසි (53) සමග එක්ව 6 වැනි කඩුල්ල වෙනුවෙන් ලකුණු 42 ක සම්බන්ධතාවක් ගොඩනැගූ ක්වින්ටින් ඩි’කොක්, කගිසෝ රබාඩා (34) සමග එක්ව 9 වැනි කඩුල්ල වෙනුවෙන් ලකුණු 46 ක සම්බන්ධතාවක්ද ගොඩනගමින් දකුණු අප්‍රිකාණු කණ්ඩායම ලකුණු 300 සීමාව දක්වා ඔසවා තැබීය.

මිචෙල් සෑන්ට්නර්ගේ පන්දුවක් හමුවේ ටොම් ලේතම් අතට උඩපන්දුවක් දෙමින් දැවීයන විට ඩුප්ලෙසිගේ 12 වැනි ටෙස්ට් අර්ධ ශතකයට හතරේ පහර 9 ක් අන්තර්ගත වී තිබූ අතර නීල් වෝග්නර්ගේ පන්දුවක් හමුවේ බී. ජේ. වොට්ලිං අතට උඩපන්දුවක් දෙමින් දැවීයන විට කගිසෝ රබාඩාගේ ඉනිමට හයේ පහරක් සහ හතරේ පහර 6 ක් ඇතුළත් වී තිබිණ.

දක්ෂ පන්දු යැවීමක නිතර වූ මැට් හෙන්රි ලකුණු 93 කට කඩුලු 4 ක් දවාගනිමින් දකුණු අප්‍රිකානු ඉනිම අඩපණ කළ අතර ඒ සඳහා ඔහුට අනගි සහායක් දුන් නිල් වෝග්නර් ලකුණු 104 කට කඩුලු 3 ක් දවාගත්තේය.


දකුණු අප්‍රිකාව පළමු ඉනිම – සියලු දෙනා දැවී 314
(හසීම් අම්ලා 50, ජේ. පී. ඩුමිනි 20, ෆෆ් ඩුප්ලෙසි 53, ටෙම්බා බවුමා 29, ක්වින්ටින් ඩි’කොක් 90, කගිසෝ රබාඩා 34, මැට් හෙන්රි 93/4, නිල් වෝග්නර් 104/3, කොලින් ඩි’ග්‍රෑන්ඞ්හෝම් 62/2)

නවසීලන්තය පළමු ඉනිම – කිසිවකු නොදැවී 67
(ටොම් ලේතම් නොදැවී 42, ජීත් රාවල් නොදැවී 25)


- 036

 

දකුණු අප්‍රිකාව කඩුලු 4 කට 123 යි

සංචාරක දකුණු අප්‍රිකානු කණ්ඩායම සහ නවසීලන්ත කණ්ඩායම අතර නවසීලන්තයේ හැමිල්ටන්හි සෙඩොන් උද්‍යාන ක්‍රීඩාංගණයේදී පැවැත්වෙන සිවුවැනි ටෙස්ට් තරගයේ පළමු දින වූ අද (25 වැනිදා) තරගය නතර කරන විට පළමු ඉනිම වෙනුවෙන් පන්දුවට පහර දෙමින් සිටි දකුණු අප්‍රිකානු කණ්ඩායම කඩුලු 4 ක් දැවී ලකුණු 123 ක් ලබා සිටියේය.

වර්ෂාව හේතුවෙන් තරගයේ පළමු දිනය ඕවර 41 කට සීමා වූ අතර තේ පානයෙන් මඳ වේලාවකට පසු තරගය නතර කරන විට කඩුල්ලේ රැදී සිටි නායක ෆෆ් ඩුප්ලෙසි නොදැවී ලකුණු 33 ක්ද, ටෙම්බා බවුමා නොදැවී ලකුණු 13 ක්ද ලබා සිටියහ.

මුලු ලකුණු සංඛ්‍යාව 5 ක් වන විට දකුණු අප්‍රිකානු කණ්ඩායමේ ආරම්භක පිතිකරුවන් දෙදෙනාම ආපසු ක්‍රීඩාගාරයට හරවා යැවීමට නවසීලන්ත පන්දු යවන්නෝ සමත් වූහ. එහිදී ලකුණු 5 ක් ලබා සිටි ඩීන් එල්ගාගේ කඩුල්ල බිඳ දැමීමට කොලින් ඩි’ග්‍රෑන්ඞ්හෝම් සමත් විය. තියුනිස් ඩි’බෘයින් ලකුණු ලබා ගැනීමට පෙර පිටියෙන් ඉවත්ව ගියේ මැට් හෙන්රිගේ පන්දුවක් හමුවේ ටොම් ලේතම් අතට උඩ පන්දුවක් දෙමිනි.

තෙවැනි කඩුල්ල වෙනුවෙන් ලකුණු 59 ක සම්බන්ධතාවක් ගොඩනගමින් දකුණු අප්‍රිකානු ඉනිමට ජවයක් ලබාදීමට හසීම් අම්ලා (50) සහ ජේ. පී. ඩුමිනි (20) සමත් වුවත්, මැට් හෙන්රිගේ පන්දුවක් හමුවේ ජීතන් පටේල් අතට උඩ පන්දුවක් දෙමින් ඩුමිනි දැවීයාමත් සමග එම සම්බන්ධතාව නිමාවට පත් විය.

ඉවසිලිවන්ත පිතිහරඹයක නිතර වූ හසීම් අම්ලා හතරේ පහර 9 ක් සමගින් සිය 32 වැනි ටෙස්ට් අර්ධ ශතකය සම්පූර්ණ කළ අතර කොලින් ඩි’ග්‍රෑන්ඞ්හෝම්ගේ පන්දුවක් කඩුල්ලේ වැදීම නිසා දකුණු අප්‍රිකානු ඉනිමේ සිවුවැනි කඩුල්ල ලෙස ඔහු දැවී ගියේය.


දකුණු අප්‍රිකාව පළමු ඉනිම – කඩුලු 4 ක් දැවී 123
(හසීම් අම්ලා 50, ජේ. පී. ඩුමිනි 20, ෆෆ් ඩුප්ලෙසි නොදැවී 33, ටෙම්බා බවුමා නොදැවී 13, මැට් හෙන්රි 25/2, කොලින් ඩි’ග්‍රෑන්ඞ්හෝම් 43/2)


- 036

 

දකුණු අප්‍රිකාවට කඩුලු 8 ක පහසු ජයක්

නවසීලන්ත කණ්ඩායමට එරෙහිව නවසීලන්තයේ වෙලින්ටන්හිදී පැවැති දෙවැනි ටෙස්ට් තරගය නිමා වීමට තවත් දින 2 ක්ම ඉතිරිව තිබියදී ඉන් කඩුලු 8 ක පහසු ජයක් අත්කර ගැනීමට සංචාරක දකුණු අප්‍රිකානු කණ්ඩායම සමත් විය. ඒ අනුව තරග 3 කින් සමන්විත ටෙස්ට් තරගාවලිය ආරම්භයේදීම 1-0 ක් ලෙස පෙරමුණ ගැනීමටද දකුණු අප්‍රිකානුවන්ට හැකි විය.

ජයග්‍රහණය සඳහා ලකුණු 81 ක ඉලක්කයක් හඹාගිය දකුණු අප්‍රිකානු ක්‍රීඩකයෝ කඩුලු 2 ක් පමණක් දැවී පහසුවෙන්ම එම ඉලක්කය පසුකර ගිය අතර හසීම් අම්ලා නොදැවී ලකුණු 38 ක්ද, ජේ. පී. ඩුමිනි නොදැවී ලකුණු 15 ක්ද රැස්කරමින් දකුණු අප්‍රිකානු කණ්ඩායමේ ජයග්‍රහණය සනිටුහන් කළහ.

මුලු ලකුණු සංඛ්‍යාව 48 ක් වන විට දකුණු අප්‍රිකානු කණ්ඩායමේ ආරම්භක පිතිකරු යුගළය වන ස්ටීවන් කුක් (11) සහ ඩීන් එල්ගා (17) ආපසු ක්‍රීඩාගාරයට හරවා යැවීමට ටිම් සවුති සහ නීල් වෝග්නර් සමත් වූහ. ජේම්ෂ් නීෂම් අතට උඩ පන්දුවක් දෙමින් ස්ටීවන් කුක් දැවී ගිය අතර කඩුලු රකින ක්‍රීඩක බී. ජේ. වොට්ලින් අතට උඩ පන්දුවක් දෙමින් නීල් වෝග්නර් දැවී ගියේය.

දකුණු අප්‍රිකානු කණ්ඩායමට වඩා ලකුණු 91 පසුපසින් සිටිමින් දෙවැනි ඉනිම ඇරඹූ නවසීලන්ත කණ්ඩායමට කේෂව් මහරාජ්ගේ සහ මෝනි මෝකල්ගේ විශිෂ්ට පන්දු යැවීම හමුවේ සියලු දෙනා දැවී රැස්කරගත හැකි වූයේ ලකුණු 171 ක් පමණි. නායක කේන් විලියම්සන් (1), ටොම් ලේතම් (6) සහ නීල් බෘම් (20) අඩු ලකුණු සංඛ්‍යාවන්ට පිටියෙන් ඉවත් කිරීමට මෝනි මෝකල් සමත් වූ අතර නවසීලන්ත දෙවැනි ඉනිමේ ඉතිරි කඩුලු 7 න් 6 කටම හිමිකම් කීමට කේෂව් මහරාජ් සමත් විය.

පිතිකරුවන් 7 දෙනෙක්ම ලකුණු 10 සීමාව ඉක්මාවා යෑමටත් පෙර ආපසු ගොස් ක්‍රීඩාගාරයේ අසුන් ගනිද්දී, නවසීලන්ත කණ්ඩායම වෙනුවෙන් හුදෙකලා සටනක නිතර වූ ආරම්භක පිතිකරු ජීත් රාවල් හතරේ පහර 10 ක් සමගින් ලකුණු 80 ක් රැස්කළේය.

තරගයේ දෙවැනි දිනය වූ ඊයේ (17 වැනිදා) කඩුලු 9 ක් දැවී ලකුණු 349 ක් ලබා සිටි දකුණු අප්‍රිකානු කණ්ඩායමට අද දිනයේදී සිය පළමු ඉනිමට අලුතින් එක්කරගත හැකි වූයේ ලකුණු 10 ක් පමණි. ජීතන් පටේල්ගේ පන්දුවක් කඩුල්ලේ වැදීම නිසා ලකුණු 40 ක් ලබා සිටි මෝනි මෝකල් දකුණු අප්‍රිකානු පළමු ඉනිමේ අවසන් කඩුල්ල ලෙස දැවී ගියේය.


නවසීලන්ත පළමු ඉනිම – සියලු දෙනා දැවී 268
දකුණු අප්‍රිකානු පළමු ඉනිම – සියලු දෙනා දැවී 359

(හසීම් අම්ලා 21, ජේ. පී. ඩුමිනි 16, ෆෆ් ඩුප්ලෙසි 22, ටෙම්බා බවුමා 89, ක්වින්ටින් ඩි’කොක් 91, වර්නන් පිලැන්දර් නොදැවී 37, මෝනි මෝකල් 40, කොලින් ඩි’ග්‍රෑන්ඞ්හෝම් 52/3, නීල් වොග්නර් 102/3, ටිම් සවුති 98/2)

නවසීලන්ත දෙවැනි ඉනිම – සියලු දෙනා දැවී 171
(ජීත් රාවල් 80, නීල් බෘම් 20, බී. ජේ. වොට්ලින් 29, කේෂව් මහරාජ් 40/6, මෝනි මෝකල් 50/3)

දකුණු අප්‍රිකානු දෙවැනි ඉනිම – කඩුලු 2 ක් දැවී 83
(ඩීන් එල්ගා 17, හසීම් අම්ලා නොදැවී 38, ජේ. පී. ඩුමිනි නොදැවී 15)


- 036

 

දකුණු අප්‍රිකාව ලකුණු 81 ක් ඉදිරියෙන්

සංචාරක දකුණු අප්‍රිකානු කණ්ඩායම සහ නවසීලන්ත කණ්ඩායම අතර නවසීලන්තයේ වෙලින්ටන්හිදී පැවැත්වෙන දෙවැනි ටෙස්ට් තරගයේ දෙවැනි දිනය නිමාවන විට පළමු ඉනිම වෙනුවෙන් පන්දුවට පහරදෙමින් සිටි දකුණු අප්‍රිකාව කඩුලු 9 ක් දැවී ලකුණු 349 ක් ලබා සිටියේය.

ඒ අනුව දකුණු අප්‍රිකානු කණ්ඩායම තවත් කඩුල්ලක් අතැතිව නවසීලන්ත කණ්ඩායමට වඩා ලකුණු 81 ක් ඉදිරියෙන් සිටින අතර දිනය නිමාවන විට කඩුල්ලේ රැදී සිටි වර්නන් පිලැන්දර් ලකුණු 36 ක්ද, මෝනි මෝකල් ලකුණු 31 ක්ද ලබා නොදැවී කඩුල්ලේ රැදී සිටියහ. ඒ වන විට ඔවුන් දෙදෙනා අතර 10 වැනි කඩුල්ල වෙනුවෙන් ගොඩගනැගී තිබූ නොබිඳුණ සම්බන්ධතාව ලකුණු 47 කි.

ලකුණු 94 කට කඩුලු 6 ක් බිඳවැටී දකුණු අප්‍රිකානු කණ්ඩායම අසීරු තත්ත්වයට පත්ව තිබූ අවස්ථාවේ 7 වැනි කඩුල්ල වෙනුවෙන් ලකුණු 160 ක සම්බන්ධතාවක් ගොඩනැගූ ටෙම්බා බවුමා (89) සහ ක්වින්ටින් ඩි’කොක් (91) සිය කණ්ඩායම එම අසීරු තත්ත්වයෙන් ගොඩගැනීමට සමත් වූහ.

දක්ෂ පිතිහරඹයක නිතර වුවත් ඉතා අවාසනාවන්ත ලෙස ඔවුන් දෙදෙනාම ශතක පෙනි පෙනී දැවී ගියහ. බවුමාගේ 6 වැනි ටෙස්ට් අර්ධ ශතකයට හතරේ පහර 9 ක් ඇතුළත් වූ අතර ඩි’කොක්ගේ 8 වැනි ටෙස්ට් අර්ධ ශතකය හයේ පහර 3 කින් සහ හතරේ පහර 10 කින් සමන්විත විය.

පළමු දිනය වූ ඊයේ (16 වැනිදා) තරගය නතර කරන විට කඩුලු 2 ක් දැවී ලකුණු 24 ක් ලබා සිටි දකුණු අප්‍රිකානු ක්‍රීඩකයෝ අද දිනයේදී කඩුලු 7 ක් දැවී සිය පළමු ඉනිමට තවත් ලකුණු 325 ක් එක් කරගත්හ.

කොලින් ඩි’ග්‍රෑන්ඞ්හෝම් සහ නීල් වොග්නර් කඩුලු 3 බැගින් බිඳ හෙළමින් දකුණු අප්‍රිකානු පිතිකරුවන් පීඩනයට පත්කළ අතර ටිම් සවුති කඩුලු 2 ක් දවාගනිමින් ඒ සඳහා අනගි සහායක් දැක්වීය.


නවසීලන්ත පළමු ඉනිම – සියලු දෙනා දැවී 268
දකුණු අප්‍රිකානු පළමු ඉනිම – කඩුලු 9 ක් දැවී 349

(හසීම් අම්ලා 21, ජේ. පී. ඩුමිනි 16, ෆෆ් ඩුප්ලෙසි 22, ටෙම්බා බවුමා 89, ක්වින්ටින් ඩි’කොක් 91, වර්නන් පිලැන්දර් නොදැවී 36, මෝනි මෝකල් නොදැවී 31, කොලින් ඩි’ග්‍රෑන්ඞ්හෝම් 52/3, නීල් වොග්නර් 96/3, ටිම් සවුති 98/2)


- 036

 

දකුණු අප්‍රිකාව ලකුණු 191 ක් ඉදිරියෙන්

දකුණු අප්‍රිකාව සහ නවසීලන්තය අතර නවසීලන්තයේ ඩුනෙඩීන්හි විශ්ව විද්‍යාල ක්‍රීඩාගංණයේදී පැවැත්වෙන පළමු ටෙස්ට් ක්‍රිකට් තරගයේ සිවුවැනි දිනය වූ අද (11 වැනිදා) තරගය නතර කරන විට සිය දෙවැනි ඉනිම වෙනුවෙන් පන්දුවට පහරදෙමින් සිටි දකුණු අප්‍රිකානු කණ්ඩායම කඩුලු 6 ක් දැවී ලකුණු 224 ක් ලබා සිටියේය. ඒ අනුව ඔවුහු තවත් කඩුලු 4 ක් අතැතිව නවසීලන්තයට වඩා ලකුණු 191 ක් ඉදිරියෙන් සිටිති.


දිනය නිමාවන විට නායක ෆෆ් ඩුප්ලෙසි ලකුණු 56 ක්ද, වර්නන් පිලැන්දර් ලකුණක්ද ලබා නොදැවී කඩුල්ලේ රැදී සිටියහ. අද දිනයේදී සිය ටෙස්ට් දිවියේ 11 වැනි අර්ධ ශතකය ලබාගත් ඩුප්ලෙසි, එය හතරේ පහර 10 කින් අලංකාර කළේය.


තෙවැනි දිනය වූ ඊයේ (10 වැනිදා) තරගය නතර කරන විට කඩුල්ලක් දැවී ලකුණු 38 ක් ලබා සිටි දකුණු අප්‍රිකානු කණ්ඩායම අද දිනයේදී කඩුලු 5 ක් දැවී සිය දෙවැනි ඉනිමට තවත් ලකුණු 186 ක් එක්කර ගත්තේය.


පළමු ඉනිමේදී ශතකයක් (140) ලබාගත් ඩීන් එල්ගා, දෙවැනි ඉනිමේදීද දකුණු අප්‍රිකානු පිලේ සාර්ථකම පිතිකරුවා බවට පත්වෙමින් සිය 6 වැනි ටෙස්ට් අර්ධ ශතකය ලබාගත්තේය. පන්දු 249 වාර්තා වූ එල්ගාගේ ඉනිමට (89) හතරේ පහර 9 ක් අන්තර්ගත විය. ශතකය පෙනි පෙනී ජීතන් පටේල්ගේ පන්දුවක් හමුවේ නායක කේන් විලියම්සන් අතට උඩ පන්දුවක් දෙමින් ඔහු දැවීගියේය.


ජේ. පී. ඩුමිනි (39) සමග එක්ව තෙවැනි කඩුල්ල වෙනුවෙන් ලකුණු 74 ක සම්බන්ධතාවක් ගොඩනැගූ ඩීන් එල්ගා, ඉන් නොනැවති ෆෆ් ඩුප්ලෙසි සමග එක්ව සිවුවැනි කඩුල්ල වෙනුවෙන් ලකුණු 80 ක සම්බන්ධතාවක්ද ගොඩනගමින් දකුණු අප්‍රිකානු කණ්ඩායමේ ලකුණු සංඛ්‍යාව ඉහළ දැමීය.  


දිනයේ පළමු කඩුල්ල ලෙස හතරේ පහර 5 ක් සමගින් ලකුණු 24 ක් ලබා සිටි හසීම් අම්ලා පිටියෙන් ඉවත් කිරීමට නීල් වෝග්නර් සමත් විය. ටෙම්බා බවුමාට (6) මෙන්ම ක්වින්ටින් ඩි’කොක්ටද (4) වැඩි වේලාවක් කඩුල්ලේ රැදී සිටීම සඳහා අවස්ථාවක් හිමි නොවූ අතර මිචෙල් සෑන්ට්නර්ගේ සහ ජීතන් පටේල්ගේ පන්දු හමුවේ කඩුලු පූජා කරමින් ඔවුහු ආපසු ක්‍රීඩාගාරය බලා ගියහ.


දකුණු අප්‍රිකාව පළමු ඉනිම – සියලු දෙනා දැවී 308

නවසීලන්තය පළමු ඉනිම – සියලු දෙනා දැවී 341

දකුණු අප්‍රිකාව දෙවැනි ඉනිම – කඩුලු 6 ක් දැවී 224
(ඩීන් එල්ගා 89, හසීම් අම්ලා 24, ජේ. පී. ඩුමිනි 39, ෆෆ් ඩුප්ලෙසි නොදැවී 56, නීල් වෝග්නර් 57/2, ජීතන් පටේල් 72/2)

-036

 

දකුණු අප්‍රිකාව ලකුණු 5 කින් ඉදිරියට

දකුණු අප්‍රිකාව සහ නවසීලන්තය අතර නවසීලන්තයේ ඩුනෙඩීන්හි විශ්ව විද්‍යාල ක්‍රීඩාගංණයේදී පැවැත්වෙන පළමු ටෙස්ට් ක්‍රිකට් තරගයේ තෙවැනි දිනය වූ අද (10 වැනිදා) තරගය නතර කරන විට සිය දෙවැනි ඉනිම වෙනුවෙන් පන්දුවට පහරදෙමින් සිටි දකුණු අප්‍රිකානු කණ්ඩායම කඩුල්ලක් දැවී ලකුණු 38 ක් ලබා සිටියේය. ඒ අනුව ඔවුහු තවත් කඩුලු 9 ක් අතැතිව නවසීලන්තයට වඩා ලකුණු 5 ක් ඉදිරියෙන් සිටිති.


දිනය නිමාවන විට ඩීන් එල්ගා ලකුණු 12 ක්ද, හසීම් අම්ලා 23 ක්ද ලබා නොදැවී කඩුල්ලේ රැදී සිටියහ. ආරම්භක පිතිකරු ස්ටීවන් කුක් ලකුණු ලබාගැනීමට පෙර පිටියෙන් ඉවත් කිරීමට ටේ‍රන්ට් බෝල්ට් සමත් වූයේ කඩුලු රකින ක්‍රීඩක බී. ජේ. වොට්ලින්ගේද සහාය ඇතිවය.


දෙවැනි දිනය වූ ඊයේ (9 වැනිදා) තරගය නතර කරන විට කඩුලු 3 ක් දැවී ලකුණු 177 ක් ලබා සිටි නවසීලන්ත ක්‍රීඩකයෝ අද දිනයේදී සිය පළමු ඉනිමට තවත් ලකුණු 164 ක් එක්කර ගත්හ. එහිදී සිය 16 වැනි ටෙස්ට් ශතකය ලබාගත් නායක කේන් විලියම්සන් එය හතරේ පහර 18 කින් සැරසීය.


බී. ජේ. වොට්ලින් (50) සමග එක්ව හයවැනි කඩුල්ල වෙනුවෙන් ලකුණු 84 ක සම්බන්ධතාවක්ද ගොඩනැගූ විලියම්සන්, කෙමෙන් කෙමෙන් නවසීලන්ත ඉනිමේ ලකුණු සංඛ්‍යාව ඉහළ දැමුවේය. වොට්ලින් 17 වැනි ටෙස්ට් අර්ධ ශතකයට හතරේ පහර 8 ක් අන්තර්ගත විය.


දක්ෂ පන්දු යැවීමක නිතර වූ කේෂව් මහරාජ් ලකුණු 94 කට කඩුලු 5 ක් දවාගනිමින් නවසීලන්ත පිතිකරුවන් මෙල්ල කළ අතර මෝනි මෝකල් සහ වර්නන් පිලැන්දර් කඩුලු 2 බැගින් දවාගනිමින් මහරාජ්ට අනගි සහයක් දුන්හ.


දකුණු අප්‍රිකාව පළමු ඉනිම – සියලු දෙනා දැවී 308

නවසීලන්තය පළමු ඉනිම – සියලු දෙනා දැවී 341
(ජීත් රාවල් 52, කේන් විලියම්සන් 130, ජීතන් පටේල් 16, බී. ජේ. වොට්ලින් 50, නීල් වෝග්නර් 32, කේෂව් මහරාජ් 94/5, මෝනි මෝකල් 62/2, වර්නන් පිලැන්දර් 67/2)

දකුණු අප්‍රිකාව දෙවැනි ඉනිම – කඩුල්ලක් දැවී 38
(හසීම් අම්ලා නොදැවී 23)

-036

 

විලියම්සන් නවසීලන්තයේ බලාපොරොත්තු ඉහළ නංවයි

දකුණු අප්‍රිකාව සහ නවසීලන්තය අතර නවසීලන්තයේ ඩුනෙඩීන්හි විශ්ව විද්‍යාල ක්‍රීඩාගංණයේදී පැවැත්වෙන පළමු ටෙස්ට් තරගය දෙවැනි දිනය වූ අද (9 වැනිදා) තරගය නතර කරන විට පළමු ඉනිම වෙනුවෙන් පන්දුවට පහරදෙමින් සිටි නවසීලන්ත කණ්ඩායම කඩුලු 3 ක් දැවී ලකුණු 177 ක් ලබා සිටියේය.


දිනය නිමාවන විට නායක කේන් විලියම්සන් ලකුණු 78 ක්ද, රාත්‍රී මුරකරු පිතිකරු ලෙස පිටියට පිවිසි ජීතන් පටේල් 9 ක්ද ලබා නොදැවී කඩුල්ලේ රැදී සිටියහ. අද දිනයේදී සිය ටෙස්ට් ක්‍රිකට් දිවියේ 26 වැනි අර්ධ ශතකය ලබාගත් විලියම්සන්, එය හතරේ පහර 11 කින් අලංකාර කළේය.


ආරම්භක පිතිකරු ජීත් රාවල් (52) සමග එක්ව දෙවැනි කඩුල්ල වෙනුවෙන් ලකුණු 102 ක සම්බන්ධතාවක් ගොඩගනමින් නවසීලන්ත ඉනිමේ ලකුණු සංඛ්‍යාව ඉහළ දැමීමටද විලියම්සන් සමත් විය. රාවල්ගේ තෙවැනි ටෙස්ට් අර්ධ ශතකය හතරේ පහර 6 කින් සමන්විත වූ අතර කේෂව් මහරාජ්ගේ පන්දුවක් හමුවේ ඩීන් එල්ගා අතට උඩ පන්දුවක් දෙමින් ඔහු දැවී ගියේය.


මුලු ලකුණු සංඛ්‍යාව 15 ක් වන විට ලකුණු 10 ක් ලබා සිටි ආරම්භක පිතිකරු ටොම් ලේතම් ආපසු ක්‍රීඩාගාරයට හරවා යැවීමට කිරීමට වර්නන් පිලැන්දර් සමත් වූයේ කඩුලු රකින ක්‍රීඩක ක්වින්ටින් ඩි’කොක්ගේ සහායද ඇතිවය. පාදයේ මස්පිඩු පෙරළීමක් නිසා රොස් ටේලර්ටද පිටියෙන් ඉවත් වීමට සිදු වූ අතර ඒ වන විට ඔහු ලබා සිටියේ ලකුණු 8 ක් පමණි.


ඉන් අනතුරුව පිටියට පිවිසි හෙන්රි නිකලස්ටද වැඩි වේලාවක් කඩුල්ලේ රැදී සිටීමට ඉඩක් නොලැබුණ අතර ලකුණු 12 ක් ලබා සිටියදී කේෂව් මහරාජ්ගේ පන්දුවක් හමුවේ හසීම් අම්ලා අතට උඩ පන්දුවක් දෙමින් ඔහු දැවී ගියේය.


පළමු දිනය වූ ඊයේ (7 වැනිදා) තරගය නතර කරන විට කඩුලු 4 ක් දැවී ලකුණු 229 ක් ලබා සිටි දකුණු අප්‍රිකානු කණ්ඩායම අද දිනයේදී සිය පළමු ඉනිමට තවත් ලකුණු 79 ක් එක් කරගත්හ.


දෙවැනි දිනය ආරම්භ වන විට නොදැවී ලකුණු 128 ක් ලබා සිටි ඩීන් එල්ගාගේ ඉනිම ලකුණු 140 කට සීමා කිරීමට නීල් වෝග්නර් සමත් වූයේ කඩුලු රකින ක්‍රීඩක බී. ජේ. වොට්ලිංගේ සහායද ඇතිවය.


හතරේ පහර 10 ක් සමගින් ලකුණු 64 ක් ලබා සිටි ටෙම්බා බවුමා නවසීලන්ත ඉනිමේ 7 වැනි කඩුල්ල ලෙස දැවීගියේ ටේ‍රන්ට් බෝල්ට්ගේ පන්දුවක් හමුවේ බී. ජේ. වොට්ලිං අතට උඩ පන්දුවක් දෙමිනි.


බවුමාගේ දැවී යෑමෙන් අනතුරුව ලකුණු 29 ක් තුළ නවසීලන්ත කණ්ඩායමේ ඉතිරි කඩුලු 3 ද බිඳ වැටුණ අතර දක්ෂ පන්දු යැවීමක නිරත වූ ටේ‍රන් බෝල්ට් ලකුණු 64 කට කඩුලු 4 ක් දවාගත්තේය.


දකුණු අප්‍රිකාව පළමු ඉනිම – සියලු දෙනා දැවී 308

(ඩීන් එල්ගා නොදැවී 140, ෆෆ් ඩුප්ලෙසි 52, ටෙම්බා බවුමා 64, වර්නන් පිලැන්දර් 21, ටේ‍රන්ට් බෝල්ට් 64/4, නීල් වෝග්නර් 88/3, ජීතන් පටේල් 85/2)


නවසීලන්තය පළමු ඉනිම – කඩුලු 3 ක් දැවී 177

(ජීත් රාවල් 52, කේන් විලියම්සන් නොදැවී 78, කේෂව් මහරාජ් 57/2)

 

-036

 

එල්ගාගේ ශතකයෙන් ද. අප්‍රිකාවට සාර්ථක ආරම්භයක්

දකුණු අප්‍රිකාව සහ නවසීලන්තය අතර නවසීලන්තයේ ඩුනෙඩීන්හි විශ්ව විද්‍යාල ක්‍රීඩාගංණයේදී අද (8 වැනිදා) ආරම්භ වූ පළමු ටෙස්ට් තරගය පළමු දිනය සඳහා නතර කරන විට මුල් ඉනිම වෙනුවෙන් පන්දුවට පහරදෙමින් සිටි දකුණු අප්‍රිකානු කණ්ඩායම කඩුලු 4 ක් දැවී ලකුණු 229 ක් ලබා සිටියේය.

පළමු දිනය සඳහා තරගය නතර කරන විට ආරම්භක පිතිකරු ඩීන් එල්ගා ලකුණු 128 ක්ද, ටෙම්බා බවුමා ලකුණු 38 ක්ද ලබා නොදැවී කඩුල්ලේ රැදී සිටියහ. දිනය නිමා වන විට ඔවුන් දෙදෙනා එක්ව 5 වැනි කඩුල්ල වෙනුවෙන් ගොඩනගා තිබූ නොබිඳුණ සම්බණ්ධතාව ලකුණු 81 කි.

අද දිනයේදී සිය ටෙස්ට් ක්‍රිකට් දිවියේ 7 වැනි ශතකය ලබාගත් ඩීන් එල්ගා එය හතරේ පහර 22 කින් සැරසීය. ලකුණු 22 කට කඩුලු 3 ක් බිඳ වැටී තිබූ අවස්ථාවේදී නායක ෆෆ් ඩුප්ලෙසි (52) සමග එක්ව සිවුවැනි කඩුල්ල වෙනුවෙන් ලකුණු 126 ක සම්බන්ධතාවක් ගොඩනගමින් දකුණු අප්‍රිකානු කණ්ඩායමේ ලකුණු සංඛ්‍යාව ඉහළ දැමීමටද එල්ගා සමත් විය. ඩුප්ලෙසිගේ 10 වැනි ටෙස්ට් අර්ධ ශතකය හතරේ පහර 7 කින් සමන්විත විය.

මුලු ලකුණු සංඛ්‍යාව 10 ක් වන විට ලකුණු 3 ක් ලබා සිටි ආරම්භක පිතිකරු ස්ටීවන් කුක් ආපසු ක්‍රීඩාගාරයට හරවා යැවීමට ටේ‍රන්ට් බෝල්ට් සමත් වූයේ කුක් කඩුල්ල මුවා කිරීමේ වරදට හසුකර ගනිමිනි.

ඉන් අනතුරව ක්‍රියාත්මක වූ නීල් වෝග්නර් ප්‍රබල පිතිකරුවන් ලෙස සැලකෙන හසීම් අම්ලා සහ ජේ. පී. ඩුමිනි ලකුණු 1 බැගින් ලබා සිටියදී පිටියෙන් ඉවත් කළේ දකුණු අප්‍රිකානු කණ්ඩායම අසරණ තත්ත්වයක ඇද දමමිනි. අම්ලාගේ කඩුල්ල බිඳ දැමූ වෝග්නර්, ඩුමිනිගේ කඩුල්ල දවාගත්තේ රොස් ටේලර්ගේද සහාය ඇතිවය.


දකුණු අප්‍රිකාව පළමු ඉනිම – කඩුලු 4 කට 229
(ඩීන් එල්ගා නොදැවී 128, ෆෆ් ඩුප්ලෙසි 52, ටෙම්බා බවුමා නොදැවී 38, නීල් වෝග්නර් 59/2)


- 036

 

ඩුප්ලෙසි – මිලර් දකුණු අප්‍රිකාව දිනවති

නවසීලන්ත කණ්ඩායමට එරෙහිව ඕක්ලන්ඞ්හි ඊඞ්න් උද්‍යාන ක්‍රීඩාංගණයේදී අද (4 වැනිදා) පැවැති පස්වැනි එක්දින ජාත්‍යන්තර ක්‍රිකට් තරගයෙන් කඩුලු 6 ක පහසු ජයක් ලැබූ දකුණු අප්‍රිකානු ක්‍රීඩකයෝ දෙරට අතර පැවැති තරග 5 කින් සමන්විත එක්දින තරගාවලිය 3-2 ක් ලෙස ජයගත්හ.

අවසන් තරගයේ ජයග්‍රහණය සඳහා ලකුණු 150 ක ඉලක්කයක් හඹාගිය දකුණු අප්‍රිකානු ක්‍රීඩකයෝ 32.2 ක් අවසානයේ කඩුලු 4 ක් පමණක් දැවී එම ඉලක්කය සපුරාගත්හ. ෆෆ් ඩුප්ලෙසී (නොදැවී 51) සහ ඬේව්ඞ් මිලර් (නොදැවී 45) එක්ව පස්වැනි කඩුල්ල වෙනුවෙන් පන්දු 62 කදී ලකුණු 62 ක නොබිඳුණ සම්බන්ධතාවක් ගොඩනගමින් දකුණු අප්‍රිකානු කණ්ඩායම ජයග්‍රහණය කරා රැගෙන ගියහ.

පන්දු 90 කට මුහුණදුන් ඩුප්ලෙසී හතරේ පහර 6 ක් සමගින් සිය 26 වැනි එක්දින අර්ධ ශතකය සම්පූර්ණ කළ අතර පන්දු 35 කදී වාර්තා වූ මිලර්ගේ වේගවත් ඉනිම හයේ පහර 2 කින් සහ හතරේ පහර 6 කින් සමන්විත විය. නායක ඒ. බී. ඩිවිලියර්ස් පන්දු 21 කදී ලකුණු 23 ක් රැස්කළේ හයේ පහර 2 ක් සහ හතරේ පහර 2 ක්ද සමගිනි.
ආරම්භක පිතිකරු ක්වින්ටින් ඩි’කොක් (6) සහ ජේ. පී. ඩුමිනි (3) අඩු ලකුණු සංඛ්‍යාවන්ට පිටියෙන් ඉවත් කිරිමට පිට දඟ පන්දු යවන ක්‍රීඩක ජීතන් පටේල් සමත් විය.

පළමුවෙන් පන්දුවට පහරදුන් නවසීලන්ත කණ්ඩායම ඕවර 41.1 ක් අවසානයේ ලකුණු 149 කට සීමාකිරීමට දකුණු අප්‍රිකානු පන්දු යවන්නෝ සමත් වූහ. දක්ෂ පන්දු යැවීමක නිරත වූ කගිසෝ රබාඩා ලකුණු 25 කට කඩුලු 3 ක් දවාගනිමින් තරගයේ වීරයා බවට පත් විය. ඉම්රාන් තාහිර් සහ ඇන්ඩිල් පෙලුක්වායෝ කඩුලු 2 බැගින් දවාගනිමින් නවසීලන්ත කණ්ඩායම අඩු ලකුණු සංඛ්‍යාවකට සීමා කිරීම සඳහා රබාඩාට අනගි සහයක් දුන්හ.
 
සිවුවැනි එක්දින තරගයේදී නොදැවී ලකුණු 180 ක් රැස්කළ ආරම්භක පිතිකරු මාටින් ගප්ටිල්ගේ කඩුල්ල බිඳ දැමූ රබාඩා, තරගාවලිය පුරාම ලකුණු අතර සිටි ජේම්ස් නීෂම් සහ කොලින් ඩි’ග්‍රෑන්ඞ්හෝම් ආපසු ක්‍රීඩාගාරයට හරවා ඇරියේ ජේ. පී. ඩුමිනිගේ සහ ස්වින්ටින් ඩි’කොක්ගේද සහ ඇතිවය.

පිතිකරුවන් 6 දෙනෙක්ම ලකුණු 10 සීමාව ඉක්මවා යෑමට පෙර දැවී යාම නවසීලන්ත පිලේ පරාජයට ප්‍රධානම හේතුවත් වූ අතර නවසීලන්ත ඉනිමේ වැඩිම ලකුණු ලාභියා බවට පත්වූ කොලින් ඩි’ග්‍රෑන්ඞ්හෝම් පන්දු 48 කදී හයේ පහරක් සහ හතරේ පහරක් සමගින් ලකුණු 32 ක් රැස්කළේය.


නවසීලන්තය – ඕවර 41.1 කදී සියලු දෙනා දැවී 149  
(ඩීන් බ්‍රවුන්ලි 24, ජේම්ස් නීෂම් 24, මිචෙල් සෑන්ට්නර් 24, කොලින් ඩි’ග්‍රෑන්ඞ්හෝම් 32, කගිසෝ රබාඩා 25/3, ඉම්රාන් තාහිර් 14/2, ඇන්ඩිල් පෙලුක්වායෝ 35/2)

දකුණු අප්‍රිකාව – ඕවර 32.2 කදී කඩුලු 4 ක් දැවී 150  
(ෆෆ් ඩුප්ලෙසී නොදැවී 51, ඒ. බී. ඩිවිලියර්ස් 23, ඬේව්ඞ් මිලර් නොදැවී 45, ජීටන් පටේල් 26/2)


- 036