Category Archives: Pakisthan-Super-League

කරච්චි පිල අවසන් තරගයෙන් ඉවතට

පාකිස්තාන් සුපර් ලීග් විස්සයි20 ක්‍රිකට් තරගාවලියේ ඊයේ (3 වැනිදා) පැවැති දෙවැනි අවසන් පූර්ව තරගයේදී පේෂාවර් සල්මි කණ්ඩායම හමුවේ ලකුණු 24 කින් පරාජයට පත් වීම නිසා කුමාර් සංගක්කාර නායකත්වය දරණ කරච්චි කිංග්ස් කණ්ඩායමට තරගාවලියෙන් ඉවත් වීමට සිදුවිය.

ජයග්‍රහණය සඳහා ලකුණු 182 ක ඉලක්කයක් හඹාගිය කරච්චි කිංග්ස් කණ්ඩායමට නියමිත ඕවර 20 අවසානයේ කඩුලු 7 ක් දැවී ලබාගත හැකි වූයේ ලකුණු 157 ක් පමණි. දක්ෂ පන්දු යැවීමක නිරත වූ ක්‍රිස් ජෝදාන් සහ වහබ් රියාස් කඩුලු 3 බැගින් බිඳහෙළමින් කරච්චි කිංග්ස් කණ්ඩායමේ ජයග්‍රහණයේ මාවත අවහිර කළහ.

ලකුණු 80 කට කඩුලු 5 ක් බිඳවැටී තිබූ අවස්ථාවේ 6 වැනි කඩුල්ල වෙනුවෙන් පන්දු 30 කදී ලකුණු 62 ක වේගවත් සම්බන්ධතාවක් ගොඩනැගීමට කරන් පොලාඞ් (47) සහ ඉමාඞ් වසීම් (24) සමත් වුවද, කරච්චි කිංග්ස් කණ්ඩායම ජයග්‍රහණය කරා රැගෙන යෑමට තරම් එම සම්බන්ධතාව ප්‍රමාණවත් නොවීය. පන්දු 26 කදී වාර්තා වූ පොලාඞ්ගේ ඉනිමට හයේ පහර 3 ක් සහ හතරේ පහර 4 ක් ඇතුළත් වූ අතර පන්දු 19 කදී වාර්තා වූ වසීම්ගේ ඉනිමට හයේ පහරක් සහ හතරේ පහරක් අන්තර්ගත විය.

ආරම්භක පිතකරු ක්‍රිස් ගේල් පන්දු 31 කදී හයේ පහර 4 ක් සහ හතරේ පහර 2 ක් සමගින් ලකුණු 40 ක් රැස්කිරීමට සමත් වූ අතර නායක කුමාර් සංගක්කාරට පන්දු 13 කදී හයේ පහරක් සහ හතරේ පහරක් සමගින් රැස්කරගත හැකි වූයේ ලකුණු 15 ක් පමණි.

පළමුවෙන් පන්දුවට පහරදුන් කරච්චි කිංග්ස් පිල වෙනුවෙන් වේගවත් ශතකයක් ලබාගත් ආරම්භක පිතිකරු කම්රාන් අක්මාල් (104) එය හයේ පහර 7 කින් සහ හතරේ පහර 6 කින් සැරසීය. රවී බොපාරාගේ දක්ෂ පන්දු රැකීම හමුවේ දුවද්දී දැවීයාමකට හසුවෙමින් පිටියෙන් ඉවත්ව යන විට අක්මාල් පන්දු 65 කට මුහුණ දී සිටියේය.

ඬේවිඞ් මාලන් (36) සමග එක්ව පළමු කඩුල්ල වෙනුවෙන් පන්දු 69 කදී ලකුණු 97 ක වේගවත් සම්බන්ධතාවක් ගොඩනැගූ අක්මාල්, ඉන් නොනැවතී මාලන් සැමුවෙල්ස් (37) සමග එක්ව දෙවැනි කඩුල්ල වෙනුවෙන් පන්දු 46 කදී ලකුණු 77 ක සම්බන්ධතාවක්ද ගොඩනගමින් පේෂාවර් සල්මි කණ්ඩායමේ ලකුණු සංඛ්‍යාව ඉහළ දැමුවේය.

පන්දු 31 කදී වාර්තා වූ ඬේවිඞ් මාලන්ගේ ඉනිමට හයේ පහරකින් සහ හතරේ පහර 4 කින්ද, පන්දු 22 කදී වාර්තා වූ මාලන් සැමුවෙල්ස්ගේ ඉනිමට හයේ පහරකින් සහ හතරේ පහර 3 කින්ද සමන්විත විය.


පේෂාවර් සල්මි පිල – ඕවර 20 කදී කඩුලු 3 ක් දැවී 181  
(කම්රාන් අක්මාල් 104, ඬේවිඞ් මාලන් 36, මාලන් සැමුවෙල්ස් 37)

කරච්චි කිංග්ස් පිල – ඕවර 20 කදී කඩුලු 7 ක් දැවී 157
(ක්‍රිස් ගේල් 40, කුමාර් සංගක්කාර 15, කිරන් පොලාඞ් 47, ඉම්ඩාඞ් වසීම් 24, වහබ් රියාස් 24/3, ක්‍රිස් ජෝදාන් 26/3)


- 036

 

සංගාගේ කරච්චි කිංග්ස් පිල අවසන් පූර්ව වටයට

පාකිස්තාන් සුපර් ලීග් විස්සයි20 ක්‍රිකට් තරගාවලියේ ඉස්ලාමාබාද් යුනයිටඞ් කණ්ඩායමට එරෙහිව ඊයේ (1 වැනිදා) පැවැති තරගයකදී ලකුණු 44 ක ජයක් අත්කර ගනිමින් තරගාවලියේ දෙවැනි අවසන් පූර්ව තරගයට සුදුසුකම් ලබාගැනීමට කුමාර් සංගක්කාර නායකත්වය දරණ කරච්චි කිංග්ස් කණ්ඩායම සමත් විය.

ජයග්‍රහණය සඳහා ලකුණු 127 ක ඉලක්කයක් හඹාගිය ඉස්ලාමාබාද් යුනයිටඞ් කණ්ඩායම ඕවර 15.2 ක් අවසානයේ ලකුණු 82 කට සීමා කිරීමට කරච්චි කිංග්ස් පන්දු යවන්නෝ සමත් වූහ. දක්ෂ පන්දුයැවීමක නිතර වූ මොහොමඞ් අමීර්, ඉම්ඩාඞ් වසීම් සහ උස්මා මීර් කඩුලු 3 බැගින් දවාගනිමින් ඉස්ලාමාබාද් ඉනිම සුණුවිසුනු කර දැමූහ.

ඉස්ලාමාබාද් යුනයිටඞ් කණ්ඩායමේ වැඩිම ලකුණු ලාභියා බවට පත් වූ අසීෆ් අලී පන්දු 36 කදී හයේ පහරක් සහ හතරේ පහර 3 ක් සමග ලකුණු 39 ක් රැස්කරගෙන සිටියදී උස්මා මීර්ගේ පන්දුවක් හමුවේ කුමාර් සංගක්කාර අතට උඩපන්දුවක් දෙමින් දැවී ගියේය. පිතිකරුවන් 8 දෙනෙක්ම ලකුණු 10 සීමාව ඉක්මවා යෑමට පෙර දැවීයාමද ඉස්ලාමාබාද් කණ්ඩායමේ පරාජයට ප්‍රධානම හේතුවක් විය.

පළමුවෙන් පන්දුවට පහරදුන් කරච්චි කිංග්ස් කණ්ඩායම ඕවර 19.4 ක් අවසානයේ සියලු දෙනා දැවී ලකුණු 126 ක් ලබාගත් අතර ආරම්භක පිතිකරු බාබර් අසාම් සහ ෂොයිබ් මලික් ලකුණු 25 බැගින් රැස්කරමින් සිය කණ්ඩයමේ ලකුණු සංඛ්‍යාව ඉහළ දැමූහ. පන්දු 21 කදී වාර්තා වූ බාබර් අසාම්ගේ ඉනිමට හතරේ පහර 5 ක් ඇතුළත් වූ අතර පන්දු 23 කදී වාර්තා වූ ෂොයිබ් මලික්ගේ ඉනිමට හතරේ පහර 2 ක් ඇතුළත් විය.

නායක කුමාර් සංගක්කාරට මෙම තරගයේදී වැඩි යමක් කිරීමට නොහැකි වූ අතර පන්දු 19 කදී හතරේ පහර 2 ක් සමගින් ලකුණු 17 ක් ලබා සිටියදී ෂේන් වොට්සන්ගේ පන්දුවක් හමුවේ මිස්බා උල් හක් අතට උඩ පන්දුවක් දෙමින් ඔහු දැවීගියේය.

පන්දු 15 කදී හයේ පහරක් සහ හතරේ පහර 2 ක් සමගින් ලකුණු 17 ක් ලබා සිටි ප්‍රවේගකාරී පිතිකරු ක්‍රිස් ගේල්ගේ කඩුල්ල බිඳ දැමීමට රුම්මාන් රායිස් සමත් විය.

දක්ෂ පන්දුයැවීමක නිරත වූ රුම්මාන් රායිස් සිය ඕවර 4 තුළදී කඩුලු 4 ක් දවාගත්තේ ප්‍රතිවාදීන්ට ලකුණු 25 ක් පමණක් ලබා දෙමිනි. මොහොමඞ් සාමි සහ ෂේන් වොට්සන් කඩුලු 2 බැගින් දවාගැනීමට සමත් වූහ.

කරච්චි කිංග්ස් පිල – ඕවර 19.4 කදී සියලු දෙනා දැවී 126
(බාබර් අසාම් 25, ක්‍රිස් ගේල් 17, කුමාර් සංගක්කාර 17, ෂොයිබ් මලික් 25, රුම්මාන් රායිස් 25/4, මොහොමඞ් සාමි 19/2, ෂේන් වොට්සන් 29/2)

ඉස්ලාමාබාද් යුනයිටඞ් පිල – ඕවර 15.2 කදී සියලු දෙනා දැවී 82
(අසීෆ් අලී 39, මොහොමඞ් අමීර් 7/3, ඉම්ඩාඞ් වසීම් 18/3, උස්මා මීර් 24/3)

 

- 036

 

කරච්චි කිංග්ස් පිලට කඩුලු 5 ක ජයක්

පාකිස්තාන් සුපර් ලීග් විස්සයි20 ක්‍රිකට් තරගාවලියේ ඊයේ (25 වැනිදා) පැවැති තරගයකදී බ්‍රෙන්ඩන් මැකලම් නායකත්වය දරණ ලාහෝර් ක්වාලැන්ඩර්ස් කණ්ඩායමට එරෙහිව කඩුලු 5 ක ජයක් අත්කර ගැනීමට කුමාර් සංගක්කාර නායකත්වය දරණ කරච්චි කිංග්ස් කණ්ඩායම සමත් විය.

ජයග්‍රහණය සඳහා ලකුණු 156 ක ඉලක්කයක් හඹාගිය කරච්චි කිංග්ස් කණ්ඩායම කඩුලු 5 ක් දැවී තරගයේ අවසන් පන්දුවේදී එම ඉලක්කය පසුකර ගියේය. කරච්චි කිංග්ස් කණ්ඩායමට තරගය ජයගැනීම සඳහා අවසන් පන්දු දෙකේදී ලකුණු 10 ක් රැස්කිරීමට සිදු වූ අතර එම පන්දු 2 ටම හයේ පහර 2 ක් ගැසූ කිරන් පොලාඞ්, සිය කණ්ඩායම ජයග්‍රහණය කරා ගෙන ගියේය.

කරච්චි කිංග්ස් කණ්ඩායමේ 7 වැනි පිතිකරුවා ලෙස පිටියට පිවිසි කිරන් පොලාඞ්, වේගවත් පිතිහරඹයක නිරත වෙමින් පන්දු 20 කදී හයේ පහර 4 ක් සහ හතරේ පහරක් සමග නොදැවී ලකුණු 45 ක් රැස්කළේය. ඉම්ඩාඞ් වසීම් (නොදැවී 19) සමග එක්ව 6 වැනි කඩුල්ල වෙනුවෙන් පන්දු 28 කදී ලකුණු 55 ක නොබිඳුණ සම්බන්ධතාවක් ගොඩනැගීමටද පොලාඞ් සමත් විය.

කරච්චි කිංග්ස් කණ්ඩායමට සාර්ථක ආරම්භයක් ලබාදුන් බාබර් අසාම්, පන්දු 42 කදී හතරේ පහර 7 ක් සමගින් ලකුණු 49 ක් ලබා සිටියදී අර්ධ ශතකය පෙනි පෙනී ඉතා අවාසනාවන්ත ලෙස දැවී ගියේය.

මෙම තරගයේදී ආරම්භක පිතිකරුවකු ලෙස කරච්චි කිංග්ස් කණ්ඩායමට එක් වූ මහේල ජයවර්ධනට පන්දු 8 කදී හතරේ පහරක් සමගින් රැසකරගත හැකි වූයේ ලකුණු 10 ක් පමණි. කුමාර් සංගක්කාරටද එහිදී වැඩි යමක් කිරීමට නොහැකි වූ අතර පන්දු 23 කට මුහුණදුන් ඔහු හතරේ පහර 2 ක් සමගින් ලකුණු 20 ක් රැස්කළේය.

පළමුවෙන් පන්දුවට පහරදුන් ලාහෝර් ක්වාලැන්ඩර්ස් කණ්ඩායම වෙනුවෙන් පන්දු 28 කදී හතරේ පහර 5 ක් සමගින් ලකුණු 31 ක් රැස්කිරීමට නායක බ්‍රෙන්ඩන් මැකලම් සමත් විය.

මොහොමඞ් රිස්වාන් (නොදැවී 32) සහ සොහේල් තන්වීර් (22) එක්ව හත්වැනි කඩුල්ල වෙනුවෙන් පන්දු 33 කදී ලකුණු 55 ක නොබිඳුණ සම්බන්ධතාවක් ගොඩනගමින් ලාහෝර් ක්වාලැන්ඩර්ස් කණ්ඩායමේ ලකුණු සංඛ්‍යාව ඉහළ දැමූහ. පන්දු 24 කදී වාර්තා වූ රිස්වාන්ගේ ඉනිමට හයේ පහරක් සහ හතරේ පහර 2 ක් ඇතුළත් වූ අතර පන්දු 14 කදී වාරත් වූ තන්වීර්ගේ ඉනිමට හතරේ පහර 2 ක් ඇතුළත් විය.


ලාහෝර් ක්වාලැන්ඩර්ස් පිල – ඕවර 20 කදී කඩුලු 6 ක් දැවී 155
(බ්‍රෙන්ඩන් මැකලම් 31, ෆඛාර් සමාන් 19, උමාර් අක්මාල් 20, සුනිල් නරේන් 16, මොහොමඞ් රිස්වාන් නොදැවී 32, සොහේල් තන්වීර් නොදැවී 22, ෂොයිබ් මලික් 21/2, උස්මා මීර් 38/2)

කරච්චි කිංග්ස් පිල – ඕවර 20 කදී කඩුලු 5 ක් දැවී 158
(බාබර් අසාම් 49, කුමාර් සංගක්කාර 20, ඉම්ඩාඞ් වසීම් නොදැවී 19, කිරන් පොලාඞ් නොදැවී 45)


- 036

 

සංගාගේ කරච්චි කිංග්ස්ට තියුණු ජයක්

පාකිස්තාන් සුපර් ලීග් විස්සයි20 ක්‍රිකට් තරගාවලියේ ඊයේ (19 වැනිදා) පැවැති තරගයකදී ඩැරන් සැමී නායකත්වය දරණ පේෂාවර් සල්මි කණ්ඩායමට එරෙහිව ලකුණු 9 ක තියුණු ජයක් අත්කර ගැනීමට කුමාර් සංගක්කාර නායකත්වය දරණ කරච්චි කිංග්ස් කණ්ඩායම කණ්ඩායම සමත් විය.

ජයග්‍රහණය සඳහා ලකුණු 175 ක ඉලක්කයක් හඹාගිය පේෂාවර් සල්මි කණ්ඩායමට නියමිත ඕවර 19.5 අවසානයේ සියලු දෙනා දැවී ලබාගත හැකි වූයේ ලකුණු 165 ක් පමණි. දක්ෂ පන්දු යැවීමක නිරත වූ සොහේල් ඛාන් සහ උස්මාන් ඛාන් කඩුලු 3 බැගින් බිඳහෙළමින් පේෂාවර් කණ්ඩායමේ ජයග්‍රහණයේ මාවත අවහිර කළහ.
 
ලකුණු 69 කට කඩුලු 6 ක් බිඳවැටී තිබූ අවස්ථාවේ 7 වැනි කඩුල්ල වෙනුවෙන් පන්දු 39 කදී ලකුණු 70 ක වේගවත් සම්බන්ධතාවක් ගොඩනැගීමට නායක ඩැරන් සැමී (34) සහ සහීඞ් අෆ්රිඩි (54) සමත් වුවද, පේෂාවර් සල්මි කණ්ඩායම ජයග්‍රහණය කරා රැගෙන යෑමට තරම් එම සම්බන්ධතාව ප්‍රමාණවත් නොවීය. පන්දු 26 කදී වාර්තා වූ සැමීගේ ඉනිමට හයේ පහර 3 ක් සහ හතරේ පහරක් ඇතුළත් වූ අතර පන්දු 28 කදී වාර්තා වූ අෆ්රිඩිගේ අර්ධ ශතකය හයේ පහර 5 කින් සහ හතරේ පහර 3 කින් සමන්විත විය.

පළමුවෙන් පන්දුවට පහරදුන් කරච්චි කිංග්ස් පිල වෙනුවෙන් පන්දු 27 කදී හයේ පහර 3 ක් සහ හතරේ පහර 4 ක්ද සමගින් නොදැවී ලකුණු 51 ක් රැස්කිරීමට ෂොයිබ් මලික් සමත් විය. රවී බොපාරා (30) සමග එක්ව සිව්වැනි කඩුල්ල වෙනුවෙන් පන්දු 28 කදී ලකුණු 44 ක සම්බන්ධතාවක් ගොඩනැගූ මලික්, ඉන් නොනැවතී කිරන් පොලාඞ් (4) සමග එක්ව පස්වැනි කඩුල්ල වෙනුවෙන් පන්දු 18 කදී ලකුණු 40 ක වේගවත් නොබිඳුණ සම්බන්ධතාවක්ද ගොඩනගමින් කරච්චි කිංග්ස් කණ්ඩායමේ ලකුණු සංඛ්‍යාව ඉහළ දැමුවේය.

පළමු කඩුල්ල වෙනුවෙන් පන්දු 54 කදී ලකුණු 72 සම්බන්ධතාවක් ගොඩනැගූ බාබර් අසාම් (46) සහ කුමාර් සංගක්කාර (28) කරච්චි කිංග්ස් පිලට සාර්ථක ආරම්භයක් ලබාදුන්හ. පන්දු 38 කදී වාර්තා වූ අසාම්ගේ ඉනිමට හයේ පහරක් සහ හතරේ පහර 6 ක් ඇතුළත් වූ අතර පන්දු 22 කදී වාර්තා වූ සංගක්කාරගේ ඉනිමට හතරේ පහර 3 ක් අන්තර්ගත විය.


කරච්චි කිංග්ස් පිල – ඕවර 20 කදී කඩුලු 4 ක් දැවී 174
(බාබර් අසාම් 46, කුමාර් සංගක්කාර 28, ෂොයිබ් මලික් නොදැවී 51, රවී බොපාරා 30, ඉෆ්තිකර් අහමඞ් 8/2)

පේෂාවර් සල්මි පිල – ඕවර 19.5 කදී සියලු දෙනා දැවී 165
(ටමීම් ඉක්බාල් 16, සකීබ් අල් හසන් 18, ඩැරන් සැමී 34, සහීඞ් අෆ්රිඩි 54, සොහේල් ඛාන් 28/3, උස්මාන් ඛාන් 32/3, උසාමා මීර් 28/2)

 

- 036

 

සංගක්කාරගේ උත්සාහය අපතේ යයි

පාකිස්තාන් සුපර් ලීග් විස්සයි20 ක්‍රිකට් තරගාවලියේ ඊයේ (17 වැනිදා) පැවැති තරගයකදී කුමාර් සංගක්කාර නායකත්වය දරණ කරච්චි කිංග්ස් කණ්ඩායමට එරෙහිව ලකුණු 7 ක තියුණු ජයක් අත්කර ගැනීමට බ්‍රෙන්ඩන් මැකලම් නායකත්වය දරණ ලාහෝර් ක්වාලැන්ඩර්ස් කණ්ඩායම සමත් විය.

ජයග්‍රහණය සඳහා ලකුණු 180 ක ඉලක්කයක් හඹාගිය කරච්චි කිංග්ස් කණ්ඩායමට නියමිත ඕවර 20 අවසානයේ කඩුලු 8 ක් දැවී ලබාගත හැකි වූයේ ලකුණු 172 ක් පමණි. දක්ෂ පන්දු යැවීමක නිරත වූ සොහේල් තන්වීර්, සුනිල් නරේන් සහ මොහොමඞ් ඉර්ෆාන් කඩුලු 2 බැගින් බිඳහෙළමින් කරච්චි කිංග්ස් කණ්ඩායමේ ජයග්‍රහණයේ මාවත අවහිර කළහ.  

වේගවත් පිතිහරඹයක නිරත වූ නායක සංගක්කාර පන්දු 48 කදී හයේ පහරක් සහ හතරේ පහර 8 ක් සමගින් ලකුණු 65 ක් රැස්කළද, කරච්චි කිංග්ස් කණ්ඩායම ජයග්‍රහණය කරා රැගෙන යෑමට තරම් එය ප්‍රමාණවත් නොවීය. ෂොයිබ් මලික් (39) සමග එක්ව තෙවැනි කඩුල්ල වෙනුවෙන් පන්දු 64 කදී ලකුණු 101 ක සම්බන්ධාතවක් ගොනැගීමටද සංගක්කාර සමත් වූ අතර පන්දු 30 කදී වාර්තා වූ ෂොයිබ් මලික්ගේ ඉනිමට හයේ පහර 2 ක් අන්තර්ගත විය.

සොහේල් තන්වීරගේ පන්දුවක් කඩුල්ලේ වැදීම නිසා සංගක්කාර දැවී යාමෙන් අනතුරුව කඩුලු අතර සාර්ථක සම්බන්ධතා ගොඩනැගීමට සෙසු ක්‍රීඩකයෝ අපොහොසත් වූහ. පිතිකරුවන් 6 දෙනේකම ලකුණු 10 සීමාව ඉක්මවායෑමට පෙර දැවී යාමද කරච්චි කිංග්ස් කණ්ඩායමේ පරාජයට ප්‍රධානම හේතුවක් විය.

පළමුවෙන් පන්දුවට පහරදුන් ලාහෝර් ක්වාලැන්ඩර්ස් කණ්ඩායමේ වැඩිම ලකුණු ලාභියා බවට පත් වූ ෆකාර් සාමන් පන්දු 36 කදී ලකුණු 56 ක් රැස්කළේ හයේ පහර 3 ක් සහ හතරේ පහර 5 ක්ද සමගිනි.

ජේසන් රෝයි (26) සමග එක්ව දෙවැනි කඩුල්ල වෙනුවෙන් පන්දු 23 කදී ලකුණු 45 ක සම්බන්ධතාවක් ගොඩනැගූ ෆකාර් සාමන්, ඉන් නොනැවතී උමාර් අක්මාල් (25) සමග එක්ව තෙවැනි කඩුල්ල වෙනුවෙන් පන්දු 32 කදී ලකුණු 47 ක සම්බන්ධතාවක්ද ගොඩනගමින් ක්වාලැන්ඩර්ස් කණ්ඩායමේ ලකුණු සංඛ්‍යාව ඉහළ දැමුවේය.

 

ලාහෝර් ක්වාලැන්ඩර්ස් පිල – ඕවර 20 කදී කඩුලු 8 ක් දැවී 179
(ජේසන් රෝයි 26, ෆකාර් සාමන් 56, උමාර් අක්මාල් 25, මොහොමඞ් රිස්වාන් 29, ග්‍රාන්ට් එලියට් 17, සුනිල් නරේන් 13, මොහොමඞ් අමීර් 30/2, උසාමා මීර් 35/2, සොහේල් ඛාන් 37/2)

කරච්චි කිංග්ස් පිල – ඕවර 20 කදී කඩුලු 8 ක් දැවී 172
(කුමාර් සංගක්කාර 65, ෂොයිබ් මලික් 39, සොහේල් තන්වීර් 30/2, සුනිල් නරේන් 31/2, මොහොමඞ් ඉර්ෆාන් 35/2)

 

- 036

 

තිසරලාගේ ග්ලැඩියේටර්ස් පිලට කඩුලු 7 ක ජයක්

පාකිස්තාන් සුපර් ලීග් විස්සයි20 ක්‍රිකට් තරගාවලියේ කුමාර් සංගක්කාර නායකත්වය දරණ කරච්චි කිංග්ස් කණ්ඩායමට එරෙහිව කඩුලු 7 ක ජයක් අත්කර ගැනීමට තිසර පෙරේරා ක්‍රීඩා කරන ක්වේටා ග්ලැඩියේටර්ස් කණ්ඩායම ඊයේ (11 වැනිදා) සමත් විය. ජයග්‍රහණය සඳහා ලකුණු 160 ක ඉලක්කයක් හඹාගිය කුවේටා ග්ලැඩියේටර්ස් ක්‍රීඩකයෝ පන්දු 5 ක් ඉතිරිව තිබියදී කඩුලු 3 ක් දැවී එම ඉලක්කය සපුරාගත්හ.

මුලු ලකුණු සංඛ්‍යාව 30 ක් වන විට ග්ලැඩියේටර්ස් කණ්ඩායමේ මුල් පිතිකරුවන් තිදෙනාවම පිටියෙන් ඉවත් කිරීමට සොහේල් ඛාන් සමත් විය. කෙසේ වුවත් සිව්වැනි කඩුල්ල වෙනුවෙන් පන්දු 89 කදී ලකුණු 130 නොබිඳුණ වේගවත් සම්බන්ධතාවක් ගොඩනැගූ රිලී රොසොව් (නොදැවී 76) සහ නායක සෆ්රාස් අහමඞ් (නොදැවී 56) ග්ලැඩියේටර්ස් කණ්ඩායම ජයග්‍රහණය කරා කැඳවාගෙන ගියහ.

පන්දු 53 කදී වාර්තා වූ රිලී රොසොව්ගේ අර්ධ ශතකයට හයේ පහර 3 ක් සහ හතරේ පහර 7 ක් ඇතුළත් වූ අතර පන්දු 42 කදී වාර්තා වූ සෆ්රාස් අහමඞ්ගේ අර්ධ ශතකයට හයේ පහරක් සහ හතරේ පහර 4 ක් ඇතුළත් විය.

පළමුවෙන් පන්දුවට පහරදුන් කරච්චි කිංග්ස් කණ්ඩයමේ වැඩිම ලකුණු ලාභියා බවට පත් වූ බාබර් අසාම් පන්දු 42 කදී හයේ පහරක් සහ හතරේ පහර 4 ක් සමගින් ලකුණු 50 ක් රැස්කළේය. පන්දු 22 කදී හයේ පහරක් සහ හතරේ පහරක් සමගින් ලකුණු 25 ක් ලබා සිටි නායක කුමාර් සංගක්කාර දැවී ගියේ තිසර පෙරේරාගේ පන්දුවක් හමුවේ හසන් ඛාන් අතට උඩ පන්දුවක් දෙමිනි.

කුවේටා ග්ලැඩියේටර්ස් කණ්ඩායම වෙනුවෙන් දක්ෂ පන්දු යැවීමක නිරත වූ තිසර පෙරේරා, සිය ඕවර 4 තුළදී ප්‍රතිවාදීන්ට ලකුණු 34 ක් දෙමින් සංගක්කාරට අමතරව ප්‍රබල පිතිරුවන් වන ක්‍රිස් ගේල් සහ ෂොයිබ් මලික්වද දවාගැනීමට සමත් විය.

කරච්චි කිංග්ස් පිල – ඕවර 20 කදී කඩුලු 8 ක් දැවී 159

(ෂසයිබ් හසන් 19, බාබර් අසාම් 50, කුමාර් සංගක්කාර 25, කිරන් පොලාඞ් 14, ෂොයිබ් මලික් 15, රවී බොපාරා 16, තිසර පෙරේරා 34/3, ටයිමල් මිල්ස් 21/4)

කුවේටා ග්ලැඩියේටර්ස් පිල – ඕවර 19.1 කදී කඩුලු 3 ක් දැවී 160

(රිලී රොසොව් නොදැවී 76, සෆ්රාස් අහමඞ් නොදැවී 56, සොහේල් ඛාන් 23/3)

-036