Category Archives: IPL2016

හයිද්‍රාබාද් පිල අයි. පී. එල්. ශූරතාව දිනයි

නමවැනි අයි. පී. එල්. කි‍්‍රකට් තරගාවලියේ ශූරතාව දිනාගැනීමට ඩේවිඩ් වෝනර් නායකත්වය දැරූ සන්රයිසස් හයිද්‍රාබාද් කණ්ඩායම අද (29 වැනිදා) සමත් විය. බැංගලෝර්හිදී පැවැති අවසන් මහ තරගයේදී රෝයල් චැලේන්ජර්ස් බැංගලෝර් කණ්ඩායම ලකුණු 8 කින් පරාජය කරමින් ඔවුහු එම ශූරතාවට හිමිකම් කීහ.

ජයග‍්‍රහණය සඳහා ලකුණු 209 ක ඉලක්කයක් හඹාගිය බැංගලෝර් කණ්ඩායමට නියමිත ඕවර 20 අවසානයේ කඩුලූ 7 ක් දැවී ලබාගත හැකි වූයේ ලකුණු 200 ක් පමණි. පළමු කඩුල්ල වෙනුවෙන් පන්දු 63 කදී ලකුණු 114 ක සම්බන්ධතාවක් ගොඩනැගීමට කි‍්‍රස් ගේල් (76) සහ නායක විරාට් කෝලි (54) සමත් වුවත් බැංගලෝර් කණ්ඩායම ජයග‍්‍රහණය කරා රැගෙන යෑමට තරම් එය ප‍්‍රමාණවත් නොවීය.

පන්දු 38 කින් වාර්තා වූ ගේල්ගේ ප‍්‍රවේගකාරී ඉනිමට හයේ පහර 8 ක් සහ හතරේ පහර 4 ක් ඇතුළත් වූ අතර පන්දු 35 කදී වාර්තා වූ කෝලිගේ හත්වැනි අර්ධ ශතකයට හයේ පහර 2 ක් සහ හතරේ පහර 5 ත් අන්තර්ගත විය.

හයිද්‍රාබාද් කණ්ඩායමේ සාර්ථකම පන්දුයවන්නා වූ බෙන් කටින් ඕවර 4 ක් යවා ලකුණු 35 කට කඩුලු 2 ක් දවාගනිමින් තරගයේ වීරයා බවට පත් වූ අතර තරග 16 කදී ලකුණු 973 ක් ලබාගත් විරාට් කෝලි තරගාවලියේ වීරයා බවට පත් විය.

කාසියේ වාසිය දිනා පළමුවෙන් පන්දුවට පහරදුන් හයිද්‍රාබාද් කණ්ඩායම නියමිත ඕවර 20 අවසානයේ කඩුලූ 7 ක් දැවී ලකුණු 208 ක් ලබාගත්තේය. එය අයි. පී. එල්. තරගාවලියක අවසන් මහ තරගයකදී කණ්ඩායමක් රැස්කළ ඉහළම ලකුණු සංඛ්‍යාව විය. 

වේගවත් ඉනිමක් කී‍්‍රඩා කළ නායක ඩේවිඩ් වෝනර් පන්දු 38 කදී හයේ පහර 3 ක් සහ හතරේ පහර 8 ක් සමග ලකුණු 69 ක් රැස්කරමින් හයිද්‍රාබාද් කණ්ඩායමට වේගවත් ආරම්භයක් ලබාදුන්නේය.

ශිකර් ධවාන් (28) සමග එක්ව හයිද්‍රාබාද් කණ්ඩායමේ පළමු කඩුල්ල වෙනුවෙන් පන්දු 40 කදී ලකුණු 63 ක සම්බන්ධතාවක් ගොඩනැගීමටද වෝනර් සමත් විය. පන්දු 25 කදී වාර්තා වූ ධවාන්ගේ ඉනිමට හයේ පහරක් සහ හතරේ පහර 3 ක් ඇතුළත් විය.

පන්දු 23 කදී හයේ පහර 2 ක් සහ හතරේ පහර 4 ක් සමගින් ලකුණු 38 ක් රැස්කිරීමට යුවරාජ් සිං සමත් වූ අතර අවසන් ඕවර කිහිපයේදී වේගවත් පිතිහරඹයක නිරත වූ බෙන් කටින් පන්දු 15 කදී නොදැවී ලකුණු 39 ක් රැස්කළේ හයේ පහර 4 ක් සහ හතරේ පහර 3 ක් සමගිනි.

දක්ෂ පන්දුයැවීමක නිතර වූ කි‍්‍රස් ජෝදාන් ලකුණු 45 කට කඩුලූ 3 ක් දවාගත් අතර ශ්‍රීනාත් අරවින්ද් ලකුණු 30 කට කඩුලූ 2 ක් දවාගත්තේය.

රෝයල් චැලේන්ජර්ස් බැංගලෝර් කණ්ඩායමේ වේගපන්දු යවන කී‍්‍රඩක ෂේන් වොට්සන් මෙම තරගයේදී ඉතා දරුණු පහර කෑමකට ලක්වූ අතර ඔහුගේ  ඕවර හතරේදී ලකුණු 61 රැස්කිරීමට හයිද්‍රාබාද් කණ්ඩායමේ පිතිකරුවෝ සමත් වූහ. එය අයි. පී. එල්. ඉතිහාසයේ අවසන් මහ තරගයකදී පන්දුයවන්නෙකු ප‍්‍රතිවාදීන්ට ලබාදුන් වැඩිම ලකුණු සංඛ්‍යාව ලෙසද වාර්තා අතරට එක්විය.

 

සන්රයිසස් හයිද්‍රාබාද් කණ්ඩායම –  ඕවර 20 කදී කඩුලූ 7 කට 208
(ඩේවිඩ් වෝනර් 69, ශිකර් ධවාන් 28, යුවරාජ් සිං 38, බෙන් කටින් නොදැවී 39, කි‍්‍රස් ජෝදාන් 45/3, ශ්‍රීනාත් අරවින්ද් 30/2)

රෝයල් චැලේන්ජර්ස් බැංගලෝර් කණ්ඩායම –  ඕවර 20 කදී කඩුලූ 7 කට 200
(කි‍්‍රස් ගේල් 76, විරාට් කෝලි 54, සචින් බේබි 18, බෙන් කටින් 35/2)

 

- 036

 

 

බැංගලෝර් පිල තුන්වැනි උත්සාහයට සැරසෙයි


දෙවරක්ම අසාර්ථක වූ උත්සහය මෙවර සාර්ථක කරගැනීමේ අදිටනින් රෝයල් චැලෙන්ජර්ස් බැංගලෝර් කණ්ඩායම හෙට (29 වැනිදා) බැංගලෝර්හිදී පැවැත්වෙන අයි. පී. එල්. තරගාවලියේ අවසන් මහ තරගයේදී සන්රයිසස් හයිද්‍රාබාද් කණ්ඩායමට එරෙහිව තරග බිමට පිවිසෙයි.

2009 වසරේදී ඩෙකෑන් චාජර්ස් කණ්ඩායම හමුවේ ලකුණු 6 කින් පරාජය වීමත්, 2011 වසරේදී චෙන්නායි සුපර් කිංග්ස් කණ්ඩායම හමුවේ ලකුණු 58 කින් පරාජය වීමත් නිසා රෝයල් චැලෙන්ජර්ස් බැංගලෝර් කණ්ඩායමට මින් පෙර අයි. පී. එල්. ශූරතාව දිනාගැනීමට තිබූ අවස්ථා මගහැරී ගියේය.

මෙවර තරගාවලියේ මුල් භාගයේදී ප‍්‍රසාද ලකුණු සටහනේ අවසන් කණ්ඩායම් 3 අතර රැදී සිටි රෝයල් චැලෙන්ජර්ස් බැංගලෝර් කණ්ඩායම අවසන් මහ තරගය දක්වා ගෙන ඒමට නායක විරාට් කෝලි පුරෝගාමී විය. ශතක 4 ක් සහ අර්ධ ශතක 6 ක් සමග වාර්තාගත ලකුණු 919 ක් රැස්කරමින් ඔහු තරගයෙන් තරගය සිය කණ්ඩායම ප‍්‍රසාද ලකුණු සටහනේ ඉදිරියට රැගෙන ආවේය.

එහිදී කෝලිට අගනා සහයක් දුන් ඒ. බී. ඩිවිලියර්ස් ශතකයක් සහ අර්ධ ශතක 6 ක් සමගින් ලකුණු 682 ක් ලබා මෙවර තරගාවලියේ වැඩිම ලකුණු ලාභීන්ගේ ලැයිස්තුවේ තෙවැනි ස්ථානයට පත්ව සිටියි. ප‍්‍රසාද ලකුණු සටහනේ පෙරමුණේ රැදී සිටි ගුජරාට් ලයන්ස් කණ්ඩායමට එරෙහිව පැවැති ඉතාමත් තීර්ණාත්මක වූ පළමු අවසන් පූර්ව තරගයේදී කෝලි ලකුණු නොලබා දැවී ගියේය. එහිදී ලකුණු පුවරුව ලකුණු 29 කට කඩුලූ 5 ක් ලෙස සටහන් වූ අවස්ථාවක  කණ්ඩායමේ බර තම කර මතට ගෙන, පසු පෙළ පිතිකරුවන් සමග එක්ව ලකුණු 159 ක ඉලක්කයක් හඹාගොස් බැංගලෝර් කණ්ඩායම අවසන් මහ තරගයට ගෙන ආවේද ඩිවිලියර්ස්ය.

යුස්වින්දර් චාහල් දඟ පන්දුයැවීමෙන් දැක්වූ දස්කම් සහ ෂේන් වොට්සන් වේග පන්දුයැවීමෙන් දැක්වූ දස්කම්ද බැංගලෝර් කණ්ඩායමේ අවසන් මහ තරගය දක්වා පැමිණි ගමන් මග එළිපෙහෙලි කරලීමට මනා දායකත්වයක් සැපයීය. එම දස්කම් හේතුවෙන් යුස්වින්දර් චාහල් තරග 12 කදී කඩුලූ 20 ක් ලබා වැඩිම කඩුලූ ලාභීන්ගේ ලැයිස්තුවේ දෙවැනි ස්ථානයේ පසුවන අතර ෂේන් වොට්සන් තරග 15 කදී කඩුලූ 20 ක් ලබා එම ලැයිස්තුවේ තෙවැනි ස්ථානයේ පසුවේ.

පළමු වරට අවසන් අයි. පී. එල්. තරගාවලියක අවසන් මහ තරගයට සහභාගි වන සන්රයිසස් හයිද්‍රාබාද් කණ්ඩායම ඒ දක්වා රැගෙන එ්මේ පූර්ණ ගෞරවය නායක ඬේවිඞ් වෝනර් සහ බුවනේෂ්වර් කුමාර් අතරේ සම සමව බෙදී යනු ඇත. ආරම්භක පිතිකරු භූමිකාවට පණ පොවන ඬේවිඞ් වෝනර් තරග 16 කදී අර්ධ ශතක 8 ක් සමග ලකුණු 779 ක් රැස්කරමින්ද, වේග පන්දුයවන කී‍්‍රඩක බුවනේෂ්වර් කුමාර් තරග 16 කදී කඩුලූ 23 ක් දවාගනිමින්ද හයිද්‍රාබාද් කණ්ඩායම අවසන් මහ තරගය කරා රැගෙන යෑමට මග පෑදුහ.

මූලික වටයේ තරග අවසානයේ ප‍්‍රසාද ලකුණු සටහනේ තෙවැනි ස්ථානයේ පසු වූ හයිද්‍රාබාද් කණ්ඩායම දෙවැනි අවසන් පූර්ව තරගයට සුදුසුකම් ලබාගැනීමේ තරගයේදී දෙවරක් අයි. පී. එල්. ශූරතාව දිනා සිටි (2012 සහ 2014 වසර වලදී) කොල්කටා නයිට් රයිඩර්ස් කණ්ඩායම පරාජය කළේය. ඉන් පසුව දෙවැනි අවසන් පූර්ව තරගයේදී ප‍්‍රසාද ලකුණු සටහනේ පෙරමුණේ රැදී සිටි ගුජරාට් ලයන්ස් කණ්ඩායමට නොසිතූ විරූ පරාජයක් අත්කර දෙමින් හයිද්‍රාබාද් කණ්ඩායම අවසන් මහ තරගයට සුදුසුකම් ලබාගත්තේය.

එම තරගයේදී නායකත්වයේ ඉනිමක් කී‍්‍රඩා කළ ඬේවිඞ් වෝනර්, සෙසු පිතිකරුවන් එකා පිට එකා දැවී යද්දී පන්දු 58 කින් නොදැවී ලකුණු 93 ක් රැස්කරමින් පසුපෙළ නවක පිතිකරුවකු වන බිපුල් ශර්මා සමග එක්ව හයිද්‍රාබාද් කණ්ඩායම අවසන් මහ තරගය කරා රැගෙන ගියේය.

ආරම්භක පිතකරු ශිකර් ධවාන් තරග 16 කදී අර්ධ ශතක 4 ක් සමගනින් රැස්කළ ලකුණු 473 සහ වේග පන්දුයවන කී‍්‍රඩක මුස්තෆිසුර් රෙහෙමාන් තරග 15 කදී දවාගත් කඩුලූ 16 ද හයිද්‍රාබාද් කණ්ඩායම අවසන් මහ තරගය පැමිණි ගමනට මනා අඩිතාලමක් විය.  

තරගාවලියේ මූලික වටයේදී මෙම කණ්ඩායම් දෙක අතර පැවැති තරග දෙකෙන් පළමු තරගයේදී ලකුණු 45 ක ජයක් අත්කරගැනීමට රෝයල් චැලෙන්ජර්ස් බැංගලෝර් කණ්ඩායම සමත් වූ අතර දෙවැනි තරගයේදී ලකුණු 15 ක ජයක් අත්කරගැනීමට සන්රයිසස් හයිද්‍රාබාද් කණ්ඩායම සමත් විය.

එම තරග දෙකේදීම බැංගලෝර් කණ්ඩායමට එරෙහිව අර්ධ ශතක ලබාගැනීමට හයිද්‍රාබාද් කණ්ඩායමේ නායක ඬේවිඞ් වෝනර් (58 සහ 92) සමත් වූ අතර කේන් විලියම්සන් (50) දෙවැනි තරගයේදී අර්ධ ශතකයක් ලබාගත්තේය. හයිද්‍රාබාද් කණ්ඩායමට එරෙහිව පළමු තරගයේදී අර්ධ ශතක ලබාගැනීමට බැංගලෝර් කණ්ඩායමේ නායක විරාට් කෝලි (75) සහ ඒ. බී. ඩිවිලියස් (82) සමත් වූ අතර ලෝකේෂ් රාහුල් (51) දෙවැනි තරගයේදී අර්ධ ශතකයක් ලබාගත්තේය.

ඒ අනුව බලන කල මෙවර අයි. පී. එල්. තරගාවලියේ ශූරතාව කණ්ඩායම් දෙකටම විවෘතව පවතින අතර මේ දක්වා කී‍්‍රඩකයන් දක්වා ඇති දක්ෂතා අතින්ද කණ්ඩායම් දෙක සමබර තත්ත්වයක පවතී. අවසන් මහ තරගයේදී කණ්ඩායම් දෙක නියෝජනය කිරීමට වැඩි ඉඩක් ඇති කී‍්‍රඩකයන්ගේ නම් ලැයිස්තුව පහත දැක්වේ.


රෝයල් චැලෙන්ජර්ස් බැංගලෝර් කණ්ඩායම -

විරාට් කෝලි (නායක), ක‍්‍රිස් ගේල්, ඒ. බී. ඩිවිලියස්, ලෝකේෂ් රාහුල්, ෂේන් වොට්සන්, ස්ටුවට් බිනී, සචින් බේබි, කි‍්‍රස් ජෝදාන්, ඉක්බාල් අබ්දුල්ලා, එස්. අරවින්ද් සහ යුස්වින්දර් චාහල්


සන්රයිසස් හයිද්‍රාබාද් කණ්ඩායම -
ඬේවිඞ් වෝනර් (නායක), ශිකර් ධවාන්, මොයිසස් හෙන්රික්ස්, යුවරාජ් සිං, දීපක් හූඩා, බෙන් කටින්, නාමන්  ඕජා, බුවනේෂ්වර් කුමාර්, බිපුල් ශර්මා, බරින්දර් ස‍්‍රාන් සහ මුස්තෆිසුර් රෙහෙමාන් හෝ ටෙ‍්‍රන්ට් බෝල්ට්


- 036

 

කෝලි – බුවනේෂ්වර් අතර තරගයක්

රෝයල් චැලෙන්ජර්ස් බැංගලෝර් කණ්ඩායම සහ සන්රයිසස් හයිද්‍රාබාද් කණ්ඩායම අතර හෙට (29 වැනිදා) බැංගලෝර්හිදී පැවැත්වෙන අයි. පී. එල්. තරගාවලියේ අවසන් මහ තරගය මෙම තරගාවලියේ දක්‍ෂතම පිතිකරුවා සහ දක්‍ෂතම පන්දු යවන්නා අතර පැවැත්වෙන තරගයක් බවට පත්වී තිබේ.

අයි. පී. එල්. තරග 15 කදී ලකුණු 919 ක් ලබා සිටින බැංගලෝර් කණ්ඩායමේ නායක විරාට් කෝලි, තරගාවලියේ වැඩිම ලකුණු ලාභියා බවට පත්ව සිටින අතර තරග 16 කදී කඩුලූ 23 ක් ලබා සිටින හයිද්‍රාබාද් කණ්ඩායමේ වේග පන්දුයවන කී‍්‍රඩක බුවනේෂ්වර් කුමාර් තරගාවලියේ වැඩිම කඩුලූ ලාභියා පත්ව සිටියි.

ශතක 4 ක් සහ අර්ධ ශතක 6 ක් සමගින් කෝලි එම ලකුණු සංඛ්‍යාව රැස්කරගෙන ඇති අතර හයේ පහර 36 කින් සහ හතරේ පහර 78 කින් ඔහු එය අලංකාර කරගෙන තිබේ. කිංග්ස් XI පන්ජාබ් කණ්ඩායමට එරෙහිව ලබාගත් ලකුණු 113 කෝලි එක් ඉනිමකදී ලබාගත් ඉහළම ලකුණු සංඛ්‍යාව වන අතර ඔහුගේ පන්දුවට පහරදීමේ වේගය 151.90 ක් ලෙස සටහන් වේ.

නිලකුණු  ඕවර 3 ක් සමගින් ඕවර 62 ක් යවා ප‍්‍රතිවාදීන්ට ලකුණු 465 ක් පිරිනමමින් බුවනේෂ්වර් කුමාර් කඩුලූ 23 ක් දවාගෙන ඇති අතර ලකුණු 29 කට කඩුලූ 4 ක් දවාගැනීම ඔහුගේ හොඳම පන්දුයැවීම ලෙස සටහන් වේ.

බුවනේෂ්වර්ගේ කඩුල්ලක් දවාගැනීමේ සාමාන්‍ය දැක්වෙන්නේ 20.21 ක් ලෙසනි.

තරගාවලියේ මූලික වටයේදී මෙම කණ්ඩායම් දෙක අතර පැවැති තරග දෙකෙන් පළමු තරගය ජය ගැනීමට රෝයල් චැලෙන්ජර්ස් බැංගලෝර් කණ්ඩායම සමත් වූ අතර දෙවැනි තරගය ජය ගැනීමට සන්රයිසස් හයිද්‍රාබාද් කණ්ඩායම සමත් විය.

ඉන් පළමු තරගයේදී බුවනේෂ්වර් කුමාර්ගේ පන්දු 7 කට මුහුණදුන් විරාට් කෝලිට එහිදී රැස්කරගත හැකිවූයේ ලකුණු 11 ක් පමණි. එම තරගයේදී ඔහු දැවි ගියේද බුවනේෂ්වර් කුමාර්ගේ පන්දුවක් කඩුල්ලේ වැදීමෙනි. එම තරගයේදී ලකුණු 75 ක් රැස්කිරීමට කෝලි සමත් වූ අතර අතර  ඕවර 4 ක් යවා ලකුණු 55 කට කඩුලූ 2 ක් දවාගැනීමට බුවනේෂ්වර් සමත් විය.

දෙවැනි තරගයේදී බුවනේෂ්වර්ගේ පන්දු 5 කට මුහුණදුන් කෝලිට එහිදී රැස්කරගත හැකිවූයේ ලකුණු 3 ක් පමණි. එම තරගයේදී කෝලි ලකුණු 14 කට දැවී ගිය අතර බුවනේෂ්වර් ඕවර 4 ක් යවා ලකුණු 36 කට කඩුල්ලක් දවාගත්තේය.

අවසන් මහ තරගයේදී තවත් ලකුණු 81 ක් රැස්කිරීමට කෝලි සමත් වුවහොත් ඔහු අයි. පී. එල්. ඉතිහාසයේ එක් තරගමාලාවකදී ලකුණු 1000 සීමාව ඉක්මවා ගිය පළමු කි‍්‍රඩකයා බවට පත්වනු ඇත.

කෙසේ වුවත් මූලික වටයේ පැවැති තරග දෙකේදී මෙන්ම මෙම තරගයේදීද බුවනේෂ්වර්ගේ පන්දු ඉදිරියේ අසාර්ථක වුවහොත් කෝලිට ලකුණු 1000 සීමාව කරා යෑමේ අවස්ථාව මගහැරී යනු ඇත.


- 036

 

වෝනර් හයිද්‍රාබාද් පිල අවසන් තරගයට රැගෙන යයි

ඬේවිඞ් වෝනර්ගේ නායකත්වයේ ඉනිම නිසා අයි. පී. එල්. කි‍්‍රකට් තරගාවලියේ අවසන් මහ තරගයට සුදුසුකම් ලබාගැනීමට සන්රයිසස් හයිද්‍රාබාද් කණ්ඩායම අද (27 වැනිදා) සමත් විය.

 

අවසන් මහ තරගයට සුදුසුකම් ලබාගැනීම සඳහා දිල්ලිහිදී පැවැති දෙවැනි තරගයේදී ගුජරාට් ලයන්ස් කණ්ඩායම කඩුලූ 4 කින් පරාජය කරමින් හයිද්‍රාබාද් කණ්ඩායම අවසන් මහ තරගයට පිවිසියේය.

ජයග‍්‍රහණය සඳහා ලකුණු 163 ක ඉලක්කයක් හඹාගිය හයිද්‍රාබාද් කණ්ඩායම පන්දු 4 ක් ඉතිරිව තිබියදී කඩුලූ 6 ක් දැවී එම ඉලක්කය පසුකර ගියේය. නායකත්වයේ ඉනිමක් කී‍්‍රඩා කළ ඩේවිඞ් වෝනර් පන්දු 58 කදී හයේ පහර 3 ක් සහ හතරේ පහර 11 ක් සමගින් නොදැවී ලකුණු 93 ක් රැස්කළේය.

සෙසු පිතිකරුවන් එකා පිට එකා දැවී යද්දී එක් අන්තයක් රැකගෙන පන්දුවට පහරදුන් ඩේවිඞ් වෝනර්, බිපුල් ශර්මා (නොදැවී 27) සමග එක්ව 7 වැනි කඩුල්ල වෙනුවෙන් පන්දු 21 කදී ලකුණු 48 ක නොබිඳුණ සම්බන්ධතාවක් ගොඩනගමින් හයිද්‍රාබාද් කණ්ඩායම ජයග‍්‍රහණය කරා රැගෙන ගියේය. පන්දු 11 කදී වාර්තා වූ බිපුල් ශර්මාගේ ඉනිමට හයේ පහර 3 ක් ඇතුළත් විය.

පළමුවෙන් පන්දුවට පහරදුන් ගුජරාට් ලයන්ස් ගුජරාට් ලයන්ස් කණ්ඩායමේ වැඩිම ලකුණු ලාභියා බවට පත්වූ ඒරන් ෆින්ච් පන්දු 32 කදී ලකුණු 50 ක් රැස්කළේ හයේ පහර 2 ක් සහ හතරේ පහර 7 ක් සමගිනි. රවින්ද්‍ර ජදේජා (නොදැවී 19) සමග එක්ව ගුජරාට් කණ්ඩායමේ 6 වැනි කඩුල්ල වෙනුවෙන් පන්දු 29 කදී ලකුණු 51 ක සම්බන්ධතාවක් ගොඩනැගීමටද ඒරන් ෆින්ච් සමත් විය.

ගුජරාට් ඉනිමේ අවසන්  ඕවර කිහිපයේදී පන්දු 10 කින් ලකුණු 20 ක් රැස්කිරීමට ඞ්වේන් බ‍්‍රාවෝ සමත් වූ අතර ඔහුගේ ඉනිමට හතරේ පහර 4 ක් ඇතුළත් විය.

ආරම්භක පිතිකරු බ්‍රෙන්ඩන් මැකලම් පන්දු 29 කදී හතරේ පහර 5 ක් සමගින් ලකුණු 32 ක් රැස්කළ අතර දිනේෂ් කාර්තික් පන්දු 19 කදී හයේ පහරක් සහ හතරේ පහර 4 ක් සමගින් ලකුණු 26 ක් රැස්කළේය.

සන්රයිසස් හයිද්‍රාබාද් කණ්ඩායම වෙනුවෙන් කඩුලූ 2 බැගින් දවාගැනීමට බුවනේෂ්වර් කුමාර් සහ බෙන් කටිං සමත් වූහ.

කාසියේ වාසිය දිනූ සන්රයිසස් හයිද්‍රාබාද් කණ්ඩායම පළමුවෙන් පන්දුවට පහරදීම සඳහා ගුජරාට් ලයන්ස් කණ්ඩායමට ආරාධනා කර සිටියේය.

 

ගුජරාට් ලයන්ස් කණ්ඩායම –  ඕවර 20 කදී කඩුලූ 7 ක් දැවී 162
(බ්‍රෙන්ඩන් මැකලම් 32, දිනේෂ් කාර්තික් 26, ඒරන් ෆින්ච් 50, රවින්ද්‍ර ජදේජා නොදැවී 19, ඞ්වේන් බ‍්‍රාවෝ 20, බෙන් කටිං 20/2, බුවනේෂ්වර් කුමාර් 27/2)

සන්රයිසස් හයිද්‍රාබාද් කණ්ඩායම –  ඕවර 19.2 කදී කඩුලූ 6 ක් දැවී 163
(ඬේවිඞ් වෝනර් නොදැවී 93, බිපුල් ශර්මා නොදැවී 27, ශිවිල්  කෞෂික් 22/2, ඞ්වේන් බ‍්‍රාවෝ 32/2)
 


- 036

 

 

 

හයිද්‍රාබාද් පිලට ලකුණු 22 ක ජයක්

අයි.පී.එල් ක‍්‍රිකට් තරගාවලියේ දිල්ලි හිදී පැවැති අවසන් තරගයට සුදුසුකම් ලබාගැනීමේ තරග වටයේ තරගයකදී කොල්කටා නයිට් රයිඩර්ස් පිලට එරෙහිව ලකුණු 22 ක ජයක් අත්කර ගැනීමට සන්රයිසස් හයිද්‍රාබාද් පිල අද (25 වැනිදා) සමත්විය.


ලකුණු 163 ක ඉලක්කයක් හඹාගිය කොල්කටා නයිට් රයිඩර්ස් පිලට  ඕවර 20 අවසානයේදී කඩුලූ 8 ක් දැවී රැුස්කිරීමට හැකිවූයේ ලකුණු 140 ක් පමණි.


පන්දු 28 කදී ලකුණු 36 ක් රැස්කළ මනීෂ් පාන්ඬේ කොල්කටා නයිට් රයිඩර්ස් පිල වෙනුවෙන් වැඩිම ලකුණු රැුස් කළ පිතිකරුවා බවට පත්වූයේය.


දක්ෂ පන්දු යැවීමක නිරතවූ බුවනේෂ්වර් කුමාර්  ඕවර 4 කදී ලකුණු 19 කට කඩුලූ 3 ක් සහ මොයිසස් හෙන්රිකස්  ඕවර 3 කදී ලකුණු 17 කට කඩුලූ 2 ක් දවාගැනීමට සමත්වූහ.


පිත්තෙන් මෙන්ම පන්දුවෙන්ද දස්කම් දැක්වූ මොයිසස් හෙන්රිකස් තරගයේ වීරයාට හිමි සම්මානය දිනා ගත්තේය.


සන්රයිසස් හයිද්‍රාබාද් පිලේ දෙවැනි කඩුල්ල සදහා පන්දු 46 කදී ලකුණු 59 ක සම්බන්ධතාවයක් පැවැත්වීමට නායක ඬේවිඞ් වෝනර් (28) සහ මොයිසස් හෙන්රිකස් (31) සමත්වූහ.


පන්දු 30 කදී හතරේ පහර 8 ක් සහ හයේ පහරක් සමගින් ලකුණු 44 ක් රැුස්කළ යුවරාජ් සිං හයිද්‍රාබාද් පිලේ වැඩිම ලකුණු ලාභියා බවට පත්විය.


කුල්දීප් යාදව්  ඕවර 4 ක් යවමින් ලකුණු 35 කට කඩුලූ 3 ක් දවාගනිමින් පන්දුවෙන් දස්කම් දැක්වීය.


කාසියේ වාසිය දිනාගත් කොල්කටා නයිට් රයිඩර්ස් පිලේ නායක ගෞතම් ගාම්බීර් පළමුව පන්දු යැවීමට තීරණය කළේය.

 

සන්රයිසස් හයිද්‍රාබාද් –  ඕවර 20 කදී කඩුලූ 8 ක් දැවී 162
(ඬේවිඞ් වෝනර් 28, මොයිසස් හෙන්රිකස් 31, යුවරාජ් සිං 44, දීපක් හූඩා 21, කුල්දීප් යාදව් 35/3, මෝර්න් මෝකල් 31/2, ජේසන් හෝල්ඩර් 33/2)


කොල්කටා නයිට් රයිඩර්ස් –  ඕවර 20 කදී කඩුලූ 8 ක් දැවී 140  
(ගෞතම් ගාම්බීර් 28, මනීෂ් පාන්ඬේ 36, සූර්යකුමාර් යාදව් 23, බුවනේෂ්වර් කුමාර් 19/3, මොයිසස් හෙන්රිකස් 17/2)

 

කෝලි බැංගලෝර් පිල ඔසවා තබයි

අයි. පී. එල්. කි‍්‍රකට් තරගාවලියේ 56 වැනි තරගය ලෙස දිල්ලි ඩෙයාර් ඩෙවිල්ස් කණ්ඩායම සහ රෝයල් චැලේන්ජර්ස් බැංගලෝර් කණ්ඩායම අතර රායිපූහිදී පැවැති තරගයෙන් කඩුලූ 6 ජයක් අත්කරගැනීමට රෝයල් චැලේන්ජර්ස් බැංගලෝර් කණ්ඩායම සමත් විය. මෙම ජයග්‍රහණයත් සමග ප්‍රසාද ලකුණු සටහනේ දෙවැනි ස්ථානය දක්වා ඉහළ නැගීමටද බැංගලෝර් කණ්ඩායමට හැකිවිය.

 

ජයග‍්‍රහණය සඳහා ලකුණු 139 ක ඉලක්කයක් හඹාගිය බැංගලෝර් කී‍්‍රඩකයෝ පන්දු 11 ක් ඉතිරිව තිබියදී කඩුලූ 4 ක් පමණක් දැවී එම ඉලක්කය පසුකර ගියහ.

ආරම්භක පිතිකරු ලෙස පිටියට පිවිස පන්දු 45 කදී නොදැවී ලකුණු 54 ක් රැස්කළ නායක විරාට් කෝලි බැංගලෝර් කණ්ඩායම ජයග‍්‍රහණය කරා රැගෙන ගියේය. මෙවර තරගාවලියේදී කෝලි ලබාගත් 7 වැනි අර්ධ ශතකය මෙය වන අතර ඊට හතරේ පහර 6 ත් ඇතුළත් විය.

ලෝකේෂ් රාහුල් (38) සමග එක්ව තෙවැනි කඩුල්ල වෙනුවෙන් පන්දු 45 කදී ලකුණු 66 ක සම්බන්ධතාවක් ගොඩනැගීමටද කෝලි සමත් විය. පන්දු 23 කදී වාර්තා වූ ලෝකේෂ් රාහුල්ගේ ඉනිමට හයේ පහරක් සහ හතරේ පහර 4 ක් ඇතුළත් විය.

පළමුවෙන් පන්දුවට පහරදුන් දිල්ලි ඩෙයාර් ඩෙවිල්ස් කණ්ඩායමේ වැඩිම ලකුණු ලාභියා බවට පත්වූ ආරම්භක පිතිකරු ක්වින්ටින් ඩිකොක් පන්දු 52 කදී හයේ පහරක් සහ හතරේ පහර 5 ක් සමගින් ලකුණු 60 ක් රැස්කළේය.

දිල්ලි ඉනිමේ අවසන්  ඕවර කිහිපයේදී වේගයෙන් පන්දුවට පහරදුන් කි‍්‍රස් මොරිස් පන්දු 18 කදී නොදැවී ලකුනු 27 ක් රැස්කළේ හතරේ පහර 3 ක් සමගිනි.

දක්ෂ පන්දුයැවීමක නිරත වූ යුස්වින්දර් චාහල්  ඕවර 4 ක් යවා ලකුණු 32 කට කඩුලූ 3 ක් දවාගත් අතර කි‍්‍රස් ගේල් ලකුණු 11 කට කඩුලූ 2 ක් දවාගත්තේය.

කාසියේ වාසිය දිනූ රෝයල් චැලේන්ජර්ස් බැංගලෝර් කණ්ඩායම පළමුවෙන් පන්දුවට පහරදීම සඳහා දිල්ලි ඩෙයාර් ඩෙවිල්ස් කණ්ඩායමට ආරාධනා කර සිටියේය.

දිල්ලි ඩෙයාර් ඩෙවිල්ස් කණ්ඩායම –  ඕවර 20 කදී කඩුලූ 8 කට 138
(ක්වින්ටින් ඩිකොක් 60, සංජු සැම්සන් 17, කි‍්‍රස් මොරිස් නොදැවී 27, යුස්වින්දර් චාහල් 32/3, කි‍්‍රස් ගේල් 11/2)

රෝයල් චැලේන්ජර්ස් බැංගලෝර් කණ්ඩායම –  ඕවර 18.1 කදී කඩුලූ 4 කට 139  
(විරාට් කෝලි නොදැවී 54, ලෝකේෂ් රාහුල් 38, ෂේන් වොට්සන් 14, ස්ටුවට් බිනි නොදැවී 16)
 
-036

 

කොල්කටා පිලට ලකුණු 22 ක ජයක්

අයි. පී. එල්. කි‍්‍රකට් තරගාවලියේ 55 වැනි තරගය වූ කොල්කටා නයිට් රයිඩර්ස් කණ්ඩායම සහ සන්රයිසස් හයිද්‍රාබාද් කණ්ඩායම අතර කොල්කටාහිදී පැවැති තරගයෙන් ලකුණු 22 ක ජයක් අත්කර ගැනීමට කොල්කටා නයිට් රයිඩර්ස් කණ්ඩායම සමත් විය.

 

ජයග‍්‍රහණය සඳහා ලකුණු 172 ක ඉලක්කයක් හඹාගිය සන්රයිසස් හයිද්‍රාබාද් කණ්ඩායමට නියමිත  ඕවර 20 අවසානයේ කඩුලූ 8 ක් දැවී රැස්කරගත හැකිවූයේ ලකුණු 149 ක් පමණි.

හයිද්‍රාබාද් කණ්ඩායමේ වැඩිම ලකුණු ලාභියා බවට පත්වූ ශිකර් ධවාන් පන්දු 30 කදී 51 ක් රැස්කළේ හයේ පහර 3 ක් සහ හතරේ පහර 4 ක් සමගිනි.

දක්ෂ පන්දුයැවීමක නිරත වූ සුනිල් නරේන්  ඕවර 4 ක් යවා ලකුණු 26 කට කඩුලූ 3 ක් දවාගත් අතර ඔහුට අගනා සහයක් ලබාදුන් කුල්දීප් යාදව් ලකුණු 28 කට කඩුලූ 2 ක් දවාගත්තේය.

පළමුවෙන් පන්දුවට පහරදුන් කොල්කටා නයිට් රයිඩර්ස් කණ්ඩායම වෙනුවෙන් වේගවත් පිතිහරඹයක නිරත වූ යූසෆ් පතන් පන්දු 34 කදී හයේ පහර 2 ක් සහ හතරේ පහර 3 සමගින් නොදැවී 52 ක් රැස්කළේය.

මනීෂ් පාණ්ඬේ (48) සමග එක්ව සිව්වැනි කඩුල්ල වෙනුවෙන් පන්දු 49 කදී ලකුණු 87 ක සම්බන්ධතාවක් ගොඩනැගීමටද පතන් සමත් විය. පන්දු 30 කදී වාර්තා වූ මනීෂ් පාණ්ඬේගේ ඉනිමට හයේ පහර 3 ක් සහ හතරේ පහර 2 ත් ඇතුළත් විය.

පන්දු 17 කදී හතරේ පහර 4 ක් සමගින් ලකුණු 25 ක් රැස්කළ රොබින් උතප්පා කොල්කටා කණ්ඩායමට සාර්ථක ආරම්භයක් ලබාදුන්නේය.

සන්රයිසස් හයිද්‍රාබාද් කණ්ඩායම වෙනුවෙන් කඩුලූ 2 බැගින් දවාගැනීමට දීපක් හූඩා සහ බුවනේෂ්වර් කුමාර් සමත් වූහ.

කාසියේ වාසිය දිනූ සන්රයිසස් හයිද්‍රාබාද් කණ්ඩායම පළමුවෙන් පන්දුවට පහරදීම සඳහා කොල්කටා නයිට් රයිඩර්ස් කණ්ඩායමට ආරාධනා කර සිටියේය.

කොල්කටා නයිට් රයිඩර්ස් කණ්ඩායම –  ඕවර 20 කදී කඩුලූ 6 කට 171
(රොබින් උතප්පා 25, ගෞතම් ගම්භීර් 16, මනීෂ් පාණ්ඬේ 48, යූසෆ් පතන් නොදැවී 52, දීපක් හූඩා 16/2, බුවනේෂ්වර් කුමාර් 31/2)

සන්රයිසස් හයිද්‍රාබාද් කණ්ඩායම –  ඕවර 20 කදී කඩුලූ 8 කට 149
(ශිකර් ධවාන් 51, ඬේවිඞ් වෝනර් 18, නාමන්  ඕජා 15, යුවරාජ් සිං 19, සුනිල් නරේන් 26/3, කුල්දීප් යාදව් 28/2)

 

- 036

 

 

 

ගුජරාට් ලයන්ස් පිල අංක 1 ට එයි

අයි. පී. එල්. කි‍්‍රකට් තරගාවලියේ 54 වැනි තරගය ලෙස මුම්බායි ඉන්දියන්ස් කණ්ඩායම සහ ගුජරාට් ලයන්ස් කණ්ඩායම අතර කාන්පූර්හිදී පැවැති තරගයෙන් කඩුලූ 6 ක ජයක් අත්කරගැනීමට ගුජරාට් ලයන්ස් කණ්ඩායම සමත් විය. මෙම ජයග‍්‍රහණයත් සමග ප‍්‍රසාද ලකුණු සටහනේ පෙරමුණට පැමිණීමටද ගුජරාට් ලයන්ස් කණ්ඩායමට හැකි විය.

 

ජයග‍්‍රහණය සඳහා ලකුණු 173 ක ඉලක්කයක් හඹාගිය ගුජරාට් ලයන්ස් කී‍්‍රඩකයෝ පන්දු 13 ක් ඉතිරිව තිබියදී කඩුලූ 4 ක් පමණක් දැවී එම ඉලක්කය පසුකර ගියහ.

පස්වැනි කඩුල්ල වෙනුවෙන් පන්දු 33 කදී ලකුණු 51 ක සම්බන්ධතාවක් ගොඩනැගූ ඞ්වේන් ස්මිත් (නොදැවී 37) සහ රවින්ද්‍ර ජදේජා (නොදැවී 21) ගුජරාට් කණ්ඩායම ජයග‍්‍රහණය කරා රැගෙන ගියහ. පන්දු 23 කදී වාර්තා වූ ස්මිත්ගේ ඉනිමට හයේ පහර 2 ක් සහ හතරේ පහර 4 ක් ඇතුළත් වූ අතර පන්දු 15 කදී වාර්තා වූ ජදේජාගේ ඉනිමට හතරේ පහර 4 ක් ඇතුළත් විය.

නායකත්වයේ ඉනිමක් කී‍්‍රඩා කළ සුරේෂ් රයිනා පන්දු 36 කදී හයේ පහර 2 ක් සහ හතරේ පහර 8 ක් සමගින් ලකුණු 58 ක් රැස්කළේය. බ්‍රෙන්ඩන් මැකලම් (48) සමග එක්ව දෙවැනි කඩුල්ල වෙනුවෙන් පන්දු 54 කදී ලකුණු 90 ක සම්බන්ධතාවක් ගොඩනැගීමටද රයිනා සමත් විය. පන්දු 27 කදී වාර්තා වූ මැකලම්ගේ ඉනිමට හයේ පහරක් සහ හතරේ පහර 8 ක් අන්තර්ගත විය.

පළමුවෙන් පන්දුවට පහරදුන් මුම්බායි ඉන්දියන්ස් කණ්ඩායම වෙනුවෙන් ප‍්‍රවේගකාරී පිතිහරඹයක නිරත වූ නටිෂ් රානා පන්දු 36 කදී හයේ පහර 4 ක් සහ හතරේ පහර 7 ක් සමගින් ලකුණු 70 ක් රැස්කළේය.

ජොස් බට්ලර් (33) සමග එක්ව සිව්වැනි කඩුල්ල වෙනුවෙන් පන්දු 53 කදී ලකුණු 75 ක සම්බන්ධතාවක් ගොඩනැගීමටද නටිෂ් රානා සමත් විය. පන්දු 31 කදී වාර්තා වූ බට්ලර්ගේ ඉනිමට හතරේ පහර 3 ක් ඇතුළත් විය.

නායක රෝහිත් ශර්මා පන්දු 17 කදී හයේ පහර 2 ක් සහ හතරේ පහර 4 ක් සමග ලකුණු 30 ක් රැුස්කරමින් මුම්බායි කණ්ඩායමට සාර්ථක ආරම්භයක් ලබාදුන්නේය.

ඞ්වේන් බ‍්‍රාවෝ, ප‍්‍රවීන් කුමාර්, ඞ්වේන් ස්මිත් සහ ධවාල් කුලකර්ණි ගුජරාට් ලයන්ස් කණ්ඩායම වෙනුවෙන් කඩුලූ 2 බැගින් දවාගත්හ.
කාසියේ වාසිය දිනූ ගුජරාට් ලයන්ස් කණ්ඩායම පළමුවෙන් පන්දුවට පහරදීම සඳහා මුම්බායි ඉන්දියන්ස් කණ්ඩායමට ආරාධනා කර සිටියේය.

මුම්බායි ඉන්දියන්ස් කණ්ඩායම –  ඕවර 20 කදී කඩුලූ 8 කට 172
(රෝහිත් ශර්මා 30, නටිෂ් රානා 70, ජොස් බට්ලර් 33, ඞ්වේන් බ‍්‍රාවෝ 22/2, ප‍්‍රවීන් කුමාර් 24/2, ඞ්වේන් ස්මිත් 37/2, ධවාල් කුලකර්ණි 41/2)

ගුජරාට් ලයන්ස් කණ්ඩායම –  ඕවර 17.5 කදී කඩුලූ 4 කට 173
(බ්‍රෙන්ඩන් මැකලම් 48, සුරේෂ් රයිනා 58, ඞ්වේන් ස්මිත් නොදැවී 37, රවින්ද්‍ර ජදේජා නොදැවී 21, විනේ කුමාර් 17/2)

 

 

-036

 

හෙලිකොප්ටර් පහරින් පූනේ පිලට ජය

අයි. පී. එල්. කි‍්‍රකට් තරගාවලියේ 53 වැනි තරගය ලෙස රයිසින් පූනේ සුපර්ජයන්ට්ස් කණ්ඩායම සහ කිංග්ස් XI පන්ජාබ් කණ්ඩායම අතර විශාකාපට්නම්හිදී අද (සෙනසුරාදා) පැවැති තරගයෙන් කඩුලූ 4 ක් ජයක් අත්කර ගැකීමට රයිසින් පූනේ සුපර්ජයන්ට්ස් කණ්ඩායම සමත් විය.

 

ජයග‍්‍රහණය සඳහා ලකුණු 173 ක ඉලක්කයක් හඹාගිය රයිසින් පූනේ සුපර්ජයන්ට්ස් කණ්ඩායම කඩුලූ 6 ක් දැවී අවසන් පන්දුවේදී එම ඉලක්කය සපුරාලීමට සමත් විය. අවසන් පන්දුවේදී ‘හෙලිකොප්ටර්’ පහරකින් ලකුණු 6 ක් ලබාගත් නායක මහේන්ද්‍ර සිං දෝනි සුපර්ජයන්ට්ස් කණ්ඩායම ජයග‍්‍රහණය කරා රැගෙන ගියේය.

තරගය ජයගැනීමට නම් අක්ෂර් පටේල් විසින් යවන ලද අවසන්  ඕවරයේදී සුපර්ජයන්ට්ස් කණ්ඩායමට සඳහා ලකුණු 23 ක් රැස්කිරීමට සිදුවිය. පන්දු දෙකකදී ලකුණු ලබාගැනීමට නොහැකි වුවද, වයිඞ් ලකුණක් සමග ඉතිරි පන්දු හතරේදී හයේ පහර 3 කින් සහ හතරේ පහරකින් එම ලකුණු 23  රැස්කිරීමට මහේන්ද්‍ර සිං දෝනි සමත් විය.

කණ්ඩායම අසිරූ තත්ත්වයක මුහුණපා සිටි අවස්ථාවක නායකත්වයේ ඉනිමක් කී‍්‍රඩා කළ දෝනි, පන්දු 32 කදී ලකුණු 64 ක් රැස්කළේ හයේ පහර 5 ක් සහ හතරේ පහර 4 ක් සමගිනි.

තිසර පෙරේරා (23) සමග එක්ව සුපර්ජයන්ට්ස් කණ්ඩායමේ 6 වැනි කඩුල්ල වෙනුවෙන් පන්දු 29 කදී ලකුණු 58 ක සම්බන්ධතාවක් ගොඩනැගීමටද දෝනි සමත් විය. පන්දු 14 කට මුහුණදුන් තිසර පෙරේරාගේ ඉනිමට හයේ පහරක් සහ හතරේ පහර 2 ක් අන්තර්ගත විය.

කාසියේ වාසිය දිනා පළමුවෙන් පන්දුවට පහරදුන් කිංග්ස් XI පන්ජාබ් කණ්ඩායමේ පළමු කඩුල්ල වෙනුවෙන් පන්දු 45 කදී ලකුණු 60 ක සම්බන්ධතාවක් ගොඩනැගීමට නායක මුරලි විජේ (59) සහ හෂීම් අම්ලා (30) සමත් වූහ.

පන්දු 41 කදී වාර්තා වූ මුරලි විජේගේ අර්ධ ශතකයට හයේ පහර 3 ක් සහ හතරේ පහර 4 ක් ඇතුළත් වූ අතර පන්දු 27 කදී වාර්තා වූ හෂීම් අම්ලාගේ ඉනිමට හයේ පහරක් සහ හතරේ පහර 4 ක් ඇතුළත් විය.

වේගවත් පිතිහරඹයක නිරත වූ ගුරුකීරාට් සිං පන්දු 30 කදී හයේ පහර 3 ක් සහ හතරේ පහර 3 ක් සමග ලකුණු 59 ක් රැස්කරමින් පන්ජාබ් කණ්ඩායමේ ලකුණු සංඛ්‍යාව ඉහළ දැමීය.

දක්ෂ පන්දුයැවීමක නිරත වූ රවිචන්ද්‍රන් අෂ්වින් ඕවර 4 ක් යවමින් ලකුණු 34 කට කඩුලූ 4 ක් දවාගැනීමට සමත් විය.

කිංග්ස් XI පන්ජාබ් කණ්ඩායම – ඕවර 20 කදී කඩුලූ 7 කට 172
(හෂීම් අම්ලා 30, මුරලි විජේ 59, ගුරුකීරාට් සිං 51, රවිචන්ද්‍රන් අෂ්වින් 34/4)

රයිසින් පූනේ සුපර්ජයන්ට්ස් කණ්ඩායම – ඕවර 20 කදී කඩුලූ 6 කට 173
(අජින්ක්‍යා රහනේ 19, උස්මන් කවාජා 30, සෞරබ් තිවාරි 17, මහේන්ද්‍ර සිං දෝනි නොදැවී 64, තිසර පෙරේරා 23, ගුරුකීරාට් සිං 15/2)

 

-036

 

කරුන් නයර් දිල්ලි පිලට ජය ගෙනෙයි

අයි. පී. එල්. කි‍්‍රකට් තරගාවලියේ රායිපූර්හිදී පැවැති 52 වැනි තරගයේදී සන්රයිසස් හයිද්‍රාබාද් කණ්ඩායමට එරෙහිව කඩුලූ 6 ක ජයක් අත්කර ගැනීමට දිල්ලි ඩෙයාර් ඩෙවිල්ස් කණ්ඩායම අද (20 වැනිදා) සමත්විය.

 


ලකුණු 159 ක ඉලක්කයක් හඹාගිය දිල්ලි ඩෙයාර් ඩෙවිල්ස් පිල තරගයේ අවසන් පන්දුවේදී කඩුලූ 6 ක් දැවී හතරේ පහරකින් ජය තහවුරු කරගැනීමට සමත්විය.


තරගයේ වීරයාට හිමි සම්මානය හිමිකර ගත් කරුන් නයර් දක්ෂ පිතිහරඹයක නිරත වෙමින් පන්දු 59 කදී හතරේ පහර 8 ක් සහ හයේ පහර 3 ක් සමගින් නොදැවී ලකුණු 83 ක් ලබාගත් අතර දෙවන කඩුල්ල සදහා රිශාබ් පන්ට් (32) සමග එක්ව පන්දු 59 කදී ලකුණු 73 ක සම්බන්ධතාවයක්ද පැවැත්වීමට සමත්විය.


බරින්දර් ස‍්‍රාන්  ඕවර 4 කදී ලකුණු 34 කට කඩුලූ 2 ක් දවාගත්තේය.


හයිද්‍රාබාද් කණ්ඩායමට සාර්ථක ආරම්භයක් ලබාදුන් නායක ඬේවිඞ් වෝනර් පන්දු 56 කදී හයේ පහරක් සහ හතරේ පහර 8 ක් සමගින් ලකුණු 73 ක් රැස්කළේය. ශිකර් ධවාන් (10) සමග එක්ව පළමු කඩුල්ල වෙනුවෙන් පන්දු 36 කදී ලකුණු 46 ක සම්බන්ධතාවක් ගොඩනැගීමටද වෝනර් සමත් විය.


දිල්ලි ඩෙයාර් ඩෙවිල්ස් කණ්ඩායමේ සාර්ථකම පන්දුයවන්නා බවට පත් වූ කාර්ලෝස් බ‍්‍රැත්වෙයිට්  ඕවර 4 ක් යවා ලකුණු 27 කට කඩුලූ 2 ක් දවාගත්තේය.


කාසියේ වාසිය දිනූ දිල්ලි ඩෙයාර් ඩෙවිල්ස් කණ්ඩායම පළමුවෙන් පන්දුවට පහරදීම සඳහා සන්රයිසස් හයිද්‍රාබාද් කණ්ඩායමට ආරාධනා කර සිටියේය.

 

සන්රයිසස් හයිද්‍රාබාද් කණ්ඩායම –  ඕවර 20 කදී කඩුලූ 7 කට 158
(ඬේවිඞ් වෝනර් 73, මොරික්ස් හෙන්රික්ස් 18, නාමන්  ඕජා නොදැවී 16, කාර්ලෝස් බ‍්‍රැත්වෙයිට් 27/2)


දිල්ලි ඩෙයාර් ඩෙවිල්ස් කණ්ඩායම –  ඕවර 20 කදී කඩුලූ 4 කට 161
(රිශාබ් පන්ට් 32, කරුන් නයර් නොදැවී 83, බරින්දර් ස‍්‍රාන් 34/2)

 

-036