Category Archives: domestic cricket

අන්තර් සමාජ ශූරතාව ගුවන් හමුදාවට

අන්තර් සමාජ කාන්තා සීමිත ඕවර ක්‍රිකට් තරගාවලියේ I වැනි කාණ්ඩයේ ශූරතාව දිනාගැනීමට ගුවන් හමුදා ‘ඒ’ කණ්ඩායම සමත් විය. කොළඹ වෙළෙඳ සේවා ක්‍රිකට් සංගම්  ක්‍රීඩාංගණයේදී පැවැති අවසන් මහ තරගයේදී යුද හමුදා ‘ඒ’ කණ්ඩායමට එරෙහිව ලකුණු 61 ක ජයක් අත්කර ගනිමින් ගුවන් හමුදා ක්‍රීඩිකාවෝ එම ශූරතාවට හිමිකම් කීහ.


ජයග්‍රහණය සඳහා ලකුණු 191 ක ඉලක්කයක් හඹාගිය යුද හමුදා ‘ඒ’ කණ්ඩායමට ඕවර 45.4 ක් අවසානයේ සියලු දෙනා දැවී රැස්කරගත හැකි වූයේ ලකුණු 129 ක් පමණි. එහිදී යුද හමුදා කණ්ඩායමේ වැඩිම ලකුණු ලාභිනිය වූ ලක්මාලි මෙත්තානන්ද ලකුණු 27 ක් ලබාගත් අතර චමරි පොල්ගම්පළ සහ චමරි අතපත්තු කඩුලු 2 බැගින් දවාගනිමින් යුද හමුදා කණ්ඩායම අඩු ලකුණු සංඛ්‍යාවකට සීමා කිරීමට දායක වූහ.


කාසියේ වාසිය දිනා පළමුවෙන් පන්දුවට පහරදුන් ගුවන් හමුදා ‘ඒ’ කණ්ඩායම නියමිත ඕවර 50 අවසානයේ කඩුලු 9 ක් දැවී ලකුණු 190 ක් ලබාගත් අතර එහිදී අර්ධ ශතකයක් ලබාගැනීමට චමරි අතපත්තු (60) සමත් වූවාය.


ගුවන් හමුදා ‘ඒ’ පිල – ඕවර 50 කදී කඩුලු 9 ක් දැවී 190

(චමරි අතපත්තු 60, යසෝදා මෙන්ඩිස් 41, ඩිලානි මනෝදරා 24, අමා කාංචනා නොදැවී 23, ඕෂදී රණසිංහ 21, සුගන්දිකා කුමාරි 3/21, ලක්මාලි මෙත්තානන්ද 2/38, නිලූකා කරුණාරත්න 2/39)


යුද හමුදා ‘ඒ’ පිල – ඕවර 45.4 කදී සියලු දෙනා දැවී 129

(ලක්මාලි මෙත්තානන්ද 27, චමරි පොල්ගම්පළ 2/13, චමරි අතපත්තු 2/28)

-036

 

ශූරතාව කොළඹට

දිනේෂ් චන්දිමාල්ගේ පිතිහරඹයත් තිසර පෙරේරාගේ පන්දු යැවීමත් හමුවේ ශ්‍රී ලංකා ක්‍රිකට් ආයතනය සංවිධානය කරනු ලැබූ නගරාන්තර සීමිත ඕවර ක්‍රිකට් තරගාවලියේ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී පැවැති අවසන් මහා තරගයේදී ගාල්ල කණ්ඩායමට එරෙහිව ලකුණු 137 ක ජයක් හිමිකරගත් කොළඹ කණ්ඩායම ශූරතාව දිනාගැනීමට අද (29 වැනිදා) සමත්විය.

ජයග්‍රහණය සදහා ලකුණු 308 ක ඉලක්කයක් හඹාගිය ගාල්ල කණ්ඩායමට ඕවර 30.3 කදී සියලුදෙනා දැවී රැස්කිරීමට හැකිවූයේ ලකුණු 170 ක් පමණි.

ලකුණු 59 කට කඩුලු හතරක් දැවී තිබියදී පස්වැනි කඩුල්ල සදහා ලකුණු 53 ක සම්බන්ධතාවයක් පැවැත්වීමට සම්මු අශාන් (30) සහ චතුරංග ද සිල්වා (34) සමත්වු අතර නවවැනි කඩුල්ල සදහා වේගවත් පිතිහරඹයක නිරතවූ අකිල ධනංජය (24) සහ මාලින්ද පුෂ්පකුමාර (15) පන්දු 29 කදී ලකුණු 43 සම්බන්ධතාවයක් පැවැත්වුවද ජයග්‍රහණයට එය ප්‍රමාණවත් නොවීය.

ගාල්ල කණ්ඩායමේ පිතිකරුවන්ට දැඩි පීඩනයක් එල්ල කරමින් පන්දු යැවූ තිසර පෙරේරා ලකුණු 42 කට කඩුලු 4 ක් දවාගනිමින් පන්දුවෙන් දස්කම් දැක්වූ අතර සචිත්‍ර සේනානායක සහ දුෂ්මන්ත චමීර කඩුලු දෙක බැගින් දවාගැනීමට සමත්වූහ.

කාසියේ වාසිය දිනා පළමුව පන්දුවට පහරදුන් කොළඹ කණ්ඩායම ඕවර 50 අවසානයේදී කඩුලු 8 ක් දැවී ලකුණු 307 ක් රැස්කිරීමට සමත්විය. ලකුණු 96 කට කඩුලු 4 ක් දැවී තිබියදී දිනේශ් චන්දිමාල් සහ ශෙහාන් ජයසූරිය එක්ව පස්වැනි කඩුල්ල සදහා පන්දු 133 කදී පැවැත්වූ ලකුණු 139 ක සම්බන්ධතාවය හේතුවෙන් ඉහළ ලකුණු සංඛ්‍යාවක් කරා යෑමට කොළඹ කණ්ඩායමට හැකිවිය.

තරගාවලියේ දෙවැනි ශතකයත් වාර්තා කළ දිනේශ් චන්දිමාල් පන්දු 116 කදී හයේ පහර තුනක් සහ හතරේ පහර 11 ක් සමගින් නොදැවී ලකුණු 113 ක් රැස්කරමින් පිත්තෙන් දස්කම් දැක්වීය. චන්දිමාල්ට අනගි සහයක් ලබාදුන් ශෙහාන් ජයසූරිය දැවීයන විටදී පන්දු 63 කට මුහුණදී හයේ පහරක් සහ හතරේ පහර අටක් සමගින් ලකුණු 77 ක් රැස්කිරීමට සමත්විය.

 


කොළඹ කණ්ඩායම – ඕවර 50 කදී කඩුලු 8 ක් දැවී ලකුණු 307
(ඩිල්ශාන් මුණවීර 27, කිත්රුවන් විතානගේ 25, දිනේෂ් චන්දිමාල් නොදැවී 113, ශෙහාන් ජයසූරිය 77, මාලින්ද පුෂ්පකුමාර 32/2, චතුරංග ද සිල්වා 53/2, අකිල ධනංජය 56/2, දසුන් ශානක 63/2)

ගාල්ල කණ්ඩායම – ඕවර 30.3 කදී සියලුදෙනා දැවී ලකුණු 170    
(සධීර සමරවික්‍රම 29, සම්මු අශාන් 30, චතුරංග ද සිල්වා 34, අකිල ධනංජය 24, තිසර පෙරේරා 42/4, සචිත්‍ර සේනානායක 34/2, දුෂ්මන්ත චමීර 40/2)

 

නගරාන්තර තරගාවලියේ අවසන් තරගය හෙට

ශ්‍රී ලංකා ක්‍රිකට් ආයතනය සංවිධානය කරන නගරාන්තර සීමිත ඕවර ක්‍රිකට් තරගාවලියේ අවසන් මහා තරගය ගාල්ල සහ කොළඹ කණ්ඩායම් අතර හෙට (29 වැනිදා) ආර්. ප්‍රේමදාස ක්‍රීඩාංගණයේදි පැවැත්විමට කටයුතු යොදා ඇත.


ගාල්ල කණ්ඩායම උපුල් තරංග විසින් මෙහෙයවනු ලබන අතර කොළඹ කණ්ඩායම දිනේෂ් චන්දිමාල් විසින් මෙහෙයවනු ලබයි.


ගාල්ල කණ්ඩායමේ සධීර සමරවික්‍රම තරග හයකදී ලකුණු 314 ක් රැස්කරමින් තරගාවලියේ වැඩිම ලකුණු රැස්කළ පිතිකරුවන් අතර පෙරමුණේ රැඳී සිටින අතර තරග හයකදී ලකුණු 310 ක් රැස්කළ ගාල්ල කණ්ඩායමේම දිමුත් කරුණාරත්න දෙවැනි ස්ථානයේ පසුවන්නේය. සධීර සමරවික්‍රම ශතක දෙකක් සහ අර්ධ ශතකයක් ලබාගෙන ඇති අතර දිමුත් කරුණාරත්න අර්ධ ශතක තුනක් ලබාගැනීමට සමත්වී ඇත.


තරග හයකදී ශතකයක් සහ අර්ධ ශතක දෙකක් සමගින් ලකුණු 285 ක් රැස්කරගෙන ඇති දිනේෂ් චන්දිමාල් මෙම තරගාවලියේදී වැඩිම ලකුණු රැස්කළ පිතිකරුවන් අතර සිවුවැනි ස්ථානයේ පසුවන්නේය.


තරග පහකදී කඩුලු 12 ක් දවාගනිමින් වැඩිම කඩුලු දවාගත් පිතිකරුවන් අතර පෙරමුණ ගැනීමට ගාල්ල කණ්ඩායමේ මාලින්ද පුෂ්පකුමාර සමත්වී ඇති අතර තරග හයකදී කඩුලු 10 ක් දවාගත් කොළඹ කණ්ඩායමේ ශෙහාන් ජයසූරිය තෙවැනි ස්ථානයේ පසුවන්නේය.

 

ගාල්ල කණ්ඩායම

උපුල් තරංග (නායක), සධීර සමරවික්‍රම, දිමුත් කරුණාරත්න, දසුන් ශානක, චතුරංග ද සිල්වා, ධනංජය ද සිල්වා, සීකුගේ ප්‍රසන්න, මිනෝද් භානුක, සම්මු අශාන්, සුරංග ලක්මාල්, චාමික කරුණාරත්න, අකිල ධනංජය, මාලින්ද පුෂ්පකුමාර, විකුම් සංජය.

 

කොළඹ කණ්ඩායම

දිනේෂ් චන්දිමාල් (නායක), ඩිල්ශාන් මුණවීර, වනිඳු හසරංග, අශාන් ප්‍රියංජන්, ශෙහාන් ජයසූරිය, ඇන්ජලෝ ජයසිංහ, කිත්රුවන් විතානගේ, තිසර පෙරේරා, ළහිරු තිරිමාන්න, සචිත්‍ර සේනානායක, නිපුන් කරුණානායක, ඇන්ජලෝ පෙරේරා, විශ්ව ප්‍රනාන්දු, ජෙෆ්රී වැන්ඩර්සේ, දුෂ්මන්ත චමීර.

 

ගාල්ලට ලකුණු 221 ක ජයක්

ශ්‍රී ලංකා ක්‍රිකට් ආයතනය සංවිධානය කරන නගරාන්තර සීමිත ඕවර ක්‍රිකට් තරගාවලියේ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී පැවැති තරගයකදී දඹුල්ල කණ්ඩායමට එරෙහිව ලකුණු 221 ජයක් හිමිකරගත් ගාල්ල කණ්ඩායම අවසන් මහා තරගයට සුදුසුකම් ලබාගැනීමට අද (27 වැනිදා) සමත්විය.


ජයග්‍රහණය සදහා ලකුණු 363 ක ඉලක්කයක් හඹාගිය දඹුල්ල කණ්ඩායමට ඕවර 31.3 කදී සියලුදෙනා දැවී රැස්කිරීමට හැකිවූයේ ලකුණු 141 ක් පමණි. ගාල්ල කණ්ඩායමේ පන්දු යවන්නන් හමුවේ දැඩි පීඩනයකට දඹුල්ල පිලේ පිතිකරුවන් ලක්වුවද තරමක් දුරට සාර්ථක වන්නට අශාන් ප්‍රියංජන්ට හැකිවිය. පන්දු 67 කට මුහුණදී හයේ පහර දෙකක් සහ හතරේ පහර හතරක් සමගින් නොදැවී ලකුණු 50 ක් රැස්කිරීමට අශාන් ප්‍රියංජන් සමත්විය.


චතුරංග ද සිල්වා ලකුණු 20 කට කඩුලු තුනක්ද අකිල ධනංජය ලකුණු 23 කට කඩුලු දෙකක් සහ දසුන් ශානක ලකුණු 24 කට කඩුලු දෙකක් දවාගනිමින් පන්දුවෙන් දස්කම් දැක්වූහ.


කාසියේ වාසිය දිනා පළමුව පන්දුවට පහරදුන් ගාල්ල කණ්ඩායම ඕවර 50 අවසානයේදී කඩුලු 7 ක් දැවී ලකුණු 362 ක් රැස්කිරීමට සමත්විය. විශිෂ්ට පිතිහරඹයක නිරතවූ සධීර සමරවික්‍රම පන්දු 104 කදී ලකුණු 120 ක් රැස්කිරීමට සමත්වූ අතර ඔහුගේ ඉනිම හයේ පහර දෙකකින් සහ හතරේ පහර 10 කින් අලංකාර විය.


සම්මු අශාන් පන්දු 48 කදි හයේ පහර තුනක් සහ හතරේ පහර දෙකක් සමගින් ලකුණු 52 ක් රැස්කළ අතර වේගවත් පිතිහරඹයක නිරතවූ දසුන් ශානක පන්දු 27 කදී හයේ පහර තුනක් සහ හතරේ පහර පහක් සමගින් නොදැවී ලකුණු 49 ක් සහ සීකුගේ ප්‍රසන්න පන්දු 17 කදී හයේ පහර තුනක් සහ හතරේ පහර තුනක් සමගින් ලකුණු 36 ක් රැස්කරමින් ගාල්ල කණ්ඩායමේ ලකුණු සංඛ්‍යාව ඉහළ දැමීමට සමත්වූහ.


අසිත ප්‍රනාන්දු ලකුණු 62 කට කඩුලු 4 ක් දවාගනිමින් පන්දුවෙන් දස්කම් දැක්වුද ගාල්ල කණ්ඩායමේ පිතිකරුවන් මෙල්ල කරමින් අඩු ලකුණු සංඛ්‍යාවකට ඔවුන් සීමා කිරීමට අපොහොසත් විය.

 

ගාල්ල කණ්ඩායම – ඕවර 50 කදී කඩුලු 7 ක් දැවී ලකුණු 362
(සධීර සමරවික්‍රම 120, දිමුත් කරුණාරත්න 22, මිනෝද් භානුක 25, සම්මු අශාන් 52, දසුන් ශානක නොදැවී 49, සීකුගේ ප්‍රසන්න 36, අසිත ප්‍රනාන්දු 62/4)

දඹුල්ල කණ්ඩායම – ඕවර 31.3 කදී සියලුදෙනා දැවී ලකුණු 141    
(කුසල් මෙන්ඩිස් 23, අශාන් ප්‍රියංජන් නොදැවී 50, චතුරංග ද සිල්වා 20/3, අකිල ධනංජය 23/2, දසුන් ශානක 24/2)

 

 

කොළඹට කඩුලු 4 ක ජයක්

ශ්‍රී ලංකා ක්‍රිකට් ආයතනය සංවිධානය කරන නගරාන්තර සීමිත ඕවර ක්‍රිකට් තරගාවලියේ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී පැවැති තරගයකදී මහනුවර කණ්ඩායමට එරෙහිව කඩුලු 4 ක ජයක් හිමිකරගත් කොළඹ කණ්ඩායම අවසන් මහා තරගයට සුදුසුකම් ලබාගැනීමට අද (26 වැනිදා) සමත්විය.

ජයග්‍රහණය සදහා ලකුණු 137 ක ඉලක්කයක් හඹාගිය කොළඹ කණ්ඩායම ඕවර 25.5 කදී කඩුලු හයක් දැවී එම ඉලක්කය පසුකිරීමට සමත්විය. ලකුණු 47 කට කඩුලු 5 ක් දැවී අසීරු තත්වයක සිටි කොළඹ කණ්ඩායම් ඉනිම නැවත ගොඩනගමින් හයවැනි කඩුල්ල සදහා පන්දු 85 කදී ලකුණු 68 ක සම්බන්ධතාවයක් ගොඩනැගීමට ශෙහාන් ජයසූරිය (නොදැවී 30) සහ වනිඳු හසරංග (29) සමත්වූහ.

අමිල අපෝන්සු  සහ සචිත් පතිරණ කඩුලු දෙක බැගින් දවාගැනිමට සමත්වුහ.

කාසියේ වාසිය දිනා පළමුව පන්දුවට පහරදුන් මහනුවර කණ්ඩායමට ඕවර 31 කදී සියලුදෙනා දැවී රැස්කිරීමට හැකිවූයේ ලකුණු 136 ක් පමණි. මහනුවර කණ්ඩායමේ පිතිකරුවන්ට සාර්ථක වීමට අවස්ථාවක් ලබානොදීමට කොළඹ කණ්ඩායමේ පන්දු යවන්නෝ වගබලාගත්හ. වමතින් වේගපන්දු යවන විශ්ව ප්‍රනාන්දු දැඩි පහරදීමකට ලක්වුවද ඕවර අටක් යවමින් ලකුණු 61 කඩුලු 4 ක් දවාගැනීමට සමත්විය. පිටදඟ පන්දු යවන ශෙහාන් ජයසූරිය ඕවර හතක් යවමින් ලකුණු 14 කට කඩුලු 3 ක් දවාගනිමින් පන්දුවෙන් දස්කම් දැක්වූයේය.

ලකුණු 96 කට කඩුලු හයක් දැවී තිබියදී අවසන් කඩුල්ල සදහා පන්දු 42 කදි ලකුණු 40 ක සම්බන්ධතාවයක් ගොඩනැගීමට අමිල අපෝන්සු (නොදැවී 22) සහ නුවන් ප්‍රදීප් (14) සමත්වූහ.


මහනුවර කණ්ඩායම – ඕවර 31 කදී සියලුදෙනා දැවී ලකුණු 136
(මහේල උඩවත්ත 22, අමිල අපෝන්සු නොදැවී 22, විශ්ව ප්‍රනාන්දු 61/4, ශෙහාන් ජයසූරිය 14/3, වනිඳු හසරංග 19/2)

කොළඹ කණ්ඩායම – ඕවර 25.5 කදී කඩුලු 6 ක් දැවී ලකුණු 139    
(කිත්රුවන් විතානගේ 26, ශෙහාන් ජයසූරිය නොදැවී 30, වනිඳු හසරංග 29, සචිත්‍ර සේනානායක නොදැවී 22, අමිල අපෝන්සු  34/2, සචිත් පතිරණ 35/2)

 

කොළඹට කඩුලු 3 ක ජයක්

ශ්‍රී ලංකා ක්‍රිකට් ආයතනය සංවිධානය කරන නගරාන්තර සීමිත ඕවර ක්‍රිකට් තරගාවලියේ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී අද (22 වැනිදා) පැවැති තරගයකදී ගාල්ල කණ්ඩායමට එරෙහිව කඩුලු 3 ක ජයක් හිමිකර ගැනීමට කොළඹ කණ්ඩායම සමත්විය.


ජයග්‍රහණය සදහා ලකුණු 300 ක ඉලක්කයක් හඹාගිය කොළඹ කණ්ඩායම ඕවර 49 කදී කඩුලු 7 ක් දැවී ඉලක්කය පසුකිරීමට සමත්විය. ඩිල්ශාන් මුණවීර පන්දු 54 කදී හයේ පහර හතරක් සහ හතරේ පහර 10 ක් සමගින් ලකුණු 86 ක් රැස්කළ අතර ඇන්ජලෝ ජයසිංහ පන්දු 99 කදි හතරේ පහර හතරක් සමගින් ලකුණු 70 ක් රැස්කළේය. පළමු කඩුල්ල සදහා පන්දු 79 කදී ලකුණු 104 ක සම්බන්ධතාවයක් පැවැත්විමටද ඩිල්ශාන් මුණවීර සහ ඇන්ජලෝ ජයසිංහ සමත්වූහ.


වේගවත් පිතිහරඹයක නිරතවෙමින් කොළඹ කණ්ඩායම ජයග්‍රහණය කරා රැගෙන ගිය තිසර පෙරේරා පන්දු 30 කදී හයේ පහර තුනක් සහ හතරේ පහර හතරක් සමගින් නොදැවී ලකුණු 42 ක් රැස්කිරීමට සමත්විය.


කාසියේ වාසිය දිනා පළමුව පන්දුවට පහරදුන් ගාල්ල කණ්ඩායම නායක උපුල් තරංගගේ ශතකය හමුවේ ඕවර 50 අවසානයේදී කඩුලු නවයක් දැවී ලකුණු 299 ක් රැස්කිරීමට සමත්විය. උපුල් තරංග පන්දු 113 කදි හයේ පහරක් සහ හතරේ පහර 13 ක් සමගින් ලකුණු 101 ක් රැස්කිරීමට සමත්විය.


දෙවැනි කඩුල්ල සදහා පන්දු 185 කදී ලකුණු 174 ක සම්බන්ධතාවයක් ගොඩනැගීමට උපුල් තරංග සහ දිමුත් කරුණාරත්න සමත්වුහ. දිමුත් කරුණාරත්න පන්දු 84 කදී හයේ පහර දෙකක් සහ හතරේ පහර හතක් සමගින් ලකුණු 78 ක් රැස්කළ අතර ධනංජය ද සිල්වා පන්දු 43 කදී හතරේ පහර හයක් සමගින් නොදැවී ලකුණු 52 ක් රැස්කිරීමට සමත් වූයේය.

 


ගාල්ල කණ්ඩායම – ඕවර 50 කදී කඩුලු 9 ක් දැවී ලකුණු 299
(උපුල් තරංග 101, දිමුත් කරුණාරත්න 78, ධනංජය ද සිල්වා නොදැවී 52, දසුන් ශානක 25, විශ්ව ප්‍රනාන්දු 56/2)

කොළඹ කණ්ඩායම – ඕවර 49 කදී කඩුලු 7 ක් දැවී ලකුණු 301    
(ඩිල්ශාන් මුණවීර 86, ඇන්ජලෝ ජයසිංහ 70, කිත්රුවන් විතානගේ 27, ශෙහාන් ජයසූරිය 30, තිසර පෙරේරා නොදැවී 42, සිකුගේ ප්‍රසන්න 59/2, සුරංග ලක්මාල් 61/2)

 

 

මහනුවරට ලකුණු 39 ක ජයක්

ශ්‍රී ලංකා ක්‍රිකට් ආයතනය සංවිධානය කරන නගරාන්තර සීමිත ඕවර ක්‍රිකට් තරගාවලියේ රංගිරි දඹුල්ල ජාත්‍යන්තර ක්‍රීඩාංගණයේදී අද (22 වැනිදා) පැවැති තරගයකදී දඹුල්ල කණ්ඩායමට එරෙහිව ලකුණු 39 ක ජයක් හිමිකර ගැනීමට මහනුවර කණ්ඩායම සමත්විය.


ජයග්‍රහණය සදහා ලකුණු 324 ක ඉලක්කයක් හඹාගිය දඹුල්ල කණ්ඩායමට ඕවර 48.3 කදී සියලුදෙනා දැවී රැස්කිරීමට හැකිවූයේ ලකුණු 284 ක් පමණි. කුසල් ජනිත් (56), කුසල් මෙන්ඩිස් (59) සහ භානුක රාජපක්ෂ (81) අර්ධ ශතක ලබාගනිමින් පිත්තෙන් දස්කම් දැක්වුවද ජයග්‍රහණයට එය ප්‍රමාණවත් නොවීය.


පන්දුවෙන් දස්කම් දැක්වූ චරිත් අසලංක ලකුණු 27 කට කඩුලු 4 ක් දවාගත් අතර නුවන් ප්‍රදීප් ලකුණු 65 කට කඩුලු 3 ක් දවාගැනීමට සමත්විය.


කාසියේ වාසිය දිනා පළමුව පන්දුවට පහරදුන් මහනුවර කණ්ඩායම නායක චාමර කපුගෙදරගේ විශිෂ්ට පිතිහරඹය හමුවේ ඕවර 50 අවසානයේදී කඩුලු පහක් දැවී ලකුණු 323 ක් රැස්කිරීමට සමත්විය. වේගවත් පිතිහරඹයක නිරතවූ චාමර කපුගෙදර පන්දු 50 කදි හයේ පහර දෙකක් සහ හතරේ පහර 14 ක් සමගින් ලකුණු 105 ක් රැස්කිරීමට සමත්විය.


හයවැනි කඩුල්ල සදහා පන්දු 48 කදී ලකුණු 104 ක නොබිඳුණු සම්බන්දතාවයක් පැවැත්වීමට චාමර කපුගෙදර සහ සචිත් පතිරණ සමත්වූ අතර පළමු කඩුල්ල සදහා පන්දු 132 කදී ලකුණු 118 ක සම්බන්දතාවයක් පැවැත්විමට ධනුෂ්ක ගුණතිලක සහ දිල්හාන් කුරේ සමත්වූහ.


පන්දු 75 කදි හතරේ පහර හතක් සමගින් ලකුණු 75 ක් රැස්කිරීමට ධනුෂ්ක ගුණතිලක සමත්වූ අතර ලකුණුඅ 32 කට කඩුලු 4 ක් දවාගනිමින් පන්දුවෙන් දස්කම් දැක්වීමට අශාන් ප්‍රියංජන සමත්විය.


මහනුවර කණ්ඩායම – ඕවර 50 කදී කඩුලු 5 ක් දැවී ලකුණු 323
(ධනුෂ්ක ගුණතිලක 75, දිල්හාන් කුරේ 43, හෂාන් දුමිඳු 22, චරිත් අසලංක 35, චාමර කපුගෙදර නොදැවී 105, සචිත් පතිරණ නොදැවි 25, අශාන් ප්‍රියංජන 32/4)

දඹුල්ල කණ්ඩායම – ඕවර 48.3 කදී සියලුදෙනා දැවී ලකුණු 284
(කුසල් ජනිත් 56, කුසල් මෙන්ඩිස් 59, භානුක රාජපක්ෂ 81, ඩිල්රුවන් පෙරේරා 36, චරිත් අසලංක 27/4, නුවන් ප්‍රදීප් 65/3)

 

මහනුවර පිල පෙරමුණේ

ශ්‍රී ලංකා ක්‍රිකට් ආයතනය සංවිධානය කරන ලබන නගරාන්තර ක්‍රිකට් තරගාවලියේ පළමු වටයේ තරග හයක් අවසන් වන විට ප්‍රසාද ලකුණු 8 ක් හිමිකරගත් මහනුවර කණ්ඩායම ප්‍රසාද ලකුණු සටහනෙහි පෙරමුණ ගැනිමට සමත්ව සිටී. මහනුවර කණ්ඩායම තරග තුනකට සහභාගීවෙමින් ඉන් තරග දෙකක් ජයගත් අතර එක් තරගයක් පරාජයට පත්වී ඇත. ප්‍රසාද ලකුණු 7 ක් හිමිකරගත් කොළඹ කණ්ඩායම ප්‍රසාද ලකුණු සටහනෙහි දෙවෙනි ස්ථානයේ පසුවෙයි.

ශතකයක් සහ අර්ධ ශතකයක් ලබාගත් දඹුල්ල කණ්ඩායමේ හර්ෂ කුරේ තරග තුනකදී ලකුණු 249 ක් රැස්කරමින් තරගාවලියේ වැඩිම ලකුණු ලබාගත් පිතිකරුවා බවට පත්වී ඇති අතර දිනේෂ් චන්දිමාල් තරග තුනකදී ලකුණු 196 ක් ලබාගනිමින් වැඩිම ලකුණු ලබාගත් පිතිකරුවන් අතර දෙවැනි ස්ථානයේ පසුවන්නේය. දිනේෂ් චන්දිමාල් ලබාගත් ලකුණු 196 ට ශතකයක් සහ අර්ධ ශතකයක් ඇතුළත් වන්නේය.

ගාල්ල කණ්ඩායමේ මාලින්ද පුෂ්පකුමාර තරග දෙකකදී කඩුලු හතක් දවාගනිමින් වැඩිම කඩුලු ලබාගත් පන්දු යවන්නන් අතර පෙරමුණ ගැනීමට සමත්වූ අතර තරග තුනකදී කඩුලු හය බැගින් දවාගත් දඹුල්ල කණ්ඩායමේ ඩිල්රුවන් පෙරේරා සහ මහනුවර කණ්ඩායමේ ළහිරු ගමගේ වැඩිම කඩුලු ලබාගත් පන්දු යවන්නන් අතර දෙවැනි ස්ථානයේ පසුවෙති.

දෙවැනි වටයේ තරග 22, 24 සහ 26 යන දිනයන් වලදී ආර්. ප්‍රේමදාස සහ රංගිරි දඹුල්ල ක්‍රීඩාංගණ වලදී පැවැත්වෙන අතර සියලු තරග දිවා රාත්‍රි තරග ලෙස පැවැත්විමට කටයුතු යොදා ඇත.

 

කණ්ඩායම් තරග ජය පරාද ලකුණු සම ප්‍රසාද ලකුණු
මහනුවර 3 2 1 - 8
කොළඹ 3 1 1 1  7 
දඹුල්ල 3 1 1 1  6 
ගාල්ල 3 1 2 -   5 

කොළඹට ලකුණු 106 ක ජයක්

ශ්‍රී ලංකා ක්‍රිකට් ආයතනය සංවිධානය කරන නගරාන්තර සීමිත ඕවර ක්‍රිකට් තරගාවලියේ එන්.සී.සී. ක්‍රීඩාංගණයේදී අද (20 වැනිදා) පැවැති තරගයකදී මහනුවර කණ්ඩායමට එරෙහිව ලකුණු 106 ක ජයක් හිමිකර ගැනීමට කොළඹ කණ්ඩායම සමත්විය.


ජයග්‍රහණය සදහා ලකුණු 289 ක ඉලක්කයක් හඹාගිය මහනුවර කණ්ඩායමට ඕවර 38 කදී සියලුදෙනා දැවී රැස්කිරීමට හැකිවූයේ ලකුණු 182 ක් පමණි.


මහනුවර කණ්ඩායමේ වැඩිම ලකුණු ලාභියාවූ සචිත් පතිරණ පන්දු 55 කදී හයේ පහරක් සහ හතරේ පහර හයක් සමගින් ලකුණු 46 ක් රැස්කිරිමට සමත්වූ අතර වනිඳු හසරංග සහ සචිත්‍ර සේනානායක කඩුලු 3 බැගින් දවාගනිමින් පන්දුවෙන් දස්කම් දැක්වූහ.


හයවැනි කඩුල්ල සදහා පන්දු 82 කදි ලකුණු 74 ක සම්බන්ධතාවයක් පැවැත්විමට චාමර කපුගෙදර සහ සචිත් පතිරණ සමත්වූහ.


කාසියේ වාසිය දිනා පළමුව පන්දුවට පහරදුන් කොළඹ කණ්ඩාමය ඕවර 50 අවසානයේදී කඩුලු 8 ක් දැවී ලකුණු 288 ක් රැස්කිරීමට සමත්විය.


පළමු කඩුල්ල සදහා පන්දු 100 කදී ලකුණු 86 ක සම්බන්ධතාවයක් පැවැත්විමට ඩිල්ශාන් මුණවීර සහ ළහිරු තිරිමාන්න සමත්වූ අතර පස්වැනි කඩුල්ල සදහා පන්දු 90 කදී ලකුණු 103 ක සම්බන්ධතාවයක් පැවැත්වීමට දිනේෂ් චන්දිමාල් සහ වනිඳු හසරංග සමත්වූහ.


දිනේෂ් චන්දිමාල් පන්දු 77 කදී හයේ පහර දෙකක් සහ හතරේ පහර පහක් සමගින් ලකුණු 76 ක් සහ ඩිල්ශාන් මුණවීර පන්දු 55 කදී හයේ පහර දෙකක් සහ හතරේ පහර හයක් සමගින් ලකුණු 52 ක් රැස්කරමින් කොළඹ කණ්ඩායමේ ලකුණු සංඛ්‍යාව ඉහළ දැමීමට සමත්වූ අතර ළහිරු තිරිමාන්න (49) සහ වනිඳු හසරංග (49) අර්ධ ශතකයට ලකුණක් මෙපිටින් දැවී ගියේය.


නුවන් ප්‍රදීප් කඩුලු 3 ක් සහ චරිත් අසලංක කඩුලු 2 ක් දවාගනිමින් පන්දුවෙන් දස්කම් දැක්වූහ.

 

කොළඹ කණ්ඩායම – ඕවර 50 කදී කඩුලු 8 ක් දැවී ලකුණු 288

(දිනේෂ් චන්දිමාල් 76, ඩිල්ශාන් මුණවීර 52, ළහිරු තිරිමාන්න 49, වනිඳු හසරංග 49, නුවන් ප්‍රදීප් 56/3, චරිත් අසලංක 32/2)

 

මහනුවර කණ්ඩායම – ඕවර 38 කදී සියලුදෙනා දැවී ලකුණු 182

(සචිත් පතිරණ 46, චාමර කපුගෙදර 36, සඳුන් වීරක්කොඩි 29, වනිඳු හසරංග 37/3, සචිත්‍ර සේනානායක 39/3,  ඩිල්ශාන් මුණවීර 18/2)

 

දඹුල්ලට කඩුල්ලක තියුණු ජයක්

ශ්‍රී ලංකා ක්‍රිකට් ආයතනය සංවිධානය කරන නගරාන්තර සීමිත ඕවර ක්‍රිකට් තරගාවලියේ රංගිරි දඹුල්ල ජාත්‍යන්තර ක්‍රීඩාංගණයේදී අද (20 වැනිදා) පැවැති තරගයකදී ගාල්ල කණ්ඩායමට එරෙහිව කඩුල්ලක තියුණු ජයක් හිමිකර ගැනීමට දඹුල්ල කණ්ඩායම සමත්විය.


ජයග්‍රහණය සදහා ලකුණු 251 ක ඉලක්කයක් හඹාගිය දඹුල්ල කණ්ඩායම ඕවර 50 අවසානයේදී කඩුලු 9 ක් දැවී ඉලක්කය පසුකිරීමට සමත්විය.


දඹුල්ල කණ්ඩායමේ වැඩිම ලකුණු ලාභියාවූ හර්ෂ කුරේ ලකුණු 46 ක් ලබාගත්තේය.


චාමික කරුණාරත්න, චතුරංග ද සිල්වා, සිකුගේ ප්‍රසන්න සහ මාලින්ද පුෂ්පකුමාර කඩුලු දෙක බැගින් දවාගැනීමට සමත්විය.


කාසියේ වාසිය දිනා පළමුව පන්දුවට පහරදුන් ගාල්ල කණ්ඩායම ඕවර 50 අවසානයේදී කඩුලු 8 ක් දැවි ලකුණු 250 ක් රැස්කිරීමට සමත්වූ අතර චතුරංග ද සිල්වා (56) අර්ධ ශතකයක් ලබාගැනිමට සමත්විය.


මිලින්ද සිරිවර්ධන, ඩිල්රුවන් පෙරේරා සහ ළහිරු කුමාර කඩුලු දෙක බැගින් දවාගැනීමට සමත්වූහ.

 

ගාල්ල කණ්ඩායම – ඕවර 50 කදී කඩුලු 8 ක් දැවී ලකුණු 250

(චතුරංග ද සිල්වා 56, සිකුගේ ප්‍රසන්න 46, සුරංග ලක්මාල් නොදැවී 33, උපුල් තරංග 26, චාමික කරුණාරත්න නොදැවී 24, දිමුත් කරුණාරත්න 24, මිලින්ද සිරිවර්ධන 18/2, ඩිල්රුවන් පෙරේරා 28/2, ළහිරු කුමාර 52/2)

 

දඹුල්ල කණ්ඩායම – ඕවර 50 කදී කඩුලු 9 ක් දැවී ලකුණු 251

(හර්ෂ කුරේ 46, මිලින්ද සිරිවර්ධන 39, උදාර ජයසුන්දර 33, අශාන් ප්‍රියංජන් 33, ඩිල්රුවන් පෙරේරා 29, කුසල් මෙන්ඩිස් 21, චාමික කරුණාරත්න 23/2, චතුරංග ද සිල්වා 36/2, සිකුගේ ප්‍රසන්න 46/2, මාලින්ද පුෂ්පකුමාර 47/2)